កីឡាអន្តរជាតិ
អ្នកលេងគុនល្បុក្កតោកម្ពុជា ខៀវ ចិន្តារ័ត្ន ជួបប្រកួតជាមួយកីឡាការិនីឥណ្ឌា នៅថ្ងៃនេះ
×![]()
កីឡាការិនីល្បុក្កតោកម្ពុជា ខៀវ ចិន្តារ័ត្ន ត្រូវជួបប្រកួតជាមួយកីឡាការិនីឥណ្ឌ PHALKE Aboli Ashru ក្នុងព្រឹត្តិការណ៍កីឡាឆ្នេរខ្សាច់អាស៊ីលើកទី៥ នៅទីក្រុងដាណាង ប្រទេសវៀតណាម នាថ្ងៃទី៣០ ខែកញ្ញា នេះ។ ដោយស្ថិតក្នុងបង្គោលក្រហម ចិន្តារ័ត្ន ធ្វើការប្រកួតលើវិញ្ញាប្រយុទ្ធក្នុងប្រភេទទម្ងន់ក្រោម៤៨គីឡូក្រាម។
កីឡាការិនីល្បុក្កតោម្ចាស់មេដាយមាសជើងឯកថ្នាក់ជាតិប្រចាំឆ្នាំ២០១៣ និង២០១៤ ខៀវ ចិន្តារ័ត្ន ក្រោយពីទទួលបានសិទ្ធិឡើងមកកាន់វគ្គពាក់កណ្តាលផ្តាច់ព្រ័ត្រដោយស្វ័យប្រវត្តិដោយមិនបាច់ឆ្លងកាត់ប្រកួតវគ្គជម្រុះ។ កីឡាការិនីតំណាងកម្ពុជារូបនេះត្រូវជួបប្រកួតជាមួយកីឡាការិនីឥណ្ឌា PHALKE Aboli Ashru ក្នុងព្រឹត្តិការណ៍កីឡាឆ្នេរខ្សាច់អាស៊ីលើកទី៥ នៅទីក្រុងដាណាងប្រទេសវៀតណាម នាថ្ងៃទី៣០ ខែកញ្ញានេះ។
សម្រាប់ការចូលរួមជាលើកដំបូងនេះ អ្នកលេងគុនល្បុក្កតោកម្ពុជារូបនេះនឹងធ្វើការប្រកួតលើវិញ្ញាសាប្រយុទ្ធក្នុងប្រភេទទម្ងន់ក្រោម៤៨គីឡូក្រាមនៅលើសង្វៀនA ដោយកីឡាការិនីល្បុក្កតោកម្ពុជាស្ថិតនៅក្នុងបង្គោលក្រហម ចំណែកឯកីឡាការិនីឥណ្ឌាស្ថិតនៅក្នុងបង្គោលខៀវ។
គួរបញ្ជាក់ ការប្រកួតល្បុក្កតោកាលពីម្សិលមិញ កីឡាករកម្ពុជារូមមានកីឡាករ អឿន រស្មី និងកីឡាករ ហាស់ ចាន់ធិន សុទ្ធតែបានចាញ់កីឡាករអ៊ីរ៉ង់ក្នុងលទ្ធផល ២-០ ដូចគ្នា៕
Tag:
ល្បុក្កតោ
ខៀវ ចិន្តារ័ត្ន
Asian Beach Games 2016
© រក្សាសិទ្ធិដោយ thmeythmey.com
