ជាតិ
សេដ្ឋកិច្ច
រដ្ឋាភិបាលនឹងចាប់ផ្ដើមបង្ក្រាបយានយន្តគ្មានពន្ធចាប់ពីខែកញ្ញាតទៅ បន្ទាប់ពីផុតកំណត់ពេលបង់ពន្ធ
×![]()
ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជា ក្រើនរម្លឹកដល់ម្ចាស់យានយន្តគ្មានពន្ធ ដែលមិនទាន់បំពេញកាតព្វកិច្ចពន្ធ ត្រូវទៅបង់ពន្ធឲ្យទាន់កាលបរិច្ឆេទនៃការអនុគ្រោះទទួលការបង់ពន្ធ។ ចំពោះការខកខានបង់ពន្ធតាមពេលកំណត់ រដ្ឋាភិបាលនឹងផ្តើមបង្ក្រាបយានយន្តគ្មានពន្ធទាំងនោះ។
សេចក្ដីជូនដំណឹងរបស់អគ្គនាយកដ្ឋានគយ និងរដ្ឋាករឲ្យដឹងថា ដើម្បីឲ្យម្ចាស់យានយន្តគ្មានពន្ធទាំងអស់អាចមានលទ្ធភាពបំពេញកាតព្វពន្ធអាករបាន ក្នុងពេលកន្លងមក រដ្ឋាភិបាលបានផ្ដល់គោលការណ៍អនុគ្រោះមួយចំនួន។ ការអុគ្រោះទាំងនោះ រួមមាន ការកំណត់ប្រាក់ពិន័យក្នុងកម្រិតទាប, ការបន្ថយតម្លៃគិតពន្ធចំពោះយានយន្តចាស់ៗ, ការអនុញ្ញាតឲ្យរថយន្តចង្កូតស្ដាំបង់ពន្ធដោយមិនចាំបាច់ប្ដូរចង្កូត និងឲ្យកក់ប្រាក់ពន្ធ២០ភាគរយ ដោយទុករយៈពេល៦ខែដើម្បីបង់បង្គ្រប់ចំពោះអ្នកដែលខ្វះខាតថវិកា និង ការពន្យាពេលអនុគ្រោះទទួលបង់ពន្ធដោយស្ម័គ្រចិត្តជាដើម។
សេចក្ដីជូនដំណឹងដដែលនេះបញ្ជាក់ទៀតថា ម្ចាស់យានយន្តគ្មានពន្ធមួយចំនួន នៅមិនទាន់មកបំពេញកាតព្វកិច្ចពន្ធ តាមការរម្លឹករបស់អគ្គនាយកដ្ឋានគយ និងរដ្ឋាករនោះទេ។ ហើយម្ចាស់យានយន្តចង្កូតស្តាំ ដែលបានកក់ប្រាក់២០ភាគរយ មួយចំនួនពុំទាន់មកបង់ពន្ធបង្គ្រប់នោះដែរ។
កាលបរិច្ឆេទបិទបញ្ចប់ការទទួលបង់ពន្ធ សម្រាប់រថយន្តចង្កូតឆ្វេង និងយានយន្តផ្សេងទៀតគ្រប់ប្រភេទ គឺត្រឹមថ្ងៃទី៣១ខែសីហា ខណៈថ្ងៃបង់ពន្ធចុងក្រោយ សម្រាប់រថយន្តចង្កូតស្ដាំ ដែលបានកក់ប្រាក់ពន្ធ២០ភាគរយរួចហើយ គឺត្រឹមថ្ងៃទី១៩ខែកញ្ញា។
អគ្គនាយកដ្ឋានគយ និងរដ្ឋាករបញ្ជាក់ថា៖«ការខកខានក្នុងការបំពេញកាតព្វកិច្ចពន្ធក្រោយកាលបរិច្ឆេទឱសានវាទខាងលើ នឹងត្រូវទទួលរងនូវវិធានការបង្ក្រាបដោយម៉ឹងម៉ាត់ទូទាំងប្រទេស តាមបទប្បញ្ញត្តិជាធរមាន ដោយពុំមានការរើសអើងឡើយ»។
ជាមួយគ្នានេះដែរ អគ្គនាយកដ្ឋានគយ និងរដ្ឋាករអំពាវនាវឲ្យម្ចាស់យានយន្តគ្មានពន្ធ ដែលមិនទាន់បង់ពន្ធ ត្រូវរួសរាន់បង់ពន្ធឲ្យបានឆាប់ ចៀសវាការកកស្ទះនៅថ្ងៃជិតផុតកាលបរិច្ឆេទបង់ពន្ធ។
បើតាមការបញ្ជាក់របស់លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករ ការដាក់ឱសានវាទបង់ពន្ធសម្រាប់យានយន្តគ្មានពន្ធ គឺដើម្បីបញ្ចៀសការនាំចូលយានយន្តទាំងនោះមកកម្ពុជាបន្តទៀត។ «យើងកត់ត្រារថយន្ត(គ្មានពន្ធ)ណា ដែលមានក្នុងស្រុកប៉ុណ្ណោះ ហើយបើសិនមិនកំណត់កាលបរិច្ឆេទទេ នឹងធ្វើឲ្យអ្នករត់ពន្ធចេះតែរកវិធីគេចពន្ធចូលមកទៀត»។ លោក គុណ ញឹម ថ្លែងប្រាប់សារព័ត៌មានថ្មីៗយ៉ាងដូច្នេះ នៅថ្ងៃទី១២ខែសីហា៕
សេចក្ដីជូនដំណឹងរបស់អគ្គនាយកដ្ឋានគយ និងរដ្ឋាករឲ្យដឹងថា ដើម្បីឲ្យម្ចាស់យានយន្តគ្មានពន្ធទាំងអស់អាចមានលទ្ធភាពបំពេញកាតព្វពន្ធអាករបាន ក្នុងពេលកន្លងមក រដ្ឋាភិបាលបានផ្ដល់គោលការណ៍អនុគ្រោះមួយចំនួន។ ការអុគ្រោះទាំងនោះ រួមមាន ការកំណត់ប្រាក់ពិន័យក្នុងកម្រិតទាប, ការបន្ថយតម្លៃគិតពន្ធចំពោះយានយន្តចាស់ៗ, ការអនុញ្ញាតឲ្យរថយន្តចង្កូតស្ដាំបង់ពន្ធដោយមិនចាំបាច់ប្ដូរចង្កូត និងឲ្យកក់ប្រាក់ពន្ធ២០ភាគរយ ដោយទុករយៈពេល៦ខែដើម្បីបង់បង្គ្រប់ចំពោះអ្នកដែលខ្វះខាតថវិកា និង ការពន្យាពេលអនុគ្រោះទទួលបង់ពន្ធដោយស្ម័គ្រចិត្តជាដើម។
សេចក្ដីជូនដំណឹងដដែលនេះបញ្ជាក់ទៀតថា ម្ចាស់យានយន្តគ្មានពន្ធមួយចំនួន នៅមិនទាន់មកបំពេញកាតព្វកិច្ចពន្ធ តាមការរម្លឹករបស់អគ្គនាយកដ្ឋានគយ និងរដ្ឋាករនោះទេ។ ហើយម្ចាស់យានយន្តចង្កូតស្តាំ ដែលបានកក់ប្រាក់២០ភាគរយ មួយចំនួនពុំទាន់មកបង់ពន្ធបង្គ្រប់នោះដែរ។
កាលបរិច្ឆេទបិទបញ្ចប់ការទទួលបង់ពន្ធ សម្រាប់រថយន្តចង្កូតឆ្វេង និងយានយន្តផ្សេងទៀតគ្រប់ប្រភេទ គឺត្រឹមថ្ងៃទី៣១ខែសីហា ខណៈថ្ងៃបង់ពន្ធចុងក្រោយ សម្រាប់រថយន្តចង្កូតស្ដាំ ដែលបានកក់ប្រាក់ពន្ធ២០ភាគរយរួចហើយ គឺត្រឹមថ្ងៃទី១៩ខែកញ្ញា។
អគ្គនាយកដ្ឋានគយ និងរដ្ឋាករបញ្ជាក់ថា៖«ការខកខានក្នុងការបំពេញកាតព្វកិច្ចពន្ធក្រោយកាលបរិច្ឆេទឱសានវាទខាងលើ នឹងត្រូវទទួលរងនូវវិធានការបង្ក្រាបដោយម៉ឹងម៉ាត់ទូទាំងប្រទេស តាមបទប្បញ្ញត្តិជាធរមាន ដោយពុំមានការរើសអើងឡើយ»។
ជាមួយគ្នានេះដែរ អគ្គនាយកដ្ឋានគយ និងរដ្ឋាករអំពាវនាវឲ្យម្ចាស់យានយន្តគ្មានពន្ធ ដែលមិនទាន់បង់ពន្ធ ត្រូវរួសរាន់បង់ពន្ធឲ្យបានឆាប់ ចៀសវាការកកស្ទះនៅថ្ងៃជិតផុតកាលបរិច្ឆេទបង់ពន្ធ។
បើតាមការបញ្ជាក់របស់លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករ ការដាក់ឱសានវាទបង់ពន្ធសម្រាប់យានយន្តគ្មានពន្ធ គឺដើម្បីបញ្ចៀសការនាំចូលយានយន្តទាំងនោះមកកម្ពុជាបន្តទៀត។ «យើងកត់ត្រារថយន្ត(គ្មានពន្ធ)ណា ដែលមានក្នុងស្រុកប៉ុណ្ណោះ ហើយបើសិនមិនកំណត់កាលបរិច្ឆេទទេ នឹងធ្វើឲ្យអ្នករត់ពន្ធចេះតែរកវិធីគេចពន្ធចូលមកទៀត»។ លោក គុណ ញឹម ថ្លែងប្រាប់សារព័ត៌មានថ្មីៗយ៉ាងដូច្នេះ នៅថ្ងៃទី១២ខែសីហា៕
Tag:
ពន្ធ
យានយន្តគ្មានពន្ធ
© រក្សាសិទ្ធិដោយ thmeythmey.com
