អន្តរជាតិ
ប្រធានាធិបតី ដូណាល់ ត្រាំ ចុះហត្ថលេខាដកអាមេរិកចេញពីកិច្ចព្រមព្រៀង TPP (រូបថតហ្វេសប៊ុក Donald J. Trump)
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ នៅថ្ងៃទី២៣ ខែមករា បានសម្រេចដកអាមេរិកចេញពីកិច្ចព្រមព្រៀងភាពជាដៃគូអន្តរប៉ាស៊ីហ្វិកហើយ បើទោះជាមានការបញ្ចុះបញ្ចូលពីសម្ព័ន្ធមិត្តរបស់ខ្លួនដែលជាសមាជិកនៃកិច្ចព្រមព្រៀងនេះក៏ដោយ។ តាំងពីយុទ្ធនាការស្វែងរកសំឡេងឆ្នោតមកនេះ លោក ត្រាំ តែងតែអះអាងថា កិច្ចព្រមព្រៀងដែលជាកេរមរតករបស់អតីតប្រធានាធិបតី បារ៉ាក់ អូបាម៉ា មួយនេះ បង្កផលប៉ះពាល់ដល់សេដ្ឋកិច្ចអាមេរិក ដែលត្រូវចាកចេញឲ្យបានឆាប់។
ប្រធានាធិបតីអាមេរិក ដូណាល់ ត្រាំ បានចាប់ផ្ដើមបំពេញពាក្យសន្យារបស់លោកដែលសន្យា ពេលលោកធ្វើយុទ្ធនាការស្វែងរកសំឡេងឆ្នោត។ នៅថ្ងៃទី២៣ ខែមករា លោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិដែលសំដៅដកអាមេរិកចេញពីកិច្ចព្រមព្រៀងពាណិជ្ជកម្មសេរីនៅតំបន់ប៉ាស៊ីហ្វិក។ យ៉ាងណាក្ដី បទបញ្ជានេះ មិនមានអំណាចអ្វីឡើយ ដ្បិតកិច្ចព្រមព្រៀងពាណិជ្ជកម្មនេះ ក៏មិនទាន់ត្រូវបានស្ថាប័ននីតិបញ្ញត្តិអាមេរិក ផ្ដល់សច្ចាប័នអ្វីដែរ។
សារព័ត៌មាន BBC ផ្សាយថា ពីសេតវិមាន លោកប្រធានាធិបតី ត្រាំ បានចាត់ទុកការដកសមាជិកភាពរបស់អាមេរិកពីកិច្ចព្រមព្រៀង TPP ជារឿងអស្ចារ្យសម្រាប់ប្រជាជនអាមេរិក នេះក៏ព្រោះតែកន្លងមក លោក មិនពេញចិត្តកិច្ចព្រមព្រៀងទាល់តែសោះ។ លោក ត្រាំ ក៏ធ្លាប់លើកឡើងថា កិច្ចព្រមព្រៀងនេះ ធ្វើឲ្យប្រជាជនអាមេរិកបាត់ការងារ ដ្បិតក្រុមហ៊ុនអាមេរិក នឹងងាកទៅបើករោងចក្រនៅតាមប្រទេសដទៃ ដែលមានតម្លៃពលកម្មទាបជាងតម្លៃនៅអាមេរិក។
កិច្ចព្រមព្រៀងភាពជាដៃគូអន្តរប៉ាស៊ីហ្វិក គឺជាផ្នែកមួយនៃគោលនយោបាយរបស់អតីតប្រធានាធិបតី បារ៉ាក់ អូបាម៉ា ក្នុងការពង្រឹងវត្តមានអាមេរិកនៅក្នុងតំបន់ប៉ាស៊ីហ្វិក។ កិច្ចព្រមពៀងនេះ ក៏មានគោលដៅបង្កើនទំនាក់ទំនងពាណិជ្ជកម្មរវាងប្រទេសសមាជិកទាំង១២ ក៏ដូចជាឈានទៅបង្កើតជាទីផ្សាររួមដូចនៅអឺរ៉ុបដែរ ជាពិសេសតាមរយៈការកាត់បន្ថយពន្ធតែម្ដង។
សម្ព័ន្ធមិត្តអាមរិកដូចជាសិង្ហបុរី និងជប៉ុន សុទ្ធតែបង្ហាញការព្រួយបារម្ភចំពោះការជំហរដកខ្លួនរបស់អាមេរិក។ ក្រុងតូក្យូ ហាក់ដូចជាចេញមុខមាត់ខ្លាំងជាងគេ ក្នុងការបញ្ចុះបញ្ចូលឲ្យលោក ត្រាំ បន្តឲ្យអាមេរិកនៅក្នុងកិច្ចព្រមព្រៀង TPP ទាំងដឹងថា ខ្លួនមិនអាចបញ្ចុះបញ្ចូលលោក ដូណាល់ ត្រាំ ឲ្យបន្ទន់ជំហរក៏ដោយ។ នេះក៏ព្រោះលោកបានបញ្ជាក់យ៉ាងច្បាស់ថា លោកប្រឹងប្រែងតម្កល់ប្រយោជន៍អាមេរិកជាធំ ដោយលោកមើលឃើញពាណិជ្ជកម្មសេរីជាការគំរាមកំហែងប្រយោជន៍អាមេរិកដដែល។
លើសពីនោះ សមាជិកខ្លះនៃកិច្ចព្រមព្រៀងនេះ ថែមទាំងចង់ឲ្យកិច្ចព្រមព្រៀងទៅមុខដោយគ្មានវត្តមានអាមេរិកផង ព្រោះសមាជិកទាំង១១ផ្សេងទៀតសុទ្ធតែមានគោលដៅក្នុងការធ្វើពាណិជ្ជកម្មសេរីដដែល។ ច្បាស់ណាស់ថា លោក ត្រាំ នៅតែការពារប្រយោជន៍សេដ្ឋកិច្ច និងពាណិជ្ជកម្មអាមេរិកក្នុងបរិបទអន្តរជាតិឲ្យបាន ហើយនេះគឺជាគោលនយោបាយចម្បងរបស់លោក ក្នុងការគៀងគរសំឡេងគាំទ្រពីប្រជាជនអាមេរិក៕
ប្រធានាធិបតីអាមេរិក ដូណាល់ ត្រាំ បានចាប់ផ្ដើមបំពេញពាក្យសន្យារបស់លោកដែលសន្យា ពេលលោកធ្វើយុទ្ធនាការស្វែងរកសំឡេងឆ្នោត។ នៅថ្ងៃទី២៣ ខែមករា លោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិដែលសំដៅដកអាមេរិកចេញពីកិច្ចព្រមព្រៀងពាណិជ្ជកម្មសេរីនៅតំបន់ប៉ាស៊ីហ្វិក។ យ៉ាងណាក្ដី បទបញ្ជានេះ មិនមានអំណាចអ្វីឡើយ ដ្បិតកិច្ចព្រមព្រៀងពាណិជ្ជកម្មនេះ ក៏មិនទាន់ត្រូវបានស្ថាប័ននីតិបញ្ញត្តិអាមេរិក ផ្ដល់សច្ចាប័នអ្វីដែរ។
សារព័ត៌មាន BBC ផ្សាយថា ពីសេតវិមាន លោកប្រធានាធិបតី ត្រាំ បានចាត់ទុកការដកសមាជិកភាពរបស់អាមេរិកពីកិច្ចព្រមព្រៀង TPP ជារឿងអស្ចារ្យសម្រាប់ប្រជាជនអាមេរិក នេះក៏ព្រោះតែកន្លងមក លោក មិនពេញចិត្តកិច្ចព្រមព្រៀងទាល់តែសោះ។ លោក ត្រាំ ក៏ធ្លាប់លើកឡើងថា កិច្ចព្រមព្រៀងនេះ ធ្វើឲ្យប្រជាជនអាមេរិកបាត់ការងារ ដ្បិតក្រុមហ៊ុនអាមេរិក នឹងងាកទៅបើករោងចក្រនៅតាមប្រទេសដទៃ ដែលមានតម្លៃពលកម្មទាបជាងតម្លៃនៅអាមេរិក។
កិច្ចព្រមព្រៀងភាពជាដៃគូអន្តរប៉ាស៊ីហ្វិក គឺជាផ្នែកមួយនៃគោលនយោបាយរបស់អតីតប្រធានាធិបតី បារ៉ាក់ អូបាម៉ា ក្នុងការពង្រឹងវត្តមានអាមេរិកនៅក្នុងតំបន់ប៉ាស៊ីហ្វិក។ កិច្ចព្រមពៀងនេះ ក៏មានគោលដៅបង្កើនទំនាក់ទំនងពាណិជ្ជកម្មរវាងប្រទេសសមាជិកទាំង១២ ក៏ដូចជាឈានទៅបង្កើតជាទីផ្សាររួមដូចនៅអឺរ៉ុបដែរ ជាពិសេសតាមរយៈការកាត់បន្ថយពន្ធតែម្ដង។
សម្ព័ន្ធមិត្តអាមរិកដូចជាសិង្ហបុរី និងជប៉ុន សុទ្ធតែបង្ហាញការព្រួយបារម្ភចំពោះការជំហរដកខ្លួនរបស់អាមេរិក។ ក្រុងតូក្យូ ហាក់ដូចជាចេញមុខមាត់ខ្លាំងជាងគេ ក្នុងការបញ្ចុះបញ្ចូលឲ្យលោក ត្រាំ បន្តឲ្យអាមេរិកនៅក្នុងកិច្ចព្រមព្រៀង TPP ទាំងដឹងថា ខ្លួនមិនអាចបញ្ចុះបញ្ចូលលោក ដូណាល់ ត្រាំ ឲ្យបន្ទន់ជំហរក៏ដោយ។ នេះក៏ព្រោះលោកបានបញ្ជាក់យ៉ាងច្បាស់ថា លោកប្រឹងប្រែងតម្កល់ប្រយោជន៍អាមេរិកជាធំ ដោយលោកមើលឃើញពាណិជ្ជកម្មសេរីជាការគំរាមកំហែងប្រយោជន៍អាមេរិកដដែល។
លើសពីនោះ សមាជិកខ្លះនៃកិច្ចព្រមព្រៀងនេះ ថែមទាំងចង់ឲ្យកិច្ចព្រមព្រៀងទៅមុខដោយគ្មានវត្តមានអាមេរិកផង ព្រោះសមាជិកទាំង១១ផ្សេងទៀតសុទ្ធតែមានគោលដៅក្នុងការធ្វើពាណិជ្ជកម្មសេរីដដែល។ ច្បាស់ណាស់ថា លោក ត្រាំ នៅតែការពារប្រយោជន៍សេដ្ឋកិច្ច និងពាណិជ្ជកម្មអាមេរិកក្នុងបរិបទអន្តរជាតិឲ្យបាន ហើយនេះគឺជាគោលនយោបាយចម្បងរបស់លោក ក្នុងការគៀងគរសំឡេងគាំទ្រពីប្រជាជនអាមេរិក៕
Tag:
ដូណាល់ ត្រាំ
TPP
ពាណិជ្ជកម្ម
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
