ជាតិ
សេដ្ឋកិច្ច
ត្រីភាគីបញ្ជូនតួលេខប្រាក់ឈ្នួលចំនួន៣ ដាក់ជូនគណៈកម្មការប្រឹក្សាការងារសម្រេចនៅថ្ងៃស្អែក ![](https://image.thmeythmey.com/pictures/2016/09/28/garment_cam.jpg)
×![]()
នៅថ្ងៃនេះ ក្រុមការងារបច្ចេកទេសត្រីភាគី បានសម្រេចតួលេខចុងក្រោយចំនួន៣ សម្រាប់ការកំណត់ប្រាក់ឈ្នួលអប្បបរមារបស់កម្មករវាយនភណ្ឌកាត់ដេរនិងផលិតស្បែកជើង សម្រាប់ឆ្នាំ២០១៧ ។ តួលេខប្រាក់ឈ្នួលគោលរបស់ភាគីទាំងបី នឹងត្រូវដាក់ជូនគណៈកម្មការប្រឹក្សាការងារ(LAC) ធ្វើការបោះឆ្នោតសម្រេច នៅថ្ងៃទី២៩ខែកញ្ញា ស្អែកនេះ។
នៅក្នុងជំនួបត្រីភាគីលើកទី៣នេះ ភាគីសហជីពសម្រេចយកតួលេខ ១៧១ដុល្លារ ខណៈភាគីនិយោជកជ្រើសរើសយកតួលេខ ១៤៧ដុល្លារ។ ដោយឡែកភាគីរដ្ឋាភិបាល នៅឆ្នាំនេះ បានកំណត់តួលេខរបស់ខ្លួនផងដែរ គឺ ១៤៨ដុល្លារ។
កាលពីជំនួបលើកទី២ ភាគីសហជីពបានទម្លាក់តួលេខរបស់ខ្លួនពី ១៧៩,៦ដុល្លារ មកនៅត្រឹម ១៧៧,៥៩ដុល្លារ ស្របពេលភាគីនិយោជកបានដំឡើងតួលេខដល់១៤៦,៧ ដុល្លារ ដែលធៀបនឹង ១៤៤,២ដុល្លារ កាលពីជំនួបលើកទី១ ។
សមាសភាពនៃគណកម្មការប្រឹក្សាការងារ មានភាគីរដ្ឋាភិបាលចំនួ ១៤រូប ខណៈដែលភាគីនិយោជកមាន៧រូប ឯភាគីសហជីពក៏មាន៧រូបដែរ៕
© រក្សាសិទ្ធិដោយ thmeythmey.com