ជាតិ
ក្រោយការពិនិត្យរបស់លោក ហ៊ុន សែន Naga World ផ្តើមរុះរើសំណង់ជាប់របងពុទ្ធសាសនបណ្ឌិត្យជាបន្ទាន់
×![]()
ភ្នំពេញ៖ ក្រុមហ៊ុនកាស៊ីណូធំជាងគេនៅកម្ពុជា Naga World ដែលចុះបញ្ជីក្នុងផ្សារហ៊ុននៅហុងកុង បានរុះរើសំណង់វិទ្យាស្ថានពុទ្ធសាសនបណ្ឌិត្យ នៅថ្ងៃទី៦ ខែវិច្ឆិកា ឆ្នាំ២០១៥នេះ។ ក្រោយពីលោកនាយករដ្ឋមន្ត្រី ហ៊ុន សែន ចុះទៅពិនិត្យសំណង់ក្រុមហ៊ុនមួយនេះ កាលពីថ្ងៃទី៥ ម្សិលមិញ ក្រសួងរៀបចំដែនដី នគរូបនីយកម្ម និងសំណង់ និងសាលារាជធានីភ្នំពេញ បានសម្រេចឲ្យក្រុមហ៊ុនណាហ្គាវើល ផ្អាក និងរុះរើសំណង់ជាបន្ទាន់ ដោយលើកហេតុផលថា ការសាងសង់នេះ គឺខុសពីច្បាប់អនុញ្ញាត។
លោក អ៊ឹម ឈុនលឹម រដ្ឋមន្ត្រីក្រសួងរៀបចំដែនដី និងលោក ប៉ា សុជាវង្ស អភិបាលរាជធានីភ្នំពេញ បានប្រជុំភ្លាមៗពីម្សិលមិញ សម្រេចឲ្យក្រុមហ៊ុនណាហ្គាវើល ផ្អាកការដ្ឋាន និងរុះរើ សំណង់ ជាប់របងពុទ្ធសាសនបណ្ឌិត្យ ដោយខ្លួនឯង។ វិធានការនេះ ធ្វើឡើងក្រោយពីលោក ហ៊ុន សែន ណែនាំដល់អាជ្ញាធរមានសមត្ថកិច្ចឲ្យពិភាក្សាចាត់វិធានការកែលម្អឡើងវិញនូវសំណង់អគារនេះ ដោយលើកឡើងថា ប៉ះពាល់ដល់សោភ័ណភាពរាជធានី។
ក្រុមហ៊ុន Naga World បាន និងកំពុងដំណើរការសាងសង់ផ្លូវ Naga ២ ដែលធ្វើឲ្យវិទ្យាស្ថានពុទ្ធសាសនបណ្ឌិត្យស្ថិតនៅចំកណ្ដាល Naga World និង Naga ២ ទើបលេចឮព័ត៌មាននៃការទិញលក់វិទ្យាស្ថានពុទ្ធសាសនបណ្ឌិត្យ។ ក្រោយពីផ្នែកនៃរបង និងខ្លោងទ្វារនៃវិទ្យាស្ថាន នេះ ត្រូវបានវាយកម្ទេច កាលពីដើមឆ្នាំនេះ សាធារណៈជន និងព្រះសង្ឃ បានទាមទារតវ៉ារដ្ឋាភិបាលឲ្យបញ្ឈប់ការសាងសង់ជាបន្តបន្ទាប់។
ទាក់ទិននឹបញ្ហានេះ កាលពីខែឧសភា ឆ្នាំ២០១៤ រដ្ឋាភិបាលបានបំភ្លឺថា ខ្លួនគ្រាន់តែអនុញ្ញាតឲ្យក្រុមហ៊ុន Naga Corp ដែលជាក្រុមហ៊ុនមេរបស់កាស៊ីណូ Naga World សាងសង់អនុស្ថានីយអគ្គិសនីនៅលើដីរបស់វិទ្យាស្ថាននេះ ដើម្បីផ្គត់ ផ្គង់អគ្គិសនីទៅសណ្ឋាគារថ្មីមួយរបស់ក្រុមហ៊ុននេះ នៅផ្លូវម្ខាងទៀតប៉ុណ្ណោះ។ លោកនាយករដ្ឋមន្ត្រី ហ៊ុន សែន ក៏ធ្លាប់បានផ្ញើលិខិតថ្វាយព្រះមហាក្សត្រ កាលពីដើមខែតុលា ឆ្នាំ ២០១៤ ផងដែរ ដោយលោកបញ្ជាក់ថា ពុំមានការលក់ ឬដោះដូរវិទ្យាស្ថានពុទ្ធសាសនបណ្ឌិត្យទេ។ ហើយថា ការរុះរើរបង និងខ្លោងទ្វារវិទ្យាស្ថាននេះ គឺដើម្បីសម្រួលដល់ការសាងសង់ផ្លូវក្រោមដី ដែលជាគម្រោងណាហ្គាស៊ីធីវ៉ក (NagaCity Walk) នៅពីមុខវិទ្យាស្ថាននេះ បន្ទាប់ពីបញ្ចប់ការសាងសង់ នឹងមានការសាងសង់របង និងខ្លោងទ្វារ វិទ្យាស្ថានពុទ្ធសាសនបណ្ឌិត្យ តាមរចនាបទដូចដើម។
កាលពីចុងឆ្នាំ ២០១៤ ផងដែរ ប្រធានគណៈកម្មការទី៧ រដ្ឋសភា ផ្នែកអប់រំ យុវជន ធម្មការ កិច្ចការសាសនា វប្បធម៌ និងទេសចរណ៍ លោក យ៉ែម បុញ្ញឬទ្ធិ បានកោះហៅរដ្ឋមន្ត្រីក្រសួងធម្មការ និងសាសនា លោក មិន ឃិន មកចោទសួរ និងបានស្នើទៅមន្ត្រីពុទ្ធសាសនបណ្ឌិត្យ ព្រមទាំងស្ថាប័នពាក់ព័ន្ធប្រាប់ទៅ ក្រុមហ៊ុនណាហ្គាវើលឲ្យរុះរើរោងដែកដែលសង់នៅលើដី វិទ្យាស្ថានពុទ្ធសាសនបណ្ឌិត្យចេញ រួចសង់របង និងខ្លោងទ្វារវិទ្យាស្ថានដូចដើមវិញ៕
លោក អ៊ឹម ឈុនលឹម រដ្ឋមន្ត្រីក្រសួងរៀបចំដែនដី និងលោក ប៉ា សុជាវង្ស អភិបាលរាជធានីភ្នំពេញ បានប្រជុំភ្លាមៗពីម្សិលមិញ សម្រេចឲ្យក្រុមហ៊ុនណាហ្គាវើល ផ្អាកការដ្ឋាន និងរុះរើ សំណង់ ជាប់របងពុទ្ធសាសនបណ្ឌិត្យ ដោយខ្លួនឯង។ វិធានការនេះ ធ្វើឡើងក្រោយពីលោក ហ៊ុន សែន ណែនាំដល់អាជ្ញាធរមានសមត្ថកិច្ចឲ្យពិភាក្សាចាត់វិធានការកែលម្អឡើងវិញនូវសំណង់អគារនេះ ដោយលើកឡើងថា ប៉ះពាល់ដល់សោភ័ណភាពរាជធានី។
ក្រុមហ៊ុន Naga World បាន និងកំពុងដំណើរការសាងសង់ផ្លូវ Naga ២ ដែលធ្វើឲ្យវិទ្យាស្ថានពុទ្ធសាសនបណ្ឌិត្យស្ថិតនៅចំកណ្ដាល Naga World និង Naga ២ ទើបលេចឮព័ត៌មាននៃការទិញលក់វិទ្យាស្ថានពុទ្ធសាសនបណ្ឌិត្យ។ ក្រោយពីផ្នែកនៃរបង និងខ្លោងទ្វារនៃវិទ្យាស្ថាន នេះ ត្រូវបានវាយកម្ទេច កាលពីដើមឆ្នាំនេះ សាធារណៈជន និងព្រះសង្ឃ បានទាមទារតវ៉ារដ្ឋាភិបាលឲ្យបញ្ឈប់ការសាងសង់ជាបន្តបន្ទាប់។
ទាក់ទិននឹបញ្ហានេះ កាលពីខែឧសភា ឆ្នាំ២០១៤ រដ្ឋាភិបាលបានបំភ្លឺថា ខ្លួនគ្រាន់តែអនុញ្ញាតឲ្យក្រុមហ៊ុន Naga Corp ដែលជាក្រុមហ៊ុនមេរបស់កាស៊ីណូ Naga World សាងសង់អនុស្ថានីយអគ្គិសនីនៅលើដីរបស់វិទ្យាស្ថាននេះ ដើម្បីផ្គត់ ផ្គង់អគ្គិសនីទៅសណ្ឋាគារថ្មីមួយរបស់ក្រុមហ៊ុននេះ នៅផ្លូវម្ខាងទៀតប៉ុណ្ណោះ។ លោកនាយករដ្ឋមន្ត្រី ហ៊ុន សែន ក៏ធ្លាប់បានផ្ញើលិខិតថ្វាយព្រះមហាក្សត្រ កាលពីដើមខែតុលា ឆ្នាំ ២០១៤ ផងដែរ ដោយលោកបញ្ជាក់ថា ពុំមានការលក់ ឬដោះដូរវិទ្យាស្ថានពុទ្ធសាសនបណ្ឌិត្យទេ។ ហើយថា ការរុះរើរបង និងខ្លោងទ្វារវិទ្យាស្ថាននេះ គឺដើម្បីសម្រួលដល់ការសាងសង់ផ្លូវក្រោមដី ដែលជាគម្រោងណាហ្គាស៊ីធីវ៉ក (NagaCity Walk) នៅពីមុខវិទ្យាស្ថាននេះ បន្ទាប់ពីបញ្ចប់ការសាងសង់ នឹងមានការសាងសង់របង និងខ្លោងទ្វារ វិទ្យាស្ថានពុទ្ធសាសនបណ្ឌិត្យ តាមរចនាបទដូចដើម។
កាលពីចុងឆ្នាំ ២០១៤ ផងដែរ ប្រធានគណៈកម្មការទី៧ រដ្ឋសភា ផ្នែកអប់រំ យុវជន ធម្មការ កិច្ចការសាសនា វប្បធម៌ និងទេសចរណ៍ លោក យ៉ែម បុញ្ញឬទ្ធិ បានកោះហៅរដ្ឋមន្ត្រីក្រសួងធម្មការ និងសាសនា លោក មិន ឃិន មកចោទសួរ និងបានស្នើទៅមន្ត្រីពុទ្ធសាសនបណ្ឌិត្យ ព្រមទាំងស្ថាប័នពាក់ព័ន្ធប្រាប់ទៅ ក្រុមហ៊ុនណាហ្គាវើលឲ្យរុះរើរោងដែកដែលសង់នៅលើដី វិទ្យាស្ថានពុទ្ធសាសនបណ្ឌិត្យចេញ រួចសង់របង និងខ្លោងទ្វារវិទ្យាស្ថានដូចដើមវិញ៕
Tag:
Naga World
© រក្សាសិទ្ធិដោយ thmeythmey.com
