ជាតិ
រដ្ឋសភា បើកសម័យប្រជុំលើកទី៥ នីតិកាលទី៥ ពិនិត្យ និងពិភាក្សាលើរបៀបវារៈចំនួន៦
× តាមការគ្រោងទុក រដ្ឋសភា បានបើកសម័យប្រជុំរដ្ឋសភាលើកទី៥ នីតិកាលទី៥ នៅថ្ងៃទី២០ខែតុលានេះ ដោយនឹងពិនិត្យ និងពិភាក្សាលើរបៀបវារៈចំនួន៦ ។ កិច្ចប្រជុំនេះ ដឹកនាំដោយលោក ហេង សំរិន ប្រធានរដ្ឋសភា។
របៀបវារៈចំនួន៦ ដែលគ្រោងពិនិត្យ និងពិភាក្សានោះរួមមាន៖
១. ព្រះរាជសារព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជូនសម័យប្រជុំរដ្ឋសភាលើកទី៥ នីតិកាលទី៥ ។
២. របាយការណ៍ស្តីពីសកម្មភាពរបស់រដ្ឋសភា ចន្លោះសម័យប្រជុំរដ្ឋសភាលើកទី៤ និងលើកទី៥ នីតិកាលទី៥ ។
៣. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងស្តី ពីកិច្ចសហប្រតិបត្តិការពាណិជ្ជកម្ម និងសេដ្ឋកិច្ចរវាងរដ្ឋាភិបាលកម្ពុជា និងរដ្ឋាភិបាលបេឡារុស។
៤. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងរដ្ឋាភិបាលកម្ពុជា និងរដ្ឋាភិបាលបេឡារុស ស្តីពីការជំរុញ និងការការពារទៅវិញទៅមកនៃវិនិយោគ។
៥. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងរដ្ឋាភិបាលកម្ពុជា និងរដ្ឋាភិបាលរុស្ស៊ី ស្តីពីការជំរុញ និងការការពារទៅវិញទៅមកនៃវិនិយោគ។
៦. ពិភាក្សា និងអនុម័តសេចក្តីស្នើច្បាប់ស្តីពីវិសោធនកម្មមាត្រាទី២១ នៃច្បាប់ស្តីពីលក្ខន្តិកៈសមាជិកព្រឹទ្ធសភា៕
© រក្សាសិទ្ធិដោយ thmeythmey.com