វិធីបំបាត់ស្នាមជ្រាវជ្រួញលើខោអាវដោយមិនបាច់ប្រើឆ្នាំងអ៊ុត

ពីនេះ ពីនោះ

វិធីបំបាត់ស្នាមជ្រាវជ្រួញលើខោអាវដោយមិនបាច់ប្រើឆ្នាំងអ៊ុត

11, Mar 2016 , 10:55 am

រូបភាព

ដោយ: ថ្មីៗ

ជាការពិតការអ៊ុតខោអាវ គឺចាំបាច់ត្រូវចំណាយពេលនិងការផ្ចិតផ្ចង់ក្នុងការធ្វើវា ហើយគ្មានអ្នកណាម្នាក់ចង់ធ្វើវានោះទេ បើសិនជាអាច។ តែអ្នកមានធ្លាប់ដឹងទេថា អ្នកក៏អាចធ្វើឲ្យខោអាវរបស់អ្នកត្រង់បាន ដោយមិនចាំបាច់ប្រើឆ្នាំងអ៊ុតបានដែរ?

គឺថាអ្នកគ្រាន់តែមានប្រដាប់បាញ់ទឹកមួយដប ហើយបាញ់វាដោយខ្លួនឯង នោះអ្នកក៏អាចនឹងទទួលបានខោអាវត្រង់មានភ្លីបានដែរ។

ដូច្នេះអ្នកមិនចាំបាច់ចំណាយពេលដ៏មានតម្លៃ និងភ្លើងក្នុងការអ៊ុតសំលៀកបំពាក់នៅក្នុងពេល ព្រឹកទៀតនោះទេ។ ខាងក្រោមនេះ គឺរូបមន្តក្នុងការបង្កើតទឹកសម្រាប់បាញ់ខោអាវឲ្យត្រង់ ដោយមិនចាំបាច់ត្រូវប្រើឆ្នាំងអ៊ុត ក្នុងរយៈពេលប៉ុន្មាននាទីប៉ុណ្ណោះ។

គ្រឿងផ្សំដែលត្រូវការ៖

• ទឹក ៤០០មីលីលីត្រ

• ទឹកខ្មេះប្រភេទអាល់កុល ( alcohol vinegar) ១ស្លាបព្រាបាយ

• ទឹកបន្ទន់ខោអាវ ១ស្លាបព្រាបាយ

• ដបសម្រាប់ដាក់ទឹកបាញ់

វិធីក្នុងការរៀបចំ៖

១.លាយបញ្ចូលនូវគ្រឿងផ្សំទាំង៣មុខនេះ

២.ដាក់វាចូលទៅក្នុងដបបាញ់

៣.ក្រឡុកវាឲ្យសព្វល្អ មុននឹងប្រើ

វិធីក្នុងការប្រើ៖

- យកវាមកបាញ់ត្រង់កន្លែងដែលមានស្នាមជ្រួញខ្លាំង

- យកម្រាមដៃបោសៗវាឲ្យត្រង់