អន្តរជាតិ
លោក Kerry នឹងជួបលោក Duterte ជាលើកដំបូងដើម្បីពិភាក្សាពីទំនាក់ទំនងសម្ព័ន្ធមិត្តទាំងពីរ
×![]()
ដោយ: ថ្មីៗ
រដ្ឋមន្ត្រីការបរទេសអាមេរិក លោក Jonh Kerry នឹងបំពេញទស្សនកិច្ចទៅកាន់ហ្វីលីពីនរយៈពេលពីរថ្ងៃគឺថ្ងៃទី២៦ដល់ថ្ងៃទី២៧ ខែកក្កដាដើម្បីជួបពិភាក្សាជាមួយនឹងលោកប្រធានាធិបតីហ្វីលីពីន Rodrigo Duterte។ ជំនួបនេះ នឹងក្លាយជាជំនួបផ្លូវការលើកដំបូងហើយរវាងអាមេរិក និងរដ្ឋបាលថ្មីហ្វីលីពីនរបស់លោក Duterte។
អ្នកនាំពាក្យក្រសួងការបរទេសអាមេរិក Mark Toner នៅថ្ងៃទី១៩ ខែកក្កដាកន្លងទៅ បានអះអាងថា លោក Kerry នឹងពិភាក្សាលើបញ្ហាទូទៅនៃកិច្ចសហប្រតិបត្តិការរបស់អាមេរិកជាមួយនឹងរដ្ឋបាលថ្មីរបស់លោកប្រធានាធិបតីថ្មីហ្វីលីពីនដែលទើបឡើងកាន់តំណែងជាផ្លូវការកាលពីថ្ងៃទី៣០ខែមិថុនាកន្លងទៅ។ លោក Kerry ក៏នឹងជួបពិភាក្សាជាមួយនឹងសមភាគីហ្វីលីពីនគឺលោក Perfecto Yasayផងដែរ។
មុនពេលនៃការបំពេញទស្សនកិច្ចនៅហ្វីលីពីន ប្រមុខការទូតអាមេរិករូបនេះ ក៏នឹងធ្វើដំណើរទៅចូលរួមក្នុងកិច្ចប្រជុំពាក់ព័ន្ធក្នុងក្រុងវៀងចន្ទន៍នៃប្រទេសឡាវនៅថ្ងៃទី២៥ដល់ថ្ងៃទី២៦ ខែកក្កដាខាងមុខនេះផងដែរ។ កិច្ចប្រជុំទាំងនោះរួមមាន កិច្ចប្រជុំនៃវេទិកាតំបន់អាស៊ាន(ARF), កិច្ចប្រជុំរដ្ឋមន្ត្រីអាស៊ីបូព៌ា, កិច្ចប្រជុំរដ្ឋមន្ត្រីអាស៊ាន-អាមេរិក និងកិច្ចប្រជុំគំនិតផ្តួចផ្តើមមេគង្គក្រោម។
សូមបញ្ជាក់ផងដែរថា រដ្ឋាភិបាលក្រុងវ៉ាស៊ីនតោន និងរដ្ឋាភិបាលក្រុងម៉ានីល បានមានទំនាក់ទំនងស្អិតល្មួតជាមួយនឹងគ្នាខ្លាំងក្នុងរដ្ឋបាលរបស់អតីតប្រធានាធិបតីហ្វីលីពីនលោក ប៊ែរនីណូ អាហ្គីណូ ទាំងផ្នែកសេដ្ឋកិច្ច និងកិច្ចសហប្រតិបត្តិការយោធា។
ដោយឡែកសម្រាប់រដ្ឋបាលហ្វីលីពីនថ្មីនេះ គេមិនទាន់ឃើញមានសញ្ញាណណាមួយបង្ហាញពីគោលជំហរជិតស្និទ្ធគ្នានៅឡើយនោះទេ រវាងភាគីទាំងពីរ ពោលគឺ ត្រូវរង់ចាំមើលលទ្ធផលនៃកិច្ចពិភាក្សាទូទៅផ្លូវការរវាងលោក Kerry និងលោក Duterte។ តែអ្វីគួរកត់សម្គាល់នោះ ហ្វីលីពីន និងអាមេរិក គឺជាសម្ព័ន្ធមិត្តនឹងគ្នាដោយមិនត្រឹមតែតាមរយៈកិច្ចសហប្រតិបត្តិការនោះទេ តែភាគីទាំងពីរ ក៏បានចុះកិច្ចព្រមព្រៀងសម្ព័ន្ធមិត្តជាមួយគ្នាផងដែរ៕
អ្នកនាំពាក្យក្រសួងការបរទេសអាមេរិក Mark Toner នៅថ្ងៃទី១៩ ខែកក្កដាកន្លងទៅ បានអះអាងថា លោក Kerry នឹងពិភាក្សាលើបញ្ហាទូទៅនៃកិច្ចសហប្រតិបត្តិការរបស់អាមេរិកជាមួយនឹងរដ្ឋបាលថ្មីរបស់លោកប្រធានាធិបតីថ្មីហ្វីលីពីនដែលទើបឡើងកាន់តំណែងជាផ្លូវការកាលពីថ្ងៃទី៣០ខែមិថុនាកន្លងទៅ។ លោក Kerry ក៏នឹងជួបពិភាក្សាជាមួយនឹងសមភាគីហ្វីលីពីនគឺលោក Perfecto Yasayផងដែរ។
មុនពេលនៃការបំពេញទស្សនកិច្ចនៅហ្វីលីពីន ប្រមុខការទូតអាមេរិករូបនេះ ក៏នឹងធ្វើដំណើរទៅចូលរួមក្នុងកិច្ចប្រជុំពាក់ព័ន្ធក្នុងក្រុងវៀងចន្ទន៍នៃប្រទេសឡាវនៅថ្ងៃទី២៥ដល់ថ្ងៃទី២៦ ខែកក្កដាខាងមុខនេះផងដែរ។ កិច្ចប្រជុំទាំងនោះរួមមាន កិច្ចប្រជុំនៃវេទិកាតំបន់អាស៊ាន(ARF), កិច្ចប្រជុំរដ្ឋមន្ត្រីអាស៊ីបូព៌ា, កិច្ចប្រជុំរដ្ឋមន្ត្រីអាស៊ាន-អាមេរិក និងកិច្ចប្រជុំគំនិតផ្តួចផ្តើមមេគង្គក្រោម។
សូមបញ្ជាក់ផងដែរថា រដ្ឋាភិបាលក្រុងវ៉ាស៊ីនតោន និងរដ្ឋាភិបាលក្រុងម៉ានីល បានមានទំនាក់ទំនងស្អិតល្មួតជាមួយនឹងគ្នាខ្លាំងក្នុងរដ្ឋបាលរបស់អតីតប្រធានាធិបតីហ្វីលីពីនលោក ប៊ែរនីណូ អាហ្គីណូ ទាំងផ្នែកសេដ្ឋកិច្ច និងកិច្ចសហប្រតិបត្តិការយោធា។
ដោយឡែកសម្រាប់រដ្ឋបាលហ្វីលីពីនថ្មីនេះ គេមិនទាន់ឃើញមានសញ្ញាណណាមួយបង្ហាញពីគោលជំហរជិតស្និទ្ធគ្នានៅឡើយនោះទេ រវាងភាគីទាំងពីរ ពោលគឺ ត្រូវរង់ចាំមើលលទ្ធផលនៃកិច្ចពិភាក្សាទូទៅផ្លូវការរវាងលោក Kerry និងលោក Duterte។ តែអ្វីគួរកត់សម្គាល់នោះ ហ្វីលីពីន និងអាមេរិក គឺជាសម្ព័ន្ធមិត្តនឹងគ្នាដោយមិនត្រឹមតែតាមរយៈកិច្ចសហប្រតិបត្តិការនោះទេ តែភាគីទាំងពីរ ក៏បានចុះកិច្ចព្រមព្រៀងសម្ព័ន្ធមិត្តជាមួយគ្នាផងដែរ៕
Tag:
ហ្វីលីពីន
អាមេរិក
© រក្សាសិទ្ធិដោយ thmeythmey.com
