អន្តរជាតិ
ភាគីជម្លោះស៊ីរីជួបប្រជុំគ្នានៅកាហ្សាក់ស្ថានស្វែងរកសន្តិភាពនៅស៊ីរី
×![]()
ដោយ: ថ្មីៗ
ភាគីជម្លោះស៊ីរី ទៅដល់រដ្ឋធានី Astana នៃប្រទេសកាហ្សាក់ស្ថានដើម្បីចរចាគ្នាស្វែងរកសន្តិភាពនិងបញ្ចប់សង្គ្រាមស៊ីវិលស៊ីរីដែលអូសបន្លាយពេល ៦ ឆ្នាំមកហើយនោះ។ យ៉ាងណាក៏ដោយ រុស្ស៊ី និងតួកគីហាក់មិនទាន់ឯកភាពគ្នានៅឡើយជុំវិញតួនាទីរបស់លោក បាសា អាល់អាសាដ នាពេលអនាគត។
កិច្ចពិភាក្សាសន្តិភាពស៊ីរីដែលជ្រោមជ្រែងដោយរុស្ស៊ី, អ៊ីរ៉ង់ និង តួគី ចាប់ផ្តើមឡើងនៅក្នុងទីក្រុង Astanaប្រទេសកាហ្សាក់ស្ថាននៅសប្តាហ៍នេះ។ បណ្តាភាគីជម្លោះបានទៅដល់ទីក្រុង Astana នេះចាប់ពីថ្ងៃ អាទិត្យ ទី ២២ មករា ដើម្បីត្រៀមខ្លួនជជែករកដំណោះស្រាយបញ្ចប់សង្គ្រាមស៊ីវិលដែលអូសបន្លាយពេលវេលាអស់ ៦ឆ្នាំមកហើយនោះ។
យោងតាមទីភ្នាក់ងារ AFP បណ្តាតំណាងក្រុមឧទ្ទាមនិង តំណាងរដ្ឋាភិបាលបានទៅដល់ទីកន្លែងកិច្ចប្រជុំរៀបចំឡើង។ ប៉ុន្តែមិនមានមន្ត្រីជនខ្ពស់ពីខាងរដ្ឋាភិបាលចូលរួមក្នងប្រតិភូដែលមកចរចានៅក្រុង Astana ឡើយ។ ប៉ុន្តែក្រុមអ្នករៀបចំកិច្ចប្រជុំនេះ បានអះអាងថា កិច្ចប្រជុំនឹងចាប់ផ្តើមឡើងនៅថ្ងៃអង្គារទី ២៤មករា។
យ៉ាងណាក៏ដោ លោក Alexander Lavrentyev តំណាងរដ្ឋាភិបាលរុស្ស៊ីដែលចូលសម្របសម្រួលកិច្ចចរចាបានអះអាងថា វានៅតែមិនទាន់មានការកំណត់ចុងក្រោយនៅឡើយថា តើប្រតិភូរដ្ឋាភិបាល ជជែកជាមួយក្រុមប្រឆាំងផ្ទាល់ឬតាមរយៈភាគីទី ២ ជួយនាំសារ។
តំណាងប្រតិភូរដ្ឋាភិបាលស៊ីរី គឺ ឯកអគ្គរដ្ឋទូតស៊ីរីប្រចាំអង្គការសហប្រជាជាតិ Bashar al-Jaafari ។ លោកបានបញ្ជាក់ប្រាប់អ្នកសារព័ត៌មានថា កិច្ចពិភាក្សាសំខាន់ក្នុងជំនួបនេះគឺ ការពង្រឹងការអនុវត្តបទឈប់បាញ់ដែលត្រូវបានដាក់ចេញតាំងពីខែមុនមកនោះ។ ហើយសហរដ្ឋអាមេរិកដែលតែងជ្រោមជ្រែងក្រុមឧទ្ទាមកន្លងមកនោះមិនបានបញ្ជូនមន្ត្រីខ្លួនមកចូលរួមឡើយ។
ជារួមកិច្ចពិភាក្សានេះ ជាការចរចាលើកដំបូងបំផុតចាប់តាំងពីពេលដែលកិច្ចពិភាក្សាក្រុងហ្សឺណែវជាប់គាំង និងក្រោយ ក្រុមប្រឹក្សាសន្តិសុខសម្រេចអនុម័តបទឈប់បាញ់នៅស៊ីរីចុងឆ្នាំមុន ក្រោយការដួលរលំនៃការគ្រប់គ្រងទីក្រុង Aleppo ភាគខាងកើតរបស់ពួកឧទ្ទាម។ ហើយវាត្រូវបានជួយឧបត្ថម្ភគាំទ្រខ្លាំងដោយប្រទេសបី មានរុស្ស៊ី,តួកគី និងអ៊ីរ៉ង់ផង។
ថ្វីបើមានការពិភាក្សារវាងភាគីជម្លោះក៏ដោយ តួកគី និងរុស្ស៊ី ហាក់បីដូចជាមិនទាន់ឯកភាពគ្នាឡើយទេជុំវិញការកំណត់តួនាទីរបស់លោក បាសា អាល់អាសាដ ក្នុងបរិបទនយោបាយស៊ីរីនៅពេលខាងមុខ បើសង្គ្រាមត្រូវបានបញ្ចប់ជាផ្លូវការ។ យ៉ាងណាក៏ដោយ ការកំណត់ឲ្យអាសាដ ដកខ្លួនចេញពីនយោបាយជារឿងមិនអាចទៅរួចឡើយ ព្រោះក្រុមឧទ្ទាមហាក់អស់ផ្លូវដើរនិងកាន់តែខ្សត់ខ្សោយកម្លាំងណាស់ទៅហើយក្រោយការដួលរលំនៃក្រុង Aleppoនោះ។
ក្រុមអ្នកអង្កេតការណ៍ខ្លះមើលឃើញថា កិច្ចប្រជុំនៅ Astana អាចនឹងជួយជំរុញឲ្យការចរចាក្រុងហ្សឺណែវដែលដឹកនាំដោយអង្គការសហប្រជាជាតិចាប់ផ្តើមដំណើរការឡើងវិញបាននៅពេលខាងមុខ៕
កិច្ចពិភាក្សាសន្តិភាពស៊ីរីដែលជ្រោមជ្រែងដោយរុស្ស៊ី, អ៊ីរ៉ង់ និង តួគី ចាប់ផ្តើមឡើងនៅក្នុងទីក្រុង Astanaប្រទេសកាហ្សាក់ស្ថាននៅសប្តាហ៍នេះ។ បណ្តាភាគីជម្លោះបានទៅដល់ទីក្រុង Astana នេះចាប់ពីថ្ងៃ អាទិត្យ ទី ២២ មករា ដើម្បីត្រៀមខ្លួនជជែករកដំណោះស្រាយបញ្ចប់សង្គ្រាមស៊ីវិលដែលអូសបន្លាយពេលវេលាអស់ ៦ឆ្នាំមកហើយនោះ។
យោងតាមទីភ្នាក់ងារ AFP បណ្តាតំណាងក្រុមឧទ្ទាមនិង តំណាងរដ្ឋាភិបាលបានទៅដល់ទីកន្លែងកិច្ចប្រជុំរៀបចំឡើង។ ប៉ុន្តែមិនមានមន្ត្រីជនខ្ពស់ពីខាងរដ្ឋាភិបាលចូលរួមក្នងប្រតិភូដែលមកចរចានៅក្រុង Astana ឡើយ។ ប៉ុន្តែក្រុមអ្នករៀបចំកិច្ចប្រជុំនេះ បានអះអាងថា កិច្ចប្រជុំនឹងចាប់ផ្តើមឡើងនៅថ្ងៃអង្គារទី ២៤មករា។
យ៉ាងណាក៏ដោ លោក Alexander Lavrentyev តំណាងរដ្ឋាភិបាលរុស្ស៊ីដែលចូលសម្របសម្រួលកិច្ចចរចាបានអះអាងថា វានៅតែមិនទាន់មានការកំណត់ចុងក្រោយនៅឡើយថា តើប្រតិភូរដ្ឋាភិបាល ជជែកជាមួយក្រុមប្រឆាំងផ្ទាល់ឬតាមរយៈភាគីទី ២ ជួយនាំសារ។
តំណាងប្រតិភូរដ្ឋាភិបាលស៊ីរី គឺ ឯកអគ្គរដ្ឋទូតស៊ីរីប្រចាំអង្គការសហប្រជាជាតិ Bashar al-Jaafari ។ លោកបានបញ្ជាក់ប្រាប់អ្នកសារព័ត៌មានថា កិច្ចពិភាក្សាសំខាន់ក្នុងជំនួបនេះគឺ ការពង្រឹងការអនុវត្តបទឈប់បាញ់ដែលត្រូវបានដាក់ចេញតាំងពីខែមុនមកនោះ។ ហើយសហរដ្ឋអាមេរិកដែលតែងជ្រោមជ្រែងក្រុមឧទ្ទាមកន្លងមកនោះមិនបានបញ្ជូនមន្ត្រីខ្លួនមកចូលរួមឡើយ។
ជារួមកិច្ចពិភាក្សានេះ ជាការចរចាលើកដំបូងបំផុតចាប់តាំងពីពេលដែលកិច្ចពិភាក្សាក្រុងហ្សឺណែវជាប់គាំង និងក្រោយ ក្រុមប្រឹក្សាសន្តិសុខសម្រេចអនុម័តបទឈប់បាញ់នៅស៊ីរីចុងឆ្នាំមុន ក្រោយការដួលរលំនៃការគ្រប់គ្រងទីក្រុង Aleppo ភាគខាងកើតរបស់ពួកឧទ្ទាម។ ហើយវាត្រូវបានជួយឧបត្ថម្ភគាំទ្រខ្លាំងដោយប្រទេសបី មានរុស្ស៊ី,តួកគី និងអ៊ីរ៉ង់ផង។
ថ្វីបើមានការពិភាក្សារវាងភាគីជម្លោះក៏ដោយ តួកគី និងរុស្ស៊ី ហាក់បីដូចជាមិនទាន់ឯកភាពគ្នាឡើយទេជុំវិញការកំណត់តួនាទីរបស់លោក បាសា អាល់អាសាដ ក្នុងបរិបទនយោបាយស៊ីរីនៅពេលខាងមុខ បើសង្គ្រាមត្រូវបានបញ្ចប់ជាផ្លូវការ។ យ៉ាងណាក៏ដោយ ការកំណត់ឲ្យអាសាដ ដកខ្លួនចេញពីនយោបាយជារឿងមិនអាចទៅរួចឡើយ ព្រោះក្រុមឧទ្ទាមហាក់អស់ផ្លូវដើរនិងកាន់តែខ្សត់ខ្សោយកម្លាំងណាស់ទៅហើយក្រោយការដួលរលំនៃក្រុង Aleppoនោះ។
ក្រុមអ្នកអង្កេតការណ៍ខ្លះមើលឃើញថា កិច្ចប្រជុំនៅ Astana អាចនឹងជួយជំរុញឲ្យការចរចាក្រុងហ្សឺណែវដែលដឹកនាំដោយអង្គការសហប្រជាជាតិចាប់ផ្តើមដំណើរការឡើងវិញបាននៅពេលខាងមុខ៕
Tag:
ស៊ីរី
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
