ជាតិ
នយោបាយអន្តរជាតិ
សម្តេចហ៊ុន សែន ប្តេជ្ញាធ្វើការយ៉ាងជិតស្និទ្ធជាមួយ លោក ដូណាល់ ត្រាំ ![](https://image.thmeythmey.com/pictures/2016/11/10/samdech-techo-hun-sen.jpg)
×![]()
សម្តេច ហ៊ុន សែន បានប្តេជ្ញាចិត្តថា នឹងធ្វើការយ៉ាងជិតស្និទ្ធជាមួយលោក ដូណាល់ ត្រាំ ដើម្បីពង្រឹងសម្ព័ន្ធភាពរវាងប្រទេសទាំង២ ។
ប្រមុខរដ្ឋាភិបាលកម្ពុជា បានផ្ញើសារផ្លូវការ អបអរជ័យជម្នះរបស់លោក ដូណាល់ ត្រាំ ដែលជាប់ជាប្រធានាធិបតីទី៤៥ របស់សហរដ្ឋអាមេរិក។ តាមរយៈសារអបអរចុះថ្ងៃទី៩ ខែវិច្ឆិកា សម្តេច ហ៊ុន សែន បានប្តេជ្ញាចិត្តថា នឹងធ្វើការយ៉ាងជិតស្និទ្ធជាមួយលោក ដូណាល់ ត្រាំ។
ប្រមុខរដ្ឋាភិបាលកម្ពុជា បានបញ្ជាក់ដូច្នេះថា៖«ខ្ញុំរីករាយនឹងធ្វើការយ៉ាងជិតស្និទ្ធជាមួយឯកឧត្តម មិនត្រឹមតែអភិវឌ្ឍន៍ប្រទេសយើងទាំងពីរឲ្យកាន់តែជិតស្និទ្ធប៉ុណ្ណោះទេ ប៉ុន្តែថែមទាំងប្រឹងប្រែងរួមគ្នា លើកកម្ពស់បុព្វហេតុដ៏ធំធេង ដើម្បីសន្តិភាព ស្ថិរភាព និងវិបុលភាពរបស់ប្រជាជាតិទាំងអស់»។
រដ្ឋាភិបាលកម្ពុជា ក៏ចូលរួមប្រឹងប្រែងជាមួយរដ្ឋាភិបាល និងប្រជាជនអាមេរិក ក្នុងការលើកកម្ពស់បន្ថែមទៀត នូវទំនាក់ទំនងមិត្តភាពរវាងប្រទេសទាំងពីរ លើគ្រប់វិស័យដែលផ្តល់ប្រយោជន៍ដល់គ្នាទៅវិញទៅមក ទាំងនៅគ្រប់កម្រិតភាគី និងពហុភាគី។
សូមបញ្ជាក់ថា ភ្លាមៗក្រោយលទ្ធផលឆ្នោត បង្ហាញថា លោក ដូណាល់ ត្រាំ ក្លាយជាប្រធានាធិបតីទី៤៥ របស់សហរដ្ឋអាមេរិក សម្តេច ហ៊ុន សែន ក៏បានសរសេរសាទរនៅលើទំព័រហ្វេសប៊ុករបស់ខ្លួនភ្លាមដែរ៕
Tag:
ហ៊ុន សែន
ដូណាល់ ត្រាំ
© រក្សាសិទ្ធិដោយ thmeythmey.com