ជាតិ
សេដ្ឋកិច្ច
×![]()
ភ្នំពេញ៖ ក្នុងរយៈពេល៤ខែដើមឆ្នាំនេះ ទំហំទឹកប្រាក់នាំចេញរបស់ថៃមកកម្ពុជា បានធ្លាក់ចុះដល់ទៅ២០ភាគរយ។ ខាងភាគីថៃ អះអាងថា ការធ្លាក់ចុះនេះ បណ្ដាលពីថយចុះបរិមាណនាំចេញសម្ភារៈសំណង់ និងការធ្លាក់តម្លៃប្រេង។
ការនាំចេញរបស់ថៃមកកម្ពុជាមានទំហំទឹកប្រាក់ ១,៤ពាន់លានដុល្លារអាមេរិក ក្នុងរយៈពេល៤ខែដើមឆ្នាំនេះ ថយចុះ២០ភាគរយ បើធៀបរយៈពេលដូចគ្នាក្នុងឆ្នាំ២០១៥ ដែលមានទឹកប្រាក់ដល់ទៅ ១,៧ពាន់លានដុល្លារ។ នេះបើយោងតាមរបាយការណ៍របស់ស្ថានទូតថៃប្រចាំកម្ពុជា។
បើតាមលោកស្រី ជីរ៉ាណាន់ វង្សមង្គល អគ្គទីប្រឹក្សាពាណិជ្ជកម្មនៃស្ថានទូតថៃប្រចាំនៅកម្ពុជាឲ្យដឹងថា ការធ្លាក់ទំហំពាណិជ្ជកម្មនេះ បណ្ដាលពីការធ្លាក់ចុះតម្លៃប្រេង បើទោះបីបរិមាណនាំប្រេងចូលកម្ពុជានៅដដែលក៏ដោយ។
ថ្លែងក្នុងសន្និសីទសារព័ត៌មាន បើកពិព័រណ៍ពាណិជ្ជកម្មថៃនៅថ្ងៃទី២០ខែមិថុនា លោកស្រី ជីរ៉ាណាន់ បន្ថែមថា ការផ្គត់ផ្គង់សម្ភារៈសំណង់ ដូចជាស៊ីម៉ងត៍ និងដែករបស់ថៃចូលទីផ្សារកម្ពុជា បានធ្លាក់ចុះ ដោយសារមានការនាំចូលផលិតផលទាំងនេះពីប្រទេសចិន និងវៀតណាមជំនួសវិញ។ លោកស្រី ក៏សង្កត់ធ្ងន់ពីការកើនឡើងសមត្ថភាពផ្គត់ផ្គង់ស៊ីម៉ងត៍ ដោយរោងចក្រក្នុងស្រុករបស់កម្ពុជាផងដែរ។
ទន្ទឹមនឹងនេះ របាយការណ៍ពីស្ថានទូតថៃក៏បង្ហាញពីទំហំពាណិជ្ជកម្មរវាងប្រទេសទាំងពីរ ដែលមានទឹកប្រាក់ ១,៧ពាន់លានដុល្លារ ក្នុងរយៈពេល៤ខែដំបូងនេះ។ ក្នុងនោះការនាំចេញរបស់កម្ពុជាចូលទីផ្សារប្រទេសថៃ មានទឹកប្រាក់ប្រមាណ ៣៥០ លានដុល្លារ។
គួរបញ្ជាក់ថា កាលពីឆ្នាំ២០១៥កន្លងទៅ ទំហំពាណិជ្ជកម្មទ្វេភាគីកម្ពុជា-ថៃ ឈានដល់ទឹកប្រាក់ប្រមាណ ៥,៦ពាន់លានដុល្លារ។ ក្នុងនោះទឹកប្រាក់នាំចូលពីថៃមកកម្ពុជាមានរហូតដល់ទៅ ៤,៩ពាន់លានដុល្លារ៕
ការនាំចេញរបស់ថៃមកកម្ពុជាមានទំហំទឹកប្រាក់ ១,៤ពាន់លានដុល្លារអាមេរិក ក្នុងរយៈពេល៤ខែដើមឆ្នាំនេះ ថយចុះ២០ភាគរយ បើធៀបរយៈពេលដូចគ្នាក្នុងឆ្នាំ២០១៥ ដែលមានទឹកប្រាក់ដល់ទៅ ១,៧ពាន់លានដុល្លារ។ នេះបើយោងតាមរបាយការណ៍របស់ស្ថានទូតថៃប្រចាំកម្ពុជា។
បើតាមលោកស្រី ជីរ៉ាណាន់ វង្សមង្គល អគ្គទីប្រឹក្សាពាណិជ្ជកម្មនៃស្ថានទូតថៃប្រចាំនៅកម្ពុជាឲ្យដឹងថា ការធ្លាក់ទំហំពាណិជ្ជកម្មនេះ បណ្ដាលពីការធ្លាក់ចុះតម្លៃប្រេង បើទោះបីបរិមាណនាំប្រេងចូលកម្ពុជានៅដដែលក៏ដោយ។
ថ្លែងក្នុងសន្និសីទសារព័ត៌មាន បើកពិព័រណ៍ពាណិជ្ជកម្មថៃនៅថ្ងៃទី២០ខែមិថុនា លោកស្រី ជីរ៉ាណាន់ បន្ថែមថា ការផ្គត់ផ្គង់សម្ភារៈសំណង់ ដូចជាស៊ីម៉ងត៍ និងដែករបស់ថៃចូលទីផ្សារកម្ពុជា បានធ្លាក់ចុះ ដោយសារមានការនាំចូលផលិតផលទាំងនេះពីប្រទេសចិន និងវៀតណាមជំនួសវិញ។ លោកស្រី ក៏សង្កត់ធ្ងន់ពីការកើនឡើងសមត្ថភាពផ្គត់ផ្គង់ស៊ីម៉ងត៍ ដោយរោងចក្រក្នុងស្រុករបស់កម្ពុជាផងដែរ។
ទន្ទឹមនឹងនេះ របាយការណ៍ពីស្ថានទូតថៃក៏បង្ហាញពីទំហំពាណិជ្ជកម្មរវាងប្រទេសទាំងពីរ ដែលមានទឹកប្រាក់ ១,៧ពាន់លានដុល្លារ ក្នុងរយៈពេល៤ខែដំបូងនេះ។ ក្នុងនោះការនាំចេញរបស់កម្ពុជាចូលទីផ្សារប្រទេសថៃ មានទឹកប្រាក់ប្រមាណ ៣៥០ លានដុល្លារ។
គួរបញ្ជាក់ថា កាលពីឆ្នាំ២០១៥កន្លងទៅ ទំហំពាណិជ្ជកម្មទ្វេភាគីកម្ពុជា-ថៃ ឈានដល់ទឹកប្រាក់ប្រមាណ ៥,៦ពាន់លានដុល្លារ។ ក្នុងនោះទឹកប្រាក់នាំចូលពីថៃមកកម្ពុជាមានរហូតដល់ទៅ ៤,៩ពាន់លានដុល្លារ៕
Tag:
ពាណិជ្ជកម្មកម្ពុជា-ថៃ
© រក្សាសិទ្ធិដោយ thmeythmey.com
