ជាតិ
ខានស្អែក សម្តេច ហ៊ុន សែន ទៅប្រទេសថៃ ដើម្បីគោរពវិញ្ញាណក្ខន្ធព្រះបាទ ភូមិបុល អាឌុលយ៉ាដេត ![](https://image.thmeythmey.com/pictures/2016/10/20/hun_sen.jpg)
×![]()
ភ្នំពេញ៖ នៅថ្ងៃទី២២ ខែតុលា ឆ្នាំ២០១៦ ប្រមុខរដ្ឋាភិបាលកម្ពុជា នឹងដឹកនាំគណៈប្រតិភូ ទៅកាន់ប្រទេសថៃ ដើម្បីគោរពវិញ្ញាណក្ខន្ធនៃព្រះមហាក្សត្រ ភូមិបុល អាឌុលយ៉ាដេត ដែលបានសោយទិវង្គត កាលពីថ្ងៃទី១៣ ខែតុលា ឆ្នាំ២០១៦ ។ នេះបើតាមសេចក្តីជូនដំណឹងពីក្រសួងការបរទេស។
យោងតាមប្រភពខាងលើ មន្ត្រីជាន់ខ្ពស់នៃរដ្ឋាភិបាលមួយចំនួន នឹងធ្វើដំណើរទៅប្រទេសថៃ ជាមួយសម្តេច ហ៊ុន សែន។ មន្ត្រីជាន់ខ្ពស់ទាំងនោះ រួមមាន លោក ទៀ បាញ់ រដ្ឋមន្ត្រីក្រសួងការពារជាតិ លោក ប្រាក់ សុខុន រដ្ឋមន្ត្រីក្រសួងការបរទេស លោកស្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា លោក ប៊ិន ឈិន ឧបនាយករដ្ឋមន្ត្រី និងលោក កែ គឺមយ៉ាន ឧបនាយករដ្ឋមន្ត្រី និងសមាជិករដ្ឋាភិបាលផ្សេងៗទៀត។
សូមបញ្ជាក់ថា ក្រោយពីទទួលបានដំណឺងអំពីការសោយទិវង្គតនៃព្រះមហាក្សត្រថៃ សម្តេច ហ៊ុន សែន បានផ្ញើលិខិតចូលរួមរំលែកទុក្ខមួយ ទៅកាន់លោក ប្រាយុទ្ធ ចន្ទអូចា។ លើសពីនេះទៀត ស្ថាប័នកំពូលមួយចំនួនក្នុងប្រទេសកម្ពុជា ដូចជារដ្ឋសភា និងព្រឹទ្ធសភាជាដើម ក៏បានផ្ញើលិខិតចូលរួមរំលែកទុក្ខ ចំពោះការយាងចូលទិវង្គតនៃព្រះក្សត្រថៃ ផងដែរ៕ Tag:
ហុន សែន
ថៃ
អាដុលយ៉ាដេត
© រក្សាសិទ្ធិដោយ thmeythmey.com