កីឡាជាតិ
ជាតិ
ជម្រុះ World Cup៖ កម្ពុជា និងជប៉ុន មិនទាន់មានការស៊ុតបាល់បញ្ចូលទីក្នុងតង់ទីមួយ
× ក្រុមកីឡាបាល់ទាត់ជម្រើសជាតិជប៉ុនដែលសំបូរទៅដោយកីឡាករឆ្នើមៗលំដាប់ពិភពលោក មិនអាចរកគ្រាប់បាល់បញ្ចូលទីលើកម្ពុជាបានឡើយនៅក្នុងតង់ទីមួយ នៃការប្រកួតជម្រុះ World Cup ជើងទី២ ជុំទី២ នៅពហុកីឡដ្ឋានជាតិអូឡាំពិកនាល្ងាចថ្ងៃអង្គារនេះ។
ថ្វីត្បិតតែជប៉ុន មានឱកាសគ្របដណ្តប់មកលើកម្ពុជាក៏ដោយ ប៉ុន្តែអ្នកចាំទី អ៊ុំ សេរីរ័ត្ន រួមទាំងខ្សែការពារ ធ្វើការរារាំងបានយ៉ាងល្អ។ បន្ថែមពីលើនេះ ឃួន ឡាបូរ៉ាវី និងកែវ សុខផេង ក៏មានឱកាសវាយសម្រុកទៅលើក្រុមជប៉ុនផងដែរ។
ក្រុមជម្រើសជាតិកម្ពុជា៖ អ៊ុំ សេរីរ័ត្ន (អ្នកចាំទី), នេន សុធារ័ត្ន, សឿយ វិសាល, សំអឿន ពិដោរ, ឃួន ឡាបូរ៉ាវី, គួច សុគម្ភៈ, សុះ ស៊ូហាណា, ណុប តុលា, កែវ សុខផេង, ឈិន ឈឿន, ប៊ិន ធារី (ប្រធានក្រុម)។
ជម្រើសជាតិជប៉ុន៖ Nishikawa (អ្នកចាំទី), Wataru Endo, Nagatomo, Genki Haraguchi, Shinji Okazaki (ប្រធានក្រុម), Shinji Kagawa, Takashi Usami, Yamaguchi, Makino, Fujiharu។
Tag:
បាល់ទាត់
ជម្រើសជាតិកម្ពុជា
© រក្សាសិទ្ធិដោយ thmeythmey.com