ជាតិ
នយោបាយជាតិ
គណបក្សសំបុកឃ្មុំកំពុងធ្វើសមាជជ្រើសរើសប្រធានបក្ស ![](https://image.thmeythmey.com/pictures/2015/09/09/mam_sonangdo.jpg)
×![]()
គណបក្សសំបុកឃ្មុំសង្គមប្រជាធិបតេយ្យរបស់ក្រុមលោក ម៉ម សូណង់ដូ កំពុងធ្វើសមាជនៅព្រឹកថ្ងៃទី ៩ ខែ កញ្ញា នេះ ដើម្បីជ្រើសរើសក្បាលម៉ាស៊ីនដឹកនាំគណបក្ស។
អ្នកគាំទ្រប្រមាណ ១ ពាន់នាក់ បានចូលរួមនៅក្នុងសមាជគណបក្សសំបុកឃ្មុំប្រជាធិបតេយ្យនៅព្រឹកថ្ងៃទី ០៩ ខែកញ្ញា ឆ្នាំ២០១៥ នៅក្នុងបរិវេណគេហដ្ឋានលោក ម៉ម សូណង់ដូ នៅឃុំគគី ក្នុងស្រុកគៀនស្វាយ។
អង្គសមាជបានសម្រេចជ្រើសរើសលោក ម៉ម សូណង់ដូ ឲ្យធ្វើជាប្រធានបក្ស និងអនុប្រធានបក្សពីររូបទៀត តែមិនបែងចែកអនុប្រធានទី ១ និងទី ២ ឡើយ។ លោកបណ្ឌិត ហ៊ាង រិទ្ធី អ្នកវិភាគស្ថានការណ៍នយោបាយ ស្ថិតនៅក្នុងតំណែងជាអនុប្រធានគណបក្សនេះ។
បើតាមលោក ម៉ម សូណង់ដូ គណបក្សសំបុកឃ្មុំសង្គមប្រជាធិបតេយ្យ នឹងចូលរួមប្រកួតប្រជែងក្នុងការបោះឆ្នោតឃុំ-សង្កាត់ នៅឆ្នាំ ២០១៧ និងបោះឆ្នោតថ្នាក់ជាតិនៅឆ្នាំ ២០១៨ ។ លោក ម៉ម សូណង់ដូ អះអាងថា ប្រសិនបើគណបក្សរបស់លោក មិនបានទទួលការគាំទ្រ ៥០ ភាគរយ បូក ១ នៅក្នុងការបោះឆ្នោតឆ្នាំ ២០១៨ ទេនោះ រូបលោក នឹងដើរចេញពីបក្ស៕
© រក្សាសិទ្ធិដោយ thmeythmey.com