កីឡាជាតិ
ជាតិ
គ្រូបង្វឹកមីយ៉ាន់ម៉ាប្រាប់កូនក្រុមឲ្យប្រុងប្រយ័ត្នពេលប៉ះកម្ពុជា ទោះបីត្រៀមខ្លួនរួចរាល់ក៏ដោយ
Gerd Zeise រូបភាពពី៖ សហព័ន្ធបាល់ទាត់មីយ៉ាន់ម៉ា
×![]()
គ្រូបង្វឹកក្រុមជម្រើសជាតិមីយ៉ាន់ម៉ា មិនត្រឹមតែសរសើរពីទម្រង់លេងរបស់ក្រុមជម្រើសកម្ពុជាប៉ុណ្ណោះទេ ថែមទាំងឲ្យកូនក្រុមរបស់ខ្លួនត្រូវមានការប្រុងប្រយ័ត្នខ្ពស់ពេលប៉ះជាមួយក្រុមជម្រើសជាតិកម្ពុជាក្នុងពូល B នៃពានរង្វាន់ AFF Suzuki Cup 2016 នាល្ងាចថ្ងៃទី២៣ ខែវិច្ឆិកា នេះ។ ប៉ុន្តែគ្រូបង្វឹករូបនេះអះអាងថា ក្រុមខ្លួនត្រៀមខ្លួនរួចរាល់ហើយសម្រាប់ប៉ះជាមួយក្រុមកម្ពុជានាល្ងាចនេះ។ 
លោក Gerd Zeise គ្រូបង្វឹកក្រុមជម្រើសជាតិមីយ៉ាន់ម៉ាជំរុញឲ្យកូនក្រុមរបស់ខ្លួនបង្កើនការប្រុងប្រយ័ត្នខ្ពស់ ក្នុងជំនួបជាមួយក្រុមជម្រើសកម្ពុជានៅកីឡដ្ឋាន Thuwanna ប្រទេសមីយ៉ាន់ម៉ា នាវេលាម៉ោង៧យប់ថ្ងៃទី២៣ ខែវិច្ឆិកា នេះ។ ការជំរុញឲ្យក្រុមរបស់ខ្លួនបង្កើនការប្រុងប្រយ័ត្ននេះ បន្ទាប់ពីលោកសង្កេតឃើញថា ក្រុមកម្ពុជាជាក្រុមដែលមានសមត្ថភាព និងមានខ្សែប្រយុទ្ធល្អៗ ដែលអាចបង្កគ្រោះថ្នាក់ដល់ក្រុមមីយ៉ាន់ម៉ា។
ទោះបីជាយ៉ាងនេះក្តី បន្ទាប់ពីជំរុញឲ្យកូនរបស់ខ្លួនបង្កើនការប្រុងប្រយ័ត្ន និងលើកតម្កើងពីសមត្ថភាពរបស់ក្រុមជម្រើសជាតិកម្ពុជា លោកគ្រូបង្វឹករូបនេះបានអះអាងថា កូនក្រុមរបស់ខ្លួនត្រៀមខ្លួនរួចរាល់ហើយ ក្នុងការតទល់ជាមួយក្រុមជម្រើសជាតិកម្ពុជានាល្ងាចនេះ។
ក្នុងសន្និសីទសារព័ត៌មានមុនការប្រកួតកាលពីព្រឹកថ្ងៃទី២២ ខែវិច្ឆិកា ម្សិលមិញ លោក Gerd Zeise គ្រូបង្វឹកក្រុមមីយ៉ាន់ម៉ាបានរៀបរាប់យ៉ាងដូច្នេះថា៖«ពួកគេមានរបៀបរៀបរយល្អ ការលេងអាតាក់ក៏ល្អ ជាពិសេសមានខ្សែប្រយុទ្ធល្អៗនៅក្នុងក្រុម ដូច្នេះយើងត្រូវមានការប្រុងប្រយ័ត្នខ្ពស់ចំពោះក្រុមនេះ។ ប៉ុន្តែទោះបីយ៉ាងណា យើងត្រៀមខ្លួនរួចរាល់ហើយសម្រាប់ការប្រកួតនៅថ្ងៃនេះ»។ នេះបើយោងតាមគេហទំព័រ Keiladaily។
ការប៉ះគ្នារវាងក្រុមកម្ពុជា និងម្ចាស់ផ្ទះមីយ៉ាន់ម៉ា នឹងក្លាយជំនួបមួយដ៏ស្វិតស្វាញបំផុត ពោលគឺក្រុមទាំងពីរសុទ្ធតែត្រូវការឈ្នះជាដាច់ខាត ដើម្បីរក្សាឱកាសប្រជែងក្នុងពានរង្វាន់ AFF Suzuki Cup 2016 នេះ ព្រោះនាការប្រកួតបើកឆាកក្រុមទាំងពីរសុទ្ធតែចាញ់ដូចគ្នា។ ក្នុងនោះក្រុមជម្រើសជាតិកម្ពុជាចាញ់ម៉ាឡេស៊ី ៣-២ ខណៈក្រុមមីយ៉ាន់ម៉ាចាញ់វៀតណាម ២-១។
គួរបញ្ជាក់ថា មុនជំនួនរវាងក្រុមជម្រើសជាតិកម្ពុជាជាមួយក្រុមម្ចាស់ផ្ទះមីយ៉ាន់ម៉ា ដែលធ្វើឡើងនៅកីឡដ្ឋាន Thuwanna នាវេលាម៉ោង៧យប់ថ្ងៃទី២៣ ខែវិច្ឆកា នៅវេលាម៉ោង១៥:៣០នាទីរសៀលក៏មានការប្រកួតមួយគូផ្សេងទៀតផងដែរដែលធ្វើឡើងនៅកីឡដ្ឋានមួយនេះ គឺរវាងក្រុមវៀតណាមនិងក្រុមម៉ាឡេស៊ី៕
លោក Gerd Zeise គ្រូបង្វឹកក្រុមជម្រើសជាតិមីយ៉ាន់ម៉ាជំរុញឲ្យកូនក្រុមរបស់ខ្លួនបង្កើនការប្រុងប្រយ័ត្នខ្ពស់ ក្នុងជំនួបជាមួយក្រុមជម្រើសកម្ពុជានៅកីឡដ្ឋាន Thuwanna ប្រទេសមីយ៉ាន់ម៉ា នាវេលាម៉ោង៧យប់ថ្ងៃទី២៣ ខែវិច្ឆិកា នេះ។ ការជំរុញឲ្យក្រុមរបស់ខ្លួនបង្កើនការប្រុងប្រយ័ត្ននេះ បន្ទាប់ពីលោកសង្កេតឃើញថា ក្រុមកម្ពុជាជាក្រុមដែលមានសមត្ថភាព និងមានខ្សែប្រយុទ្ធល្អៗ ដែលអាចបង្កគ្រោះថ្នាក់ដល់ក្រុមមីយ៉ាន់ម៉ា។
ទោះបីជាយ៉ាងនេះក្តី បន្ទាប់ពីជំរុញឲ្យកូនរបស់ខ្លួនបង្កើនការប្រុងប្រយ័ត្ន និងលើកតម្កើងពីសមត្ថភាពរបស់ក្រុមជម្រើសជាតិកម្ពុជា លោកគ្រូបង្វឹករូបនេះបានអះអាងថា កូនក្រុមរបស់ខ្លួនត្រៀមខ្លួនរួចរាល់ហើយ ក្នុងការតទល់ជាមួយក្រុមជម្រើសជាតិកម្ពុជានាល្ងាចនេះ។
ក្នុងសន្និសីទសារព័ត៌មានមុនការប្រកួតកាលពីព្រឹកថ្ងៃទី២២ ខែវិច្ឆិកា ម្សិលមិញ លោក Gerd Zeise គ្រូបង្វឹកក្រុមមីយ៉ាន់ម៉ាបានរៀបរាប់យ៉ាងដូច្នេះថា៖«ពួកគេមានរបៀបរៀបរយល្អ ការលេងអាតាក់ក៏ល្អ ជាពិសេសមានខ្សែប្រយុទ្ធល្អៗនៅក្នុងក្រុម ដូច្នេះយើងត្រូវមានការប្រុងប្រយ័ត្នខ្ពស់ចំពោះក្រុមនេះ។ ប៉ុន្តែទោះបីយ៉ាងណា យើងត្រៀមខ្លួនរួចរាល់ហើយសម្រាប់ការប្រកួតនៅថ្ងៃនេះ»។ នេះបើយោងតាមគេហទំព័រ Keiladaily។
ការប៉ះគ្នារវាងក្រុមកម្ពុជា និងម្ចាស់ផ្ទះមីយ៉ាន់ម៉ា នឹងក្លាយជំនួបមួយដ៏ស្វិតស្វាញបំផុត ពោលគឺក្រុមទាំងពីរសុទ្ធតែត្រូវការឈ្នះជាដាច់ខាត ដើម្បីរក្សាឱកាសប្រជែងក្នុងពានរង្វាន់ AFF Suzuki Cup 2016 នេះ ព្រោះនាការប្រកួតបើកឆាកក្រុមទាំងពីរសុទ្ធតែចាញ់ដូចគ្នា។ ក្នុងនោះក្រុមជម្រើសជាតិកម្ពុជាចាញ់ម៉ាឡេស៊ី ៣-២ ខណៈក្រុមមីយ៉ាន់ម៉ាចាញ់វៀតណាម ២-១។
គួរបញ្ជាក់ថា មុនជំនួនរវាងក្រុមជម្រើសជាតិកម្ពុជាជាមួយក្រុមម្ចាស់ផ្ទះមីយ៉ាន់ម៉ា ដែលធ្វើឡើងនៅកីឡដ្ឋាន Thuwanna នាវេលាម៉ោង៧យប់ថ្ងៃទី២៣ ខែវិច្ឆកា នៅវេលាម៉ោង១៥:៣០នាទីរសៀលក៏មានការប្រកួតមួយគូផ្សេងទៀតផងដែរដែលធ្វើឡើងនៅកីឡដ្ឋានមួយនេះ គឺរវាងក្រុមវៀតណាមនិងក្រុមម៉ាឡេស៊ី៕
Tag:
បាល់់ទាត់
Gerd Zeise
AFF Suzuki Cup 2016
© រក្សាសិទ្ធិដោយ thmeythmey.com
