អន្តរជាតិ
ថ្នាក់ដឹកនាំធនាគារមួយនៅចិនវាយកំប៉េះគូថបុគ្គលិកដែលមិនសូវសកម្មការងារ ![](https://image.thmeythmey.com/pictures/2016/06/25/13515455n.png)
×![]()
ដោយសារតែមិនបានសម្រេចទៅតាមផែនការរបស់ខ្លួន បុគ្គលិកធនាគារមួយនៅក្នុងប្រទេសចិន បានរងទណ្ឌកម្មនៅចំពោះមុខមិត្តរួមការងាររបស់ខ្លួន។ នេះបើយោងតាមឃ្លីបវីដេអូមួយដែលផ្សព្វផ្សាយនៅលើទំព័រហ្វេសប៊ុករបស់សារព័ត៌មានរដ្ឋចិន People’s Daily។
វីដេអូបានបង្ហាញឲ្យឃើញថា អ្នកគ្រប់គ្រងម្នាក់នៅធនាគារ Changzhi Zhangze Rural Commercial Bank ដែលស្ថិតនៅក្រុង Changzhi ខេត្ត Shanxi ប្រទេសចិន បានយកដំបងដើរវាយគូថបុគ្គលិករបស់ខ្លួនចំនួន៨នាក់នៅលើវេទិកាមួយ ដែលមានការចូលរួមពីថ្នាក់ដឹកនាំ និងបុគ្គលិកដទៃទៀត។
ទណ្ឌកម្មត្រូវបានសម្រេចឡើងបន្ទាប់ពីបុគ្គលិកទាំងនោះ មិនសម្រេចតាមផែនការរបស់ធនាគារ បើទោះបីជាពួកគេប្រឹងលើកយកហេតុផលផ្សេងៗមកអះអាងក៏ដោយ។ ទង្វើបែបនេះ មិនមានការគាំទ្រនោះឡើយពីសំណាក់អាជ្ញាធរមូលដ្ឋាន ហើយបានតម្រូវឲ្យថ្នាក់ដឹកនាំធនាគារធ្វើការសុំទោសជាសាធារណៈ។
វីដេអូថតដោយបុគ្គលិកម្នាក់ ហើយបើតាម People’s Daily ថ្នាក់ដឹកនាំធនាគារដែលផ្តើមគំនិតពិន័យបែបនេះ ត្រូវបានព្យួរពីការងារហើយ៕
© រក្សាសិទ្ធិដោយ thmeythmey.com