ព័ត៍មានសុខភាព
ស្រោមអនាម័យ អាចនឹងរហែកទេ បើសិនទុកក្នុងកាបូបលុយ? ![](https://image.thmeythmey.com/pictures/2016/10/26/2_1650_.jpg)
×![]()
មែនហើយ វាអាចរហែកបាន។ ការទុកស្រោមអនាម័យក្នុងកាបូបលុយ អាចធ្វើឲ្យកញ្ចប់របស់វាច្បត់ និងងាយដាច់ ឬរហែកបំផុត។ ប៉ុន្តែ បើយើងយកវាមកមើល គឺឃើញធម្មតា ប៉ុន្តែ វាបានរហែករួចទៅហើយ។ បញ្ហាមួយផ្សេងទៀត ចំពោះការទុកស្រោមអនាម័យក្នុងកាបូបលុយគឺ វាងាយនឹងទុកចោលយូរ រហូតដល់ហួសកាលកំណត់ប្រើប្រាស់តែម្តង។ ដូច្នេះ តើធ្វើម៉េចទើបទុកស្រោមអនាម័យបានល្អទៅ? ចូរចាប់ផ្តើមរក្សាវាទុក ក្នុងតុក្បែរគ្រែគេង ឬកន្លែងណាមួយ ដែលមិនរងការប៉ះពាល់ ពីសីតុណ្ហភាពប្រែប្រួលច្រើន។
កម្តៅរបស់រាងកាយ គឺជាបញ្ហាមួយផ្សេងទៀត ដែលបណ្តាលឲ្យធាតុផ្សំរបស់ស្រោមអនាម័យខូចបាន នៅពេលទុកក្នុងខ្លួនយូរ។ វាពិតជាមិនអីទេដែលថា ការដាក់ស្រោមអនាម័យនៅក្នុងហោប៉ៅខោខាងមុខ រយៈពេលពីរបីម៉ោង ប៉ុន្តែ មិនត្រូវដាក់វាក្នុងហោប៉ៅខាងក្រោយឡើយ ព្រោះវាងាយនឹងរង ការអង្គុយពីលើខ្លាំងណាស់។ ក្រៅពីនេះ មិនត្រូវដាក់ស្រោមអនាម័យក្នុងហោប៉ៅដដែលៗឡើយ ព្រោះវាអាចបង្កជាការរហែកបាន។
ដើម្បីជួយអ្នកចងចាំ យកស្រោមអនាម័យតាមខ្លួននោះ ចូរដាក់វានៅកន្លែងដែលអ្នក ដាក់ទូរស័ព្ទដៃ កាបូបលុយ ឬរបស់អ្វីមួយ ដែលអ្នកមិនអាចអត់បាត់ ពេលចេញទៅក្រៅ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com