ជាតិ
សង្គមជាតិ
អង្គរវត្តរកចំណូលបានជាង៦០លានដុល្លារក្នុងឆ្នាំ២០១៥
× សៀមរាប៖ ក្នុងឆ្នាំ២០១៥ ប្រាសាទអង្គរវត្ត បានទាក់ទាញភ្ញៀវទេសចរបរទេសប្រមាណជាង ២លាននាក់។ ការណ៍នេះ ធ្វើឲ្យរដ្ឋរកចំណូលបានជាង ៦០លានដុល្លារ។
ស្ថិតិបង្ហាញពីចំនួនភ្ញៀវទេសចរ របស់អាជ្ញាធរជាតិអប្សរា បានបញ្ជាក់ថា មានទេសចរបរទេសចំនួន ២,១០០,០១៨នាក់ ដែលបានទិញសំបុត្រចូលទស្សនារមណីយដ្ឋានអង្គរ។ ចំនួននេះ គឺកើនឡើងតិចតួចប៉ុណ្ណោះ បើធៀបទៅនឹងឆ្នាំ២០១៤ គឺកើនត្រឹម ១.៩៦% ។ ចំណូលពីការលក់សំបុត្រមានចំនួន ៦០,០៥៣,៧០០ ដែលធ្វើឲ្យទំហំនេះកើនឡើង ១.២០% បើធៀបនឹងឆ្នាំចាស់។
ក្នុងស្ថិតិរបស់អាជ្ញាធរជាតិអប្សរា ដែលបានបូកសរុប និងចេញផ្សាយកាលពីថ្ងៃទី៦ មករា ក៏បានបង្ហាញត្រួសៗ ពីចំនួនសំបុត្រ និងទឹកប្រាក់ ក្នុងខែធ្នូកន្លងទៅដែរ។ ត្រឹមរយៈពេលមួយខែ ភ្នាក់ងារលក់សំបុត្ររបស់ក្រុមហ៊ុន សុខា លក់សំបុត្រឲ្យភ្ញៀវទេសចរបរទេសបានចំនួន ២២២,៥៨១នាក់ គិតជាទឹកប្រាក់ស្មើនឹង ៦,៤៩៧,២២០ដុល្លារអាមេរិក៕
Tag:
អង្គរ
ចំណូលឆ្នាំ២០១៥
© រក្សាសិទ្ធិដោយ thmeythmey.com