ជាតិ
×![]()
ដោយ: ម៉ៅ សុផា
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) សម្រេចចុះឈ្មោះបោះឆ្នោត នៅថ្ងៃទី២ ខែតុលា ឆ្នាំ២០១៦ ដែលជាថ្ងៃឈប់សម្រាក ក្នុងពិធីបុណ្យភ្ជុំបិណ្យ។ នេះបើតាមសេចក្តីប្រកាសព័ត៌មានរបស់គ.ជ.ប។
បើតាមសេចក្តីប្រកាសព័ត៌មានខាងលើ ការសម្រេចចុះឈ្មោះបោះឆ្នោត នៅថ្ងៃភ្ជុំបិណ្ឌ ធ្វើឡើងក្នុងកិច្ចប្រជុំ របស់គ.ជ.ប នៅថ្ងៃទី២ ខែកញ្ញា ឆ្នាំ២០១៦នេះ។ កិច្ចប្រជុំរបស់គ.ជ.ប ក៏បានពិនិត្យ លើលទ្ធផល នៃការចុះឈ្មោះបោះឆ្នោត និងការវាយតម្លៃលើការបំពេញភារកិច្ចរបស់ក្រុមចុះឈ្មោះបោះឆ្នោត ក្នុងថ្ងៃដំបូង ផងដែរ។
កាលពីពេលថ្មីៗនេះ គណបក្សសង្គ្រោះជាតិ ក៏បានទទូចឲ្យគ.ជ.ប បន្តចុះឈ្មោះបោះឆ្នោត ក្នុងថ្ងៃភ្ជុំបិណ្ឌនេះដែរ។ គណបក្សប្រឆាំងមួយនេះ បានលើកហេតុផលថា អំឡុងពេលនៃការឈប់សម្រាក គឺជាឱកាសដ៏ល្អសម្រាប់ប្រជាពលរដ្ឋ ជាពិសេសកម្មករ-កម្មការិនីផ្នែករោងចក្រ បានទៅចុះឈ្មោះបោះឆ្នោត។
ជាងនេះទៀត ក្រសួងមហាផ្ទៃ នឹងជំរុញឲ្យអាជ្ញាធរមូលដ្ឋាន បន្តធ្វើអត្តសញ្ញាណប័ណ្ណសញ្ជាតិខ្មែរ ដល់ប្រជាពលរដ្ឋ ក្នុងអំឡុងពេលនៃពិធីបុណ្យបុណ្យភ្ជុំបិណ្ឌ។ សេចក្តីសម្រេចរបស់ក្រសួងមហាផ្ទៃបែបនេះ ធ្វើឡើងបន្ទាប់ពីមានការស្នើសុំពី គ.ជ.ប។ នេះបើតាមការលើកឡើងរបស់លោក គួយ ប៊ុនរឿន អនុប្រធានគ.ជ.ប កន្លងមក។
លោក គួយ ប៊ុនរឿន ធ្លាប់អះអាងថា មូលហេតុដែលគ.ជ.ប ស្នើឲ្យក្រសួងមហាផ្ទៃជួយពន្លឿនការធ្វើអត្តសញ្ញាណប័ណ្ណក្នុងថ្ងៃឈប់សម្រាកដូច្នេះ គឺដើម្បីផ្តល់អត្តសញ្ញាណប័ណ្ណ ដល់ប្រជាពលរដ្ឋ ឲ្យបានកាន់តែច្រើន សម្រាប់ការចុះឈ្មោះបោះឆ្នោត នាអាណត្តិក្រោយ។ លោក បន្តថា រហូតមកដល់ពេលនេះ ក្រសួងមហាផ្ទៃ បានធ្វើអត្តសញ្ញាណប័ណ្ណសញ្ជាតិខ្មែរគំរូថ្មីដល់ប្រជាពលរដ្ឋ បានចំនួន ៨.៩ លាននាក់ហើយ។ ប្រជាពលរដ្ឋ ចំនួន ៨.លា៨លាននាក់ បានទទួលអត្តសញ្ញាណប័ណ្ណ ចំណែកឯប្រជាពលរដ្ឋចំនួន ១សែននាក់ទៀត មិនទាន់ទទួលបាននៅឡើយទេ៕
បើតាមសេចក្តីប្រកាសព័ត៌មានខាងលើ ការសម្រេចចុះឈ្មោះបោះឆ្នោត នៅថ្ងៃភ្ជុំបិណ្ឌ ធ្វើឡើងក្នុងកិច្ចប្រជុំ របស់គ.ជ.ប នៅថ្ងៃទី២ ខែកញ្ញា ឆ្នាំ២០១៦នេះ។ កិច្ចប្រជុំរបស់គ.ជ.ប ក៏បានពិនិត្យ លើលទ្ធផល នៃការចុះឈ្មោះបោះឆ្នោត និងការវាយតម្លៃលើការបំពេញភារកិច្ចរបស់ក្រុមចុះឈ្មោះបោះឆ្នោត ក្នុងថ្ងៃដំបូង ផងដែរ។
កាលពីពេលថ្មីៗនេះ គណបក្សសង្គ្រោះជាតិ ក៏បានទទូចឲ្យគ.ជ.ប បន្តចុះឈ្មោះបោះឆ្នោត ក្នុងថ្ងៃភ្ជុំបិណ្ឌនេះដែរ។ គណបក្សប្រឆាំងមួយនេះ បានលើកហេតុផលថា អំឡុងពេលនៃការឈប់សម្រាក គឺជាឱកាសដ៏ល្អសម្រាប់ប្រជាពលរដ្ឋ ជាពិសេសកម្មករ-កម្មការិនីផ្នែករោងចក្រ បានទៅចុះឈ្មោះបោះឆ្នោត។
ជាងនេះទៀត ក្រសួងមហាផ្ទៃ នឹងជំរុញឲ្យអាជ្ញាធរមូលដ្ឋាន បន្តធ្វើអត្តសញ្ញាណប័ណ្ណសញ្ជាតិខ្មែរ ដល់ប្រជាពលរដ្ឋ ក្នុងអំឡុងពេលនៃពិធីបុណ្យបុណ្យភ្ជុំបិណ្ឌ។ សេចក្តីសម្រេចរបស់ក្រសួងមហាផ្ទៃបែបនេះ ធ្វើឡើងបន្ទាប់ពីមានការស្នើសុំពី គ.ជ.ប។ នេះបើតាមការលើកឡើងរបស់លោក គួយ ប៊ុនរឿន អនុប្រធានគ.ជ.ប កន្លងមក។
លោក គួយ ប៊ុនរឿន ធ្លាប់អះអាងថា មូលហេតុដែលគ.ជ.ប ស្នើឲ្យក្រសួងមហាផ្ទៃជួយពន្លឿនការធ្វើអត្តសញ្ញាណប័ណ្ណក្នុងថ្ងៃឈប់សម្រាកដូច្នេះ គឺដើម្បីផ្តល់អត្តសញ្ញាណប័ណ្ណ ដល់ប្រជាពលរដ្ឋ ឲ្យបានកាន់តែច្រើន សម្រាប់ការចុះឈ្មោះបោះឆ្នោត នាអាណត្តិក្រោយ។ លោក បន្តថា រហូតមកដល់ពេលនេះ ក្រសួងមហាផ្ទៃ បានធ្វើអត្តសញ្ញាណប័ណ្ណសញ្ជាតិខ្មែរគំរូថ្មីដល់ប្រជាពលរដ្ឋ បានចំនួន ៨.៩ លាននាក់ហើយ។ ប្រជាពលរដ្ឋ ចំនួន ៨.លា៨លាននាក់ បានទទួលអត្តសញ្ញាណប័ណ្ណ ចំណែកឯប្រជាពលរដ្ឋចំនួន ១សែននាក់ទៀត មិនទាន់ទទួលបាននៅឡើយទេ៕
Tag:
បោះឆ្នោត
© រក្សាសិទ្ធិដោយ thmeythmey.com
