ជាតិ
សេដ្ឋកិច្ច
×![]()
ភ្នំពេញ៖ បើទោះបីជាអ្នកជំនួញខ្មែរមួយចំនួនធំត្រូវបានគេវាយតម្លៃថា ជាអ្នកជំនួញមិនសូវមានគោលការណ៍ ឬគ្មានជំនាញពិតប្រាកដក៏ដោយក្តី ក៏អ្នកជំនួញខ្មែរមួយចំនួនផ្សេងទៀតបានធ្វើឲ្យក្រុមហ៊ុនរបស់ពួកគេទទួលស្គាល់ជាលក្ខណៈអន្តរជាតិ។ ក្រុមហ៊ុនទាំងនោះជារួមមាន៖ ក្រុមហ៊ុន Mengly J.Quach Holding, ហាងការហ្វេ Brown, ធនាគារអេស៊ីលីដា និងក្រុមហ៊ុន ម៉ុង ឬទ្ធី គ្រុប។
ទើបមានកំណើតតែ១០ឆ្នាំប៉ុណ្ណោះ ក្រុមហ៊ុន Mengly J.Quach Holding រីកចម្រើនមិនឈប់ឈរ។ លោក វេជ្ជបណ្ឌិត គួច ម៉េងលី ដែលជាស្ថាបនិកនៃក្រុមហ៊ុនខាងលើនេះ បានចំណាយពេលវេលា ចំណាយកម្លាំងកាយចិត្ត ការតាំងចិត្ត ចំណេះដឹងជំនាញរបស់លោកធ្វើយ៉ាងណាឲ្យក្រុមហ៊ុនរីកចម្រើនដូចសព្វថ្ងៃនេះ។ មិនមែនតែបុគ្គលលោកម្នាក់ឯងទេដែលបានរុញច្រានក្រុមហ៊ុនឲ្យរីកចម្រើនលូតលាស់យ៉ាងដូច្នេះ។ តាមពិត លោក ម៉េងលី បានផ្តល់តម្លៃច្រើនទៅលើសមត្ថភាពបុគ្គលិករបស់លោក។ អ្នកជំនួញរូបនេះ តែងតែនិយាយថា លោកផ្តល់ឱកាសជូនបុគ្គលិកឲ្យអភិវឌ្ឍកាតព្វកិច្ចរបស់ពួកគេនៅក្នុងក្រុមហ៊ុន។
កាលពីឆ្នាំ២០០៥, ជាឆ្នាំនៃការបង្កើតវិទ្យាស្ថានអន្តរទ្វីបអាមេរិកកាំង និងសាលារៀនអន្តរទ្វីបអាមេរិកាំងដំបូង លោក គួច ម៉េងលី មានដើមទុកតែ២ម៉ឺនដុល្លារប៉ុណ្ណោះ។ បច្ចុប្បន្នទ្រព្យសកម្មរបស់ក្រុមហ៊ុនកើនឡើងរហូតដល់រាប់រយលានដុល្លារអាមេរិក។ ចាប់ផ្តើមជាមួយសិស្ស៤នាក់ និងបុគ្គលិក៥នាក់។ បច្ចុប្បន្នសាលាមានសិស្សជាង១ម៉ឺនាក់ និងបុគ្គលិកជិត១៥០០នាក់។ ចាប់ផើ្តមបើកដំបូង ក្រុមហ៊ុនមានអគារសិក្សាចំនួន ១ តែប៉ុណ្ណោះ។ បច្ចុប្បន្ន ក្រុមហ៊ុនមានអគារសិក្សាទាំងអស់ចំនួន ១១ ក្នុងនោះ អគារកម្ពស់១៦ ជាន់មានមួយ និងអគារកម្ពស់១៧ជាន់មានមួយ។ នៅថ្ងៃអនាគត ក្រុមហ៊ុន Mengly J.Quach Holding គ្រោងសាងសង់អគារសិក្សាខ្ពស់មួយចំនួនបន្ថែមទៀត។ អគារទាំងនោះ អាចមានកម្ពស់ជាង២០ជាន់។ ក្រុមហ៊ុន Mengly J.Quach Holding គឺជាក្រុមហ៊ុនមេដែលមានក្រុមហ៊ុនបុត្រសម្ព័ន្ធជាច្រើនផ្សេងទៀត ក្នុងនោះមាន៖ក្រុមហ៊ុនវិស័យអប់រំ ក្រុមហ៊ុនថែទាំសុខភាព ក្រុមហ៊ុនម្ហូបអាហារ ក្រុមហ៊ុនសេវាហិរញ្ញវត្ថុ និងក្រុមហ៊ុនមីឌា។ ក្រៅពីធ្វើជំនួញរកប្រាក់ចំណេញ នៅក្នុងឆ្នាំ២០១៦ខាងមុខនេះ ក្រុមហ៊ុនរបស់លោកវេជ្ជបណ្ឌិត គួច ម៉េងលី គ្រោងនឹងបង្កើតពានរង្វាន់សម្រាប់ក្រុមហ៊ុន Mengly J.Quach Holding។ ពានរង្វាន់ទាំងនោះផ្តោតលើសកម្មភាពឆ្នើមរបស់បុគ្គល គំនិតច្នៃប្រឌិតរបស់បុគ្គល ឬបុគ្គលជួយកិច្ចការសង្គមជាដើម។ តាមគម្រោង លោក វេជ្ជបណ្ឌិត គួច ម៉េងលី ប្រាថ្នាចង់បង្កើតពានរង្វាន់ចំនួន១០នាពេលអនាគត។
ក្រៅពីពានរង្វាន់នេះ លោក គួច ម៉េងលី បានធ្វើសកម្មភាពមនុស្សធម៌ជាច្រើន ដូចជាការចែកបបរជូនអ្នកក្រីក្រ ជូនលុយអ្នកក្រីក្រតាមដងផ្លូវ ជួយព្យាបាលអ្នកក្រីក្រមិនយកកម្រៃ។ល។ ចាប់តាំងពីការបង្កើតក្រុមហ៊ុនមក លោក គួច ម៉េងលី បានចំណាយប្រាក់ផ្ទាល់ខ្លួនអស់ជាង៥លានដុល្លារអាមេរិកសម្រាប់ធ្វើសកម្មភាពមនុស្សធម៌។ លោកធ្លាប់បានបញ្ជាក់ថា៖«ជួយគេធ្វើឲ្យខ្ញុំសប្បាយចិត្ត។ មានតិចធ្វើតិច មានច្រើនធ្វើច្រើន។ កុំរង់ចាំមានច្រើន ហើយចាំធ្វើនោះ មិនសូវត្រូវទេ»។
ងាកមកហាងកាហ្វេ Brown វិញ។ អ្នកនៅទីក្រុងភ្នំពេញមានការភ្ញាក់ផ្អើល ហើយកោតសរសើរគ្រប់គ្នា។ ពួកគេសរសើរថា ក្រុមហ៊ុននេះរីកចម្រើនគួរឲ្យកត់សម្គាល់ខ្លាំងណាស់ ពីព្រោះ ក្នុងរយៈពេលខ្លីសោះ កាហ្វេ Brown អាចពង្រីកអាណាចក្រដ៏ធំនៅតំបន់បឹងកេងកងដែលជាតំបន់សម្បូរភ្ញៀវទេសចរបរទេសច្រើនជាងគេនៅទីក្រុងភ្នំពេញ។
លោក ចាង ប៊ុនលាង ស្ថាបនិកនៃហាងការហ្វេ Brown ដែលចាប់ផ្តើមបើកហាងតែមួយកាលពីចុងឆ្នាំ២០០៩ជាមួយបុគ្គលិក៧នាក់ បានពង្រីកជំនួញរបស់ខ្លួនគ្មានទីបញ្ចប់។ នៅឆ្នាំ២០១៥នេះ កាហ្វេ Brown បានពង្រីកសាខារបស់ខ្លួនរហូតដល់ចំនួន១១នៅទីក្រុងភ្នំពេញបូកហាងភេសជ្ជៈ Gongcha Tea Coffee ចំនួន៥ និងភោជនីយដ្ឋានមួយ។ នៅឆ្នាំ២០១៦ខាងមុខនេះ លោក ចាង ប៊ុនលាង បានបញ្ជាក់ប្រាប់សារព័ត៌មានអេឡិចត្រូនិកថ្មីៗថា ក្រុមហ៊ុនរបស់លោកនឹងពង្រីកកាហ្វេ Brown ចំនួន៣កន្លែងទៀត។ ពីរកន្លែងនៅទីក្រុងភ្នំពេញ និងមួយកន្លែងទៀតនៅក្នុងខេត្តសៀមរាប។ លោក ចាង ប៊ុនលាង ធ្លាប់ប្រាប់សារព័ត៌មានថ្មីៗថា៖«លោកចង់ឲ្យជនបរទេសដែលមកទស្សនាប្រទេសកម្ពុជានឹកឃើញរសជាតិកាហេ្វ Brown របស់លោកនៅពេលពួកគេត្រឡប់ទៅស្រុកកំណើតវិញ»។
សូមបញ្ជាក់ថា កាលពី៦ឆ្នាំមុន កាហ្វេ Brown មានបុគ្គលិកតែ៧នាក់ប៉ុណ្ណោះ តែឥឡូវនេះ Brown មានបុគ្គលិកជាង៣០០នាក់។ កាហ្វេ Brown អាចនឹងក្លាយទៅជាក្រុមហ៊ុនដែលនាំមុខដាច់គេនៅក្នុងវិស័យម្ហូបអាហារ គ្រឿងភេសជ្ជៈ ជាពិសេស នៅក្នុងពិភពកាហ្វេតែម្តងនាពេលអនាគត។
នៅក្នុងវិស័យហិរញ្ញវត្ថុឯណេះវិញ។ ធនាគារអេស៊ីលីដា ដែលបង្កើតឡើងដោយកូនខ្មែរម្នាក់ទៀតក៏រីកចម្រើនខ្លាំង ហើយបានពង្រីកសក្តានុពលរបស់ខ្លួនទៅកាន់បរទេសថែមទៀតផង។
លោក អ៊ិន ចាន់នី ស្ថាបនិកធនាគារអេស៊ីលីដា បានឲ្យដឹងថា នៅឆ្នាំ២០១៥នេះ ធនាគារអេស៊ីលីដាមានសាខា និងការិយាល័យចំនួន៥៧ ពោលគឺមានវត្តមាននៅគ្រប់ស្រុកក្នុង២៤ខេត្តក្រុងនៃប្រទេសកម្ពុជា។ នៅក្នុងប្រទេសឡាវ អេស៊ីលីដា មានសាខាចំនួន៤១នៅក្នុង១៦ខេត្តក្រុងនៃចំនួន១៨ខេត្តក្រុងនៃប្រទេសឡាវ។ នៅក្នុងពេលខាងមុខនេះ(២ឬ៣ឆ្នាំ)ទៀត អេស៊ីលីដា នឹងពង្រីកឲ្យមានវត្តមាននៅក្នុង១៨ខេត្តក្រុងនៃប្រទេសឡាវ។ នៅក្នុងប្រទេសភូមា បច្ចុប្បន្ន អេស៊ីលីដា មានសាខា និងការិយាល័យចំនួន៦ ប៉ុន្តែយុទ្ធសាស្ត្រយូរអង្វែង អេស៊ីលីដា គ្រោងនឹងបង្កើតឲ្យបាន១០០សាខា។ នៅឆ្នាំ២០១៦ខាងមុខនេះ អេស៊ីលីដា គ្រោងនឹងដាក់ឲ្យដំណើរការប្រព័ន្ធ Digital Banking (ស្វ័យប្រតិបត្តិការរបស់អតិថិជន)។
នៅឆ្នាំ២០១៥ដដែលនេះ អេស៊ីលីដា មានអតិថិជនប្រមាណជា២លាននាក់ក្នុងនោះអ្នកកម្ចីមានចំនួន៤សែននាក់ និងអ្នកផ្ញើមានចំនួន១លាន៦សែននាក់។ ទ្រព្យសកម្មរបស់អេស៊ីលីដា មានចំនួន៣៨០០លានដុល្លារ។ បុគ្គលិករបស់អេស៊ីលីដា កាលពីឆ្នាំ១៩៩៣, ឆ្នាំបង្កើត, មានចំនួនតែ២៨នាក់ប៉ុណ្ណោះ។ នៅឆ្នាំ២០១៥នេះ បុគ្គលិក អេស៊ីលីដា មានចំនួនជាង១ម៉ឺន១ពាន់នាក់។ សូមបញ្ជាក់ថា នៅក្នុងប្រទេសឡាវ អេស៊ីលីដា មានបុគ្គលិក១ពាន់នាក់ក្នុងនោះមានខ្មែរចំនួន៤នាក់ និងនៅក្នុងប្រទេសភូមាមានបុគ្គលិក១៧០នាក់ ក្នុងនោះមានខ្មែរចំនួន១០នាក់។
នៅក្នុងវិស័យកសិកម្មវិញ លោក ម៉ុង ឬទ្ធី ស្ថាបនិកក្រុមហ៊ុនម៉ុងឬទ្ធីគ្រុប ដែលរកស៊ីក្នុងជំនួញកសិកម្ម និងសំណង់ បាននិយាយថា ក្រុមហ៊ុនរបស់លោកមានកំណើតនៅក្នុងឆ្នាំ១៩៨៨ជាមួយបុគ្គលិកម្នាក់គឺលោកខ្លួនឯង និងតៃកុងរថយន្តម្នាក់។ ដើមទុនវិនិយោគមុនដំបូង គឺ១ពាន់ដុល្លារអាមេរិក។ រហូតមកដល់ពេលបច្ចុប្បន្ននេះ ក្រុមហ៊ុនលោក ម៉ុង ឬទ្ធី មានបុគ្គលិកជាង១ម៉ឺននាក់ និងមានដើមទុនច្រើនរយលានដុល្លារអាមេរិក។ លោក ម៉ុង ឬទ្ធី ត្រូវបានគេចាត់ទុកថា គឺជាសេដ្ឋីកសិកម្ម ពីព្រោះ លោកមានចម្ការដូងប្រេង ចម្ការកៅស៊ូ កសិដ្ឋានចិញ្ចឹមជ្រូក សំណង់។ល។ លោក ម៉ុង ឬទ្ធី គឺអ្នកមានម្នាក់ដែលចូលចិត្តជួយអ្នកក្រ។ មូលហេតុនៃការជួយអ្នកក្រ ព្រោះ លោកធ្លាប់ជាអ្នកក្រីក្រដែរ៕
ទើបមានកំណើតតែ១០ឆ្នាំប៉ុណ្ណោះ ក្រុមហ៊ុន Mengly J.Quach Holding រីកចម្រើនមិនឈប់ឈរ។ លោក វេជ្ជបណ្ឌិត គួច ម៉េងលី ដែលជាស្ថាបនិកនៃក្រុមហ៊ុនខាងលើនេះ បានចំណាយពេលវេលា ចំណាយកម្លាំងកាយចិត្ត ការតាំងចិត្ត ចំណេះដឹងជំនាញរបស់លោកធ្វើយ៉ាងណាឲ្យក្រុមហ៊ុនរីកចម្រើនដូចសព្វថ្ងៃនេះ។ មិនមែនតែបុគ្គលលោកម្នាក់ឯងទេដែលបានរុញច្រានក្រុមហ៊ុនឲ្យរីកចម្រើនលូតលាស់យ៉ាងដូច្នេះ។ តាមពិត លោក ម៉េងលី បានផ្តល់តម្លៃច្រើនទៅលើសមត្ថភាពបុគ្គលិករបស់លោក។ អ្នកជំនួញរូបនេះ តែងតែនិយាយថា លោកផ្តល់ឱកាសជូនបុគ្គលិកឲ្យអភិវឌ្ឍកាតព្វកិច្ចរបស់ពួកគេនៅក្នុងក្រុមហ៊ុន។
កាលពីឆ្នាំ២០០៥, ជាឆ្នាំនៃការបង្កើតវិទ្យាស្ថានអន្តរទ្វីបអាមេរិកកាំង និងសាលារៀនអន្តរទ្វីបអាមេរិកាំងដំបូង លោក គួច ម៉េងលី មានដើមទុកតែ២ម៉ឺនដុល្លារប៉ុណ្ណោះ។ បច្ចុប្បន្នទ្រព្យសកម្មរបស់ក្រុមហ៊ុនកើនឡើងរហូតដល់រាប់រយលានដុល្លារអាមេរិក។ ចាប់ផ្តើមជាមួយសិស្ស៤នាក់ និងបុគ្គលិក៥នាក់។ បច្ចុប្បន្នសាលាមានសិស្សជាង១ម៉ឺនាក់ និងបុគ្គលិកជិត១៥០០នាក់។ ចាប់ផើ្តមបើកដំបូង ក្រុមហ៊ុនមានអគារសិក្សាចំនួន ១ តែប៉ុណ្ណោះ។ បច្ចុប្បន្ន ក្រុមហ៊ុនមានអគារសិក្សាទាំងអស់ចំនួន ១១ ក្នុងនោះ អគារកម្ពស់១៦ ជាន់មានមួយ និងអគារកម្ពស់១៧ជាន់មានមួយ។ នៅថ្ងៃអនាគត ក្រុមហ៊ុន Mengly J.Quach Holding គ្រោងសាងសង់អគារសិក្សាខ្ពស់មួយចំនួនបន្ថែមទៀត។ អគារទាំងនោះ អាចមានកម្ពស់ជាង២០ជាន់។ ក្រុមហ៊ុន Mengly J.Quach Holding គឺជាក្រុមហ៊ុនមេដែលមានក្រុមហ៊ុនបុត្រសម្ព័ន្ធជាច្រើនផ្សេងទៀត ក្នុងនោះមាន៖ក្រុមហ៊ុនវិស័យអប់រំ ក្រុមហ៊ុនថែទាំសុខភាព ក្រុមហ៊ុនម្ហូបអាហារ ក្រុមហ៊ុនសេវាហិរញ្ញវត្ថុ និងក្រុមហ៊ុនមីឌា។ ក្រៅពីធ្វើជំនួញរកប្រាក់ចំណេញ នៅក្នុងឆ្នាំ២០១៦ខាងមុខនេះ ក្រុមហ៊ុនរបស់លោកវេជ្ជបណ្ឌិត គួច ម៉េងលី គ្រោងនឹងបង្កើតពានរង្វាន់សម្រាប់ក្រុមហ៊ុន Mengly J.Quach Holding។ ពានរង្វាន់ទាំងនោះផ្តោតលើសកម្មភាពឆ្នើមរបស់បុគ្គល គំនិតច្នៃប្រឌិតរបស់បុគ្គល ឬបុគ្គលជួយកិច្ចការសង្គមជាដើម។ តាមគម្រោង លោក វេជ្ជបណ្ឌិត គួច ម៉េងលី ប្រាថ្នាចង់បង្កើតពានរង្វាន់ចំនួន១០នាពេលអនាគត។
ក្រៅពីពានរង្វាន់នេះ លោក គួច ម៉េងលី បានធ្វើសកម្មភាពមនុស្សធម៌ជាច្រើន ដូចជាការចែកបបរជូនអ្នកក្រីក្រ ជូនលុយអ្នកក្រីក្រតាមដងផ្លូវ ជួយព្យាបាលអ្នកក្រីក្រមិនយកកម្រៃ។ល។ ចាប់តាំងពីការបង្កើតក្រុមហ៊ុនមក លោក គួច ម៉េងលី បានចំណាយប្រាក់ផ្ទាល់ខ្លួនអស់ជាង៥លានដុល្លារអាមេរិកសម្រាប់ធ្វើសកម្មភាពមនុស្សធម៌។ លោកធ្លាប់បានបញ្ជាក់ថា៖«ជួយគេធ្វើឲ្យខ្ញុំសប្បាយចិត្ត។ មានតិចធ្វើតិច មានច្រើនធ្វើច្រើន។ កុំរង់ចាំមានច្រើន ហើយចាំធ្វើនោះ មិនសូវត្រូវទេ»។
ងាកមកហាងកាហ្វេ Brown វិញ។ អ្នកនៅទីក្រុងភ្នំពេញមានការភ្ញាក់ផ្អើល ហើយកោតសរសើរគ្រប់គ្នា។ ពួកគេសរសើរថា ក្រុមហ៊ុននេះរីកចម្រើនគួរឲ្យកត់សម្គាល់ខ្លាំងណាស់ ពីព្រោះ ក្នុងរយៈពេលខ្លីសោះ កាហ្វេ Brown អាចពង្រីកអាណាចក្រដ៏ធំនៅតំបន់បឹងកេងកងដែលជាតំបន់សម្បូរភ្ញៀវទេសចរបរទេសច្រើនជាងគេនៅទីក្រុងភ្នំពេញ។
លោក ចាង ប៊ុនលាង ស្ថាបនិកនៃហាងការហ្វេ Brown ដែលចាប់ផ្តើមបើកហាងតែមួយកាលពីចុងឆ្នាំ២០០៩ជាមួយបុគ្គលិក៧នាក់ បានពង្រីកជំនួញរបស់ខ្លួនគ្មានទីបញ្ចប់។ នៅឆ្នាំ២០១៥នេះ កាហ្វេ Brown បានពង្រីកសាខារបស់ខ្លួនរហូតដល់ចំនួន១១នៅទីក្រុងភ្នំពេញបូកហាងភេសជ្ជៈ Gongcha Tea Coffee ចំនួន៥ និងភោជនីយដ្ឋានមួយ។ នៅឆ្នាំ២០១៦ខាងមុខនេះ លោក ចាង ប៊ុនលាង បានបញ្ជាក់ប្រាប់សារព័ត៌មានអេឡិចត្រូនិកថ្មីៗថា ក្រុមហ៊ុនរបស់លោកនឹងពង្រីកកាហ្វេ Brown ចំនួន៣កន្លែងទៀត។ ពីរកន្លែងនៅទីក្រុងភ្នំពេញ និងមួយកន្លែងទៀតនៅក្នុងខេត្តសៀមរាប។ លោក ចាង ប៊ុនលាង ធ្លាប់ប្រាប់សារព័ត៌មានថ្មីៗថា៖«លោកចង់ឲ្យជនបរទេសដែលមកទស្សនាប្រទេសកម្ពុជានឹកឃើញរសជាតិកាហេ្វ Brown របស់លោកនៅពេលពួកគេត្រឡប់ទៅស្រុកកំណើតវិញ»។
សូមបញ្ជាក់ថា កាលពី៦ឆ្នាំមុន កាហ្វេ Brown មានបុគ្គលិកតែ៧នាក់ប៉ុណ្ណោះ តែឥឡូវនេះ Brown មានបុគ្គលិកជាង៣០០នាក់។ កាហ្វេ Brown អាចនឹងក្លាយទៅជាក្រុមហ៊ុនដែលនាំមុខដាច់គេនៅក្នុងវិស័យម្ហូបអាហារ គ្រឿងភេសជ្ជៈ ជាពិសេស នៅក្នុងពិភពកាហ្វេតែម្តងនាពេលអនាគត។
នៅក្នុងវិស័យហិរញ្ញវត្ថុឯណេះវិញ។ ធនាគារអេស៊ីលីដា ដែលបង្កើតឡើងដោយកូនខ្មែរម្នាក់ទៀតក៏រីកចម្រើនខ្លាំង ហើយបានពង្រីកសក្តានុពលរបស់ខ្លួនទៅកាន់បរទេសថែមទៀតផង។
លោក អ៊ិន ចាន់នី ស្ថាបនិកធនាគារអេស៊ីលីដា បានឲ្យដឹងថា នៅឆ្នាំ២០១៥នេះ ធនាគារអេស៊ីលីដាមានសាខា និងការិយាល័យចំនួន៥៧ ពោលគឺមានវត្តមាននៅគ្រប់ស្រុកក្នុង២៤ខេត្តក្រុងនៃប្រទេសកម្ពុជា។ នៅក្នុងប្រទេសឡាវ អេស៊ីលីដា មានសាខាចំនួន៤១នៅក្នុង១៦ខេត្តក្រុងនៃចំនួន១៨ខេត្តក្រុងនៃប្រទេសឡាវ។ នៅក្នុងពេលខាងមុខនេះ(២ឬ៣ឆ្នាំ)ទៀត អេស៊ីលីដា នឹងពង្រីកឲ្យមានវត្តមាននៅក្នុង១៨ខេត្តក្រុងនៃប្រទេសឡាវ។ នៅក្នុងប្រទេសភូមា បច្ចុប្បន្ន អេស៊ីលីដា មានសាខា និងការិយាល័យចំនួន៦ ប៉ុន្តែយុទ្ធសាស្ត្រយូរអង្វែង អេស៊ីលីដា គ្រោងនឹងបង្កើតឲ្យបាន១០០សាខា។ នៅឆ្នាំ២០១៦ខាងមុខនេះ អេស៊ីលីដា គ្រោងនឹងដាក់ឲ្យដំណើរការប្រព័ន្ធ Digital Banking (ស្វ័យប្រតិបត្តិការរបស់អតិថិជន)។
នៅឆ្នាំ២០១៥ដដែលនេះ អេស៊ីលីដា មានអតិថិជនប្រមាណជា២លាននាក់ក្នុងនោះអ្នកកម្ចីមានចំនួន៤សែននាក់ និងអ្នកផ្ញើមានចំនួន១លាន៦សែននាក់។ ទ្រព្យសកម្មរបស់អេស៊ីលីដា មានចំនួន៣៨០០លានដុល្លារ។ បុគ្គលិករបស់អេស៊ីលីដា កាលពីឆ្នាំ១៩៩៣, ឆ្នាំបង្កើត, មានចំនួនតែ២៨នាក់ប៉ុណ្ណោះ។ នៅឆ្នាំ២០១៥នេះ បុគ្គលិក អេស៊ីលីដា មានចំនួនជាង១ម៉ឺន១ពាន់នាក់។ សូមបញ្ជាក់ថា នៅក្នុងប្រទេសឡាវ អេស៊ីលីដា មានបុគ្គលិក១ពាន់នាក់ក្នុងនោះមានខ្មែរចំនួន៤នាក់ និងនៅក្នុងប្រទេសភូមាមានបុគ្គលិក១៧០នាក់ ក្នុងនោះមានខ្មែរចំនួន១០នាក់។
នៅក្នុងវិស័យកសិកម្មវិញ លោក ម៉ុង ឬទ្ធី ស្ថាបនិកក្រុមហ៊ុនម៉ុងឬទ្ធីគ្រុប ដែលរកស៊ីក្នុងជំនួញកសិកម្ម និងសំណង់ បាននិយាយថា ក្រុមហ៊ុនរបស់លោកមានកំណើតនៅក្នុងឆ្នាំ១៩៨៨ជាមួយបុគ្គលិកម្នាក់គឺលោកខ្លួនឯង និងតៃកុងរថយន្តម្នាក់។ ដើមទុនវិនិយោគមុនដំបូង គឺ១ពាន់ដុល្លារអាមេរិក។ រហូតមកដល់ពេលបច្ចុប្បន្ននេះ ក្រុមហ៊ុនលោក ម៉ុង ឬទ្ធី មានបុគ្គលិកជាង១ម៉ឺននាក់ និងមានដើមទុនច្រើនរយលានដុល្លារអាមេរិក។ លោក ម៉ុង ឬទ្ធី ត្រូវបានគេចាត់ទុកថា គឺជាសេដ្ឋីកសិកម្ម ពីព្រោះ លោកមានចម្ការដូងប្រេង ចម្ការកៅស៊ូ កសិដ្ឋានចិញ្ចឹមជ្រូក សំណង់។ល។ លោក ម៉ុង ឬទ្ធី គឺអ្នកមានម្នាក់ដែលចូលចិត្តជួយអ្នកក្រ។ មូលហេតុនៃការជួយអ្នកក្រ ព្រោះ លោកធ្លាប់ជាអ្នកក្រីក្រដែរ៕
Tag:
អ្នកជំនួញ
គួច ម៉េងលី
© រក្សាសិទ្ធិដោយ thmeythmey.com
