ជាតិ
×![]()
ព្រះសីហនុ៖ នៅឆ្នាំ២០២០ខាងមុខនេះ តំបន់ឆ្នេរនៃខេត្តទាំង៤របស់កម្ពុជា អាចនឹងទទួលបានភ្ញៀវទេសចរជាតិ និងអន្តរជាតិ ប្រមាណ ៦លាននាក់។ ជាមួយគ្នានេះ នៅឆ្នាំ២០១៦នេះ ខេត្តព្រះសីហនុទទួលបានទេសចរអន្តរជាតិប្រមាណ ៤០ម៉ឺននាក់ និងទេសចរជាតិប្រមាណ ១,១លាននាក់ផងដែរ។ នេះបើតាមការព្យាករណ៍របស់លោក ថោង ខុន រដ្ឋមន្ត្រីក្រសួងទេសចរណ៍។
តាមការព្យាករណ៍របស់លោក ថោន ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការអន្តរក្រសួងរៀបចំពិធីបុណ្យសមុទ្រ បានលើកឡើងថា៖ «នៅឆ្នាំ២០២០ តំបន់ឆ្នេរសមុទ្រកម្ពុជា អាចនឹងទទួលបានភ្ញៀវទេសចរអន្តរជាតិប្រមាណ ២លាននាក់ និងទេសចរជាតិប្រមាណ ៤លាននាក់»។ ការលើកឡើងបែបនេះ គឺនៅក្នុងពិធីបើកបុណ្យសមុទ្រលើកទី៥ ក្រោមប្រធានបទ «ទីក្រុងបៃតង-ឆ្នេរស្អាត-សមុទ្រខៀវស្រងាត់» នាខេត្តព្រះសីហនុ កាលពីថ្ងៃទី២៤ ធ្នូកន្លងទៅ។
លោក ថោង ខុន បានបន្តថា នៅឆ្នាំ២០១៦នេះ ក្នុងចំណោមទេសចរអន្តរជាតិប្រមាណ ៥លាននាក់ មានភ្ញៀវទេសចរប្រមាណ ៧០ម៉ឺននាក់ និងទេសចរជាតិប្រមាណ ២.៧លាននាក់ ដែលទៅទស្សនាតំបន់ឆ្នេរនៃខេត្តទាំង៤របស់កម្ពុជា រួមមានខេត្តព្រះសីហនុ កោះកុង កំពត និងកែប។ លោក បានបន្ថែមថា តាមរបាយការណ៍របស់អង្គការទេសចរណ៍ពិភពលោក (UNWTO)ឆ្នាំ២០១៥ ពិភពលោកទាំងមូលទទួលបានទេសចរអន្តរជាតិប្រមាណ១.១៨៤លាននាក់ ក្នុងកំណើន ៤,៤%។ ដោយក្នុងនោះភ្ញៀវទេសចរប្រមាណ ៤៧% បានទៅទស្សនាតំបន់វប្បធម៌ ហើយតំបន់ឆ្នេរប្រមាណ ២៨% និងតំបន់ផ្សេងៗប្រមាណ ២៥%។
រដ្ឋមន្ត្រីក្រសួងទេសចរណ៍ បានបញ្ជាក់ថា ខេត្តព្រះសីហនុនៅឆ្នាំ២០១៦នេះ ទទួលបានភ្ញៀវទេសចរអន្តរជាតិជាង ៤០ម៉ឺននាក់ និងទេសចរជាតិប្រមាណ ១,១លាននាក់។ សម្រាប់ឆ្នាំ២០២០ខាងមុខ ខេត្តព្រះសីហនុ អាចនឹងទទួលបានភ្ញៀវទេសចរអន្តរជាតិប្រមាណ ១លាននាក់ និងទេសចរជាតិប្រមាណ ២លាននាក់។
គួរបញ្ជាក់ថា កម្ពុជាបានចូលជាសមាជិកក្លឹបកាលពីឆ្នាំ២០១១ ហើយកម្ពុជាត្រូវបានមហាសន្និបាតក្លឹបបោះឆ្នោតជ្រើសរើសជាអនុប្រធានក្លឹប ដែលទទួលបន្ទុកតំបន់អាស៊ី-ប៉ាស៊ីហ្វិក ២អាណត្តិជាប់គ្នារហូតដល់ឆ្នាំ២០១៩។ ទន្ទឹមនឹងនេះ ក្លឹបឆ្នេរសមុទ្រដែលស្អាតជាងគេបំផុតលើសាកលលោក មានសមាជិកកើនដល់៤១ឆ្នេរ ដែលមកពី២៤ប្រទេស៕
តាមការព្យាករណ៍របស់លោក ថោន ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការអន្តរក្រសួងរៀបចំពិធីបុណ្យសមុទ្រ បានលើកឡើងថា៖ «នៅឆ្នាំ២០២០ តំបន់ឆ្នេរសមុទ្រកម្ពុជា អាចនឹងទទួលបានភ្ញៀវទេសចរអន្តរជាតិប្រមាណ ២លាននាក់ និងទេសចរជាតិប្រមាណ ៤លាននាក់»។ ការលើកឡើងបែបនេះ គឺនៅក្នុងពិធីបើកបុណ្យសមុទ្រលើកទី៥ ក្រោមប្រធានបទ «ទីក្រុងបៃតង-ឆ្នេរស្អាត-សមុទ្រខៀវស្រងាត់» នាខេត្តព្រះសីហនុ កាលពីថ្ងៃទី២៤ ធ្នូកន្លងទៅ។
លោក ថោង ខុន បានបន្តថា នៅឆ្នាំ២០១៦នេះ ក្នុងចំណោមទេសចរអន្តរជាតិប្រមាណ ៥លាននាក់ មានភ្ញៀវទេសចរប្រមាណ ៧០ម៉ឺននាក់ និងទេសចរជាតិប្រមាណ ២.៧លាននាក់ ដែលទៅទស្សនាតំបន់ឆ្នេរនៃខេត្តទាំង៤របស់កម្ពុជា រួមមានខេត្តព្រះសីហនុ កោះកុង កំពត និងកែប។ លោក បានបន្ថែមថា តាមរបាយការណ៍របស់អង្គការទេសចរណ៍ពិភពលោក (UNWTO)ឆ្នាំ២០១៥ ពិភពលោកទាំងមូលទទួលបានទេសចរអន្តរជាតិប្រមាណ១.១៨៤លាននាក់ ក្នុងកំណើន ៤,៤%។ ដោយក្នុងនោះភ្ញៀវទេសចរប្រមាណ ៤៧% បានទៅទស្សនាតំបន់វប្បធម៌ ហើយតំបន់ឆ្នេរប្រមាណ ២៨% និងតំបន់ផ្សេងៗប្រមាណ ២៥%។
រដ្ឋមន្ត្រីក្រសួងទេសចរណ៍ បានបញ្ជាក់ថា ខេត្តព្រះសីហនុនៅឆ្នាំ២០១៦នេះ ទទួលបានភ្ញៀវទេសចរអន្តរជាតិជាង ៤០ម៉ឺននាក់ និងទេសចរជាតិប្រមាណ ១,១លាននាក់។ សម្រាប់ឆ្នាំ២០២០ខាងមុខ ខេត្តព្រះសីហនុ អាចនឹងទទួលបានភ្ញៀវទេសចរអន្តរជាតិប្រមាណ ១លាននាក់ និងទេសចរជាតិប្រមាណ ២លាននាក់។
គួរបញ្ជាក់ថា កម្ពុជាបានចូលជាសមាជិកក្លឹបកាលពីឆ្នាំ២០១១ ហើយកម្ពុជាត្រូវបានមហាសន្និបាតក្លឹបបោះឆ្នោតជ្រើសរើសជាអនុប្រធានក្លឹប ដែលទទួលបន្ទុកតំបន់អាស៊ី-ប៉ាស៊ីហ្វិក ២អាណត្តិជាប់គ្នារហូតដល់ឆ្នាំ២០១៩។ ទន្ទឹមនឹងនេះ ក្លឹបឆ្នេរសមុទ្រដែលស្អាតជាងគេបំផុតលើសាកលលោក មានសមាជិកកើនដល់៤១ឆ្នេរ ដែលមកពី២៤ប្រទេស៕
© រក្សាសិទ្ធិដោយ thmeythmey.com
