កីឡាជាតិ
ជាតិ
អ្នកជំនាញ៖ អាស៊ីនឹងខ្លាំង ហើយកម្ពុជា ឡាវ ឬមីយ៉ាន់ម៉ា អាចឈ្នះមេដាយអូឡាំពិកលើកដំបូង
រូបថត NOCC
×![]()
ដោយ: រួបរួម
លោក Marcus Noland អ្នកជំនាញនៃមជ្ឈមណ្ឌល East-West Center និងជានាយករងប្រតិបត្តិនៃវិទ្យាស្ថាន Peterson Institute for Inteational Economics ដែលមានមូលដ្ឋាននៅទីក្រុងវ៉ាស៊ីនតោន បានវាយតម្លៃថា ប្រទេសនៅតំបន់អាស៊ី នឹងបន្តភាពខ្លាំងរបស់ខ្លួនក្នុងព្រឹត្តិការណ៍កីឡាអូឡាំពិកនៅក្នុងប្រទេសប្រេស៊ីល។
ដោយផ្អែកលើការរីកចម្រើនផ្នែកសេដ្ឋកិច្ច-សង្គម លោក Marcus Noland មើលឃើញថា អាស៊ី មានការបោះជំហានទៅមុខលើវិស័យកីឡាផងដែរ នារយៈពេលមួយសតវត្សរ៍ចុងក្រោយនេះ ដែលអាចប្រដេញតាមពីក្រោយអឺរ៉ុប។
នៅឆ្នាំ១៩១២ ជប៉ុនជាប្រទេសអាស៊ីទីមួយដែលបង្ហាញសមត្ថភាពខ្ពស់ក្នុងព្រឹត្តិការណ៍កីឡាអូឡាំពិក។ បន្ទាប់មកនៅឆ្នាំ១៩២៤ ហ្វីលីពីន បានបន្តបង្ហាញខ្លួន មុនវត្តមានរបស់ ភូមា (មីយ៉ាន់ម៉ា) ចិន សិង្ហបុរី និងកូរ៉េខាងត្បូងនៅឆ្នាំ១៩៤៨ ។
នាអំឡុងទសវត្ស១៩៨០ អត្តពលិកពីតំបន់អាស៊ី ដណ្តើមបានមេដាយពី១១ទៅ១៥ភាគរយក្នុងចំណោមអត្តពលិកទាំងអស់ក្នុងព្រឹត្តិការណ៍កីឡាអូឡាំពិក។ នៅឆ្នាំ២០០៨ អាស៊ីដណ្តើមបានមេដាយ១៩ភាគរយនៃមេដាយសរុប ហើយ២៧ភាគរយក្នុងចំណោមមេដាយមាស។
អ្នកជំនាញព្យាករថា ចិន ជប៉ុន កូរ៉េខាងត្បូង អាចរកបានមេដាយលើសពីព្រឹត្តិការណ៍អូឡាំពិកនៅទីក្រុងឡុងដ៍នាឆ្នាំ២០១២ ។ ជាមួយគ្នានេះ គេរំពឹងថា កូរ៉េខាងជើង មុងហ្គោលី ថៃ ឥណ្ឌូនេស៊ី ម៉ាឡេស៊ី សិង្ហបុរី តៃវ៉ាន់ ឬហុងកុង អាចរក្សាចំនួនមេដាយរបស់ខ្លួនចន្លោះពី១ ទៅ៦ ។
ជាមួយនឹងការរំពឹងថា វៀតណាម និង ហ្វីលីពីន អាចស្តារការខកចិត្តកាលពី៤ឆ្នាំមុននៅក្រុងឡុងដ៍ អ្នកជំនាញព្យាករថា កម្ពុជា ឡាវ និងមីយ៉ាន់ម៉ា អាចឈ្នះមេដាយលើកដំបូងក្នុងព្រឹត្តិការណ៍នៃការចូលរួមព្រឹត្តិការណ៍កីឡាអូឡាំពិក។
កម្ពុជា បានបញ្ជូនអត្តពលិកទៅ៦រូប ដែលក្នុងនោះមានផ្នែកហែកទឹក២នាក់ ចំបាប់១នាក់ អត្តពលកម្ម២នាក់ និងតេក្វាន់ដូ១នាក់។ កីឡាការិនីតេក្វាន់ដូ ស៊ន សៀវម៉ី ដែលជាម្ចាស់មេដាយមាស Asian Games ឆ្នាំ២០១៤ គឺជាក្តីសង្ឃឹមដ៏លេចធ្លោរបស់កម្ពុជាក្នុងការដណ្តើមយកមេដាយ។
រីឯឡាវ មានអត្តពលិក៦នាក់នៅ Rio ដែលក្នុងនោះមានរត់ចម្ងាយ២នាក់ ជិះកង់១នាក់ យូដូ ១នាក់ និង ហែលទឹក២នាក់។ ចំណែកមីយ៉ាន់ម៉ា មាន៧នាក់ ក្នុងនោះមានបាញ់ធ្នូ១នាក់ រត់ចម្ងាយ២នាក់ យូដូ១នាក់ បាញ់កាំភ្លើង១នាក់ និងហែលទឹក២នាក់៕
ដោយផ្អែកលើការរីកចម្រើនផ្នែកសេដ្ឋកិច្ច-សង្គម លោក Marcus Noland មើលឃើញថា អាស៊ី មានការបោះជំហានទៅមុខលើវិស័យកីឡាផងដែរ នារយៈពេលមួយសតវត្សរ៍ចុងក្រោយនេះ ដែលអាចប្រដេញតាមពីក្រោយអឺរ៉ុប។
នៅឆ្នាំ១៩១២ ជប៉ុនជាប្រទេសអាស៊ីទីមួយដែលបង្ហាញសមត្ថភាពខ្ពស់ក្នុងព្រឹត្តិការណ៍កីឡាអូឡាំពិក។ បន្ទាប់មកនៅឆ្នាំ១៩២៤ ហ្វីលីពីន បានបន្តបង្ហាញខ្លួន មុនវត្តមានរបស់ ភូមា (មីយ៉ាន់ម៉ា) ចិន សិង្ហបុរី និងកូរ៉េខាងត្បូងនៅឆ្នាំ១៩៤៨ ។
នាអំឡុងទសវត្ស១៩៨០ អត្តពលិកពីតំបន់អាស៊ី ដណ្តើមបានមេដាយពី១១ទៅ១៥ភាគរយក្នុងចំណោមអត្តពលិកទាំងអស់ក្នុងព្រឹត្តិការណ៍កីឡាអូឡាំពិក។ នៅឆ្នាំ២០០៨ អាស៊ីដណ្តើមបានមេដាយ១៩ភាគរយនៃមេដាយសរុប ហើយ២៧ភាគរយក្នុងចំណោមមេដាយមាស។
អ្នកជំនាញព្យាករថា ចិន ជប៉ុន កូរ៉េខាងត្បូង អាចរកបានមេដាយលើសពីព្រឹត្តិការណ៍អូឡាំពិកនៅទីក្រុងឡុងដ៍នាឆ្នាំ២០១២ ។ ជាមួយគ្នានេះ គេរំពឹងថា កូរ៉េខាងជើង មុងហ្គោលី ថៃ ឥណ្ឌូនេស៊ី ម៉ាឡេស៊ី សិង្ហបុរី តៃវ៉ាន់ ឬហុងកុង អាចរក្សាចំនួនមេដាយរបស់ខ្លួនចន្លោះពី១ ទៅ៦ ។
ជាមួយនឹងការរំពឹងថា វៀតណាម និង ហ្វីលីពីន អាចស្តារការខកចិត្តកាលពី៤ឆ្នាំមុននៅក្រុងឡុងដ៍ អ្នកជំនាញព្យាករថា កម្ពុជា ឡាវ និងមីយ៉ាន់ម៉ា អាចឈ្នះមេដាយលើកដំបូងក្នុងព្រឹត្តិការណ៍នៃការចូលរួមព្រឹត្តិការណ៍កីឡាអូឡាំពិក។
កម្ពុជា បានបញ្ជូនអត្តពលិកទៅ៦រូប ដែលក្នុងនោះមានផ្នែកហែកទឹក២នាក់ ចំបាប់១នាក់ អត្តពលកម្ម២នាក់ និងតេក្វាន់ដូ១នាក់។ កីឡាការិនីតេក្វាន់ដូ ស៊ន សៀវម៉ី ដែលជាម្ចាស់មេដាយមាស Asian Games ឆ្នាំ២០១៤ គឺជាក្តីសង្ឃឹមដ៏លេចធ្លោរបស់កម្ពុជាក្នុងការដណ្តើមយកមេដាយ។
រីឯឡាវ មានអត្តពលិក៦នាក់នៅ Rio ដែលក្នុងនោះមានរត់ចម្ងាយ២នាក់ ជិះកង់១នាក់ យូដូ ១នាក់ និង ហែលទឹក២នាក់។ ចំណែកមីយ៉ាន់ម៉ា មាន៧នាក់ ក្នុងនោះមានបាញ់ធ្នូ១នាក់ រត់ចម្ងាយ២នាក់ យូដូ១នាក់ បាញ់កាំភ្លើង១នាក់ និងហែលទឹក២នាក់៕
Tag:
Rio 2016
កីឡាអូឡាំពិក
© រក្សាសិទ្ធិដោយ thmeythmey.com
