អន្តរជាតិ
កិច្ចសហប្រតិបត្តិការវិនិយោគនិងពាណិជ្ជកម្មនៃក្រុម G-20 នឹងបង្កើតផ្លែផ្កាច្រើន ![](https://image.thmeythmey.com/pictures/2016/08/30/g-20-xinhua.jpg)
×![]()
ការវិនិយោគ និងពាណិជ្ជកម្មមានសារសំខាន់ក្នុងការជំរុញឲ្យមានកំណើនសេដ្ឋកិច្ចសកលក្នុងរយៈពេលវែង។ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ ប្រទេសសេដ្ឋកិច្ចរីកចម្រើនទាំង ២០ ( G20) មិនអាចពង្រឹងកិច្ចសហប្រតិបត្តិការក្នុងវិស័យទាំងពីរខាងលើតាមការរំពឹងទុកឡើយ។
ប៉ុន្តែយ៉ាងណាក៏ដោយចុះ គេគួរអរគុណដល់ «យុទ្ធសាស្ត្រដ៏ឈ្លាសវៃនិ ងគោលនយោបាយការទូតភ្លឺស្វាង»របស់ចិនដែលកំពុងធ្វើជាប្រធានប្តូរវេននៃស្ថាប័នក្រុមប្រទេស ២០ ក៏ដូចជាកិច្ចខិតខំប្រឹងប្រែងរបស់បណ្តាសមាជិកផ្សេងទៀតនៃក្រុមប្រទេស ២០ ដែរ។
ពេលនេះប្រជាជនទាំងអស់អាចរំពឹងថានឹងទទួលបានផ្លែផ្កាច្រើនជាងមុន ដែលកើតចេញពីកិច្ចខិតខំប្រឹងប្រែងរបស់ក្រុមប្រទេស ២០ ក្នុងការជំរុញឲ្យមានទំនាក់ទំនងនិងកិច្ចសហប្រិតិបត្តិការពាណិជ្ជកម្មនិងវិនិយោគស៊ីជម្រៅ ដើម្បីប្រយោជន៍ទាំងអស់គ្នា។
ដូចឃើញស្រាប់ហើយ ក្នុងរយៈពេល ៧ខែកន្លងមកនេះ ក្រុមការងារជំនួញនិងវិនិយោគនៃក្រុមប្រទេស ២០ (TIWG) បានរៀបចំនូវកិច្ចប្រជុំការងារផ្លូវការចំនួន ៣ និងសន្និសីទមិនផ្លូវការចំនួន ១។ លើសពីនេះ ឯកសារគោលនយោបាយស្តីពីកំណើនពាណិជ្ជកម្ម, គោលនយោបាយវិនិយោគ និងយន្តការជាច្រើនត្រូវបានព្រាងឡើងក្នុងកិច្ចប្រជុំរដ្ឋមន្ត្រីពាណិជ្ជកម្មក្រុមប្រទេស ២០ ដែលរៀបចំឡើងកាលពីខែកក្កដាកន្លងទៅ។ បណ្តារដ្ឋមន្ត្រីទាំងនោះបានឯកភាពគ្នាជាឯកច្ឆ័ន្ទដើម្បីគាំទ្រប្រព័ន្ធពាណិជ្ជកម្មចម្រុះ និងលើកស្ទួយសង្វាក់ផលិតកម្មអន្តរជាតិផងដែរ។
រាល់កិច្ចខិតខំប្រឹងប្រែងទាំងនេះនឹងក្លាយជាមូលដ្ឋានគ្រឹះមួយសម្រាប់ក្រុមប្រទេស ២០ ក្នុងការបន្តជំរុញឲ្យមានសក្តានុពលនៅក្នុងវិស័យជំនួញនិងវិនិយោគសកល។
ដោយឡែក បណ្តារដ្ឋមន្ត្រីពាណិជ្ជកម្មក្រុមប្រទេស ២០ ក៏បានឯកភាពគ្នាលើចំណុចស្នូលចំនួន ៧ ក្នុងការលើកស្ទួយការលូតលាស់នៃវិស័យពាណិជ្ជកម្ម និងគោលការណ៍ចំនួន ៩ ដើម្បីគ្រប់គ្រងគោលនយោបាយវិនិយោគសកល។ រដ្ឋមន្ត្រីទាំងអស់ក៏បន្តឯកភាពគ្នាលើការបង្កើនតម្លាភាពនៃកិច្ចព្រមព្រៀងពាណិជ្ជកម្មតំបន់ , បន្តរក្សាឲ្យបាននូវគោលជំហររឹងមាំនៃប្រព័ន្ធពាណិជ្ជកម្មចម្រុះ, បន្តអនុវត្តគោលនយោបាយទាំងឡាយណាដែលស្របជាមួយកិច្ចព្រមព្រៀងចម្រុះ និងពហុភាគីថ្នាក់តំបន់ ក៏ដូចជាជួយប្រទេសកំពុងអភិវឌ្ឍក្នុងការបន្តចូលរួមក្នុងសង្វាក់ផលិតកម្មសកល។
គេរំពឹងថា កិច្ចប្រជុំប្រទេស ២០ ខាងមុខដែលរៀបចំឡើងនៅក្រុងហាងចូវ នឹងអាចនាំមកនូវសញ្ញាច្បាស់លាស់មួយទាក់ទងនៃរបៀបវារៈនៃកិច្ចប្រជុំ ហើយវាក៏អាចជួយជំរុញកំណើនសេដ្ឋកិច្ចឡើងវិញ និងបង្កើតការងារតាមរយៈការកសាងទំនុកចិត្តផ្នែកទីផ្សារ និងការក្សាបាននូវការសម្រេចជាឯកច្ឆ័ន្ទ។
ដូច្នេះហើយ សមិទ្ធផលនៃកិច្ចប្រជុំ ប្រទេស ២០ គឺជាជ័យជម្នះនៅក្នុងវិស័យជំនួញ និងវិនិយោគនាឆ្នាំនេះ ហើយវាក៏អាចក្លាយជាអំណះអំណាងមួយសម្រាប់ការបង្កើតកិច្ចសហប្រតិបត្តិការដែលមានចីរភាព និងស៊ីជម្រៅក្នុងក្របខណ្ឌសកលដែរ។
ស្របពេលមួយគ្នានេះដែរ ក្រុមប្រទេស ២០ កំពុងផ្លាស់ប្តូរខ្លួនពីយន្តការឆ្លើយតបជាមួយវិបត្តិ ទៅជាយន្តការគ្រប់គ្រងរយៈពេលវែងនាពេលបច្ចុប្បន្ននេះផង។ ក្នុងដំណើរនេះដែរ យន្តការទាំងអស់ខាងលើនឹងជួយសម្រួលដល់កិច្ចសហប្រតិបត្តិការផ្នែកពាណិជ្ជកម្មនិងវិនិយោគឲ្យស៊ីជម្រៅជាងមុន៕
© រក្សាសិទ្ធិដោយ thmeythmey.com