ពីនេះ ពីនោះ
គ្រាប់របស់រុក្ខជាតិ បាយតំណើប, បន្លាស្អិត, សំប៉ុយ, ឬសណ្ដែកកំប៉ើយ ជាថ្នាំសំរួលការសំរាលកូន
× សណ្ឋាននៃរុក្ខជាតិនេះ៖ គឺជាប្រភេទវល្លិធំម្យ៉ាង ដែលមានមែករឹង ដុះក្នុងព្រៃស្រោងនៃអាស៊ីផ្នែកក្ដៅ។
អត្ថប្រយោជន៍៖ រុក្ខជាតិប្រភេទនេះប្រជាជនទូទៅអាចយក ស្លឹកខ្ចីមកធ្វើជាបន្លែ ឬរបោយញាំបាន។ សំបកអាចស្ងោរជ្រលក់សំណាញ់។ ចំណែកផ្លែសំរាប់លាងសក់ ហើយគេអាចប្រើជាថ្នាំសម្រាប់ព្យាបាលប្រភេទជំងឺមួយចំនួនដូចជា បូស ស្រែង ឃ្លង់។ មិនតែប៉ុណ្ណោះ ផ្លែគឺជាគ្រឿងផ្សំថ្នាំសំរាប់ព្យាបាលជំងឺតំរងទឹកនោម និងប្លោកនោម ព្រមទាំងគេអាចយកទឹកត្រាំផ្លែរបស់រុក្ខជាតិនេះមកផឹក ដើម្បីធ្វើឲ្យទន់លាមក ។ សាច់នៃគ្រាប់របស់វា ពេលប្រឡះគ្រាប់ចោល ជាឱសថធ្វើឲ្យនោមច្រើន និងធ្វើឲ្យក្អួត។ ហើយសម្រាប់គ្រាប់របស់វាទៀតសោតគឺជាថ្នាំ ដែលគេប្រើសំរាប់សំរួលការសំរាលកូន។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com