ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ជប៉ុនផ្តល់ថវិកាជាង២សែនដុល្លារឲ្យកម្ពុជាកែលម្អការថែទាំសុខភាព និងប្រព័ន្ធធារាសាស្ត្រ
13, Feb 2017 ,
10:59 pm
រូបភាព
×
ដោយ:
ភ្នំពេញ៖ រដ្ឋាភិបាលជប៉ុន តាមរយៈស្ថានទូតជប៉ុនប្រចាំកម្ពុជា បានយល់ព្រមផ្តល់ថវិកាចំនួន ២៤៧,៧៣៤ដុល្លារអាមេរិកឲ្យកម្ពុជាសម្រាប់គម្រោងកែលម្អការថែទាំសុខភាព និងប្រព័ន្ធធារាសាស្ត្រចំនួន ៣ ក្នុងខេត្តកំពង់ចាម កំពង់ធំ និងខេត្តពោធិ៍សាត់។
ជំនួយឧបត្ថម្ភឥតសំណងនេះ គឺជាគម្រោងទ្រង់ទ្រាយតូចសន្តិសុខមនុស្សជាតិជប៉ុនសម្រាប់កម្ពុជា។ គម្រោងទាំង៣ រួមមាន ទី១, គម្រោងបំពាក់ឧបករណ៍បរិក្ខាពេទ្យ នៅមន្ទីរពេទ្យបង្អែកចំការលើ ខេត្តកំពង់ចាម ចំណាយថវិកាចំនួន ៨២,១៨០ដុល្លារអាមេរិក ទី២, គម្រោងសាងសង់អគារផ្នែកសង្គ្រោះបន្ទាន់នៅមន្ទីរពេទ្យបង្អែកស្ទោង ខេត្តកំពង់ធំចំណាយថវិកាចំនួន ៨៣,១៧៥ដុល្លារអាមេរិក និងទី៣, គម្រោងស្តារប្រព័ន្ធធារាសាស្ត្របឹងកន្សែង ខេត្តពោធិ៍សាត់ដែលចំណាយថវិកាចំនួន ៨២,៣៧៩ដុល្លារអាមេរិក។
ឯកអគ្គរាជទូតវិសាមញ្ញ និងពេញសមត្ថភាពជប៉ុនប្រចាំកម្ពុជា លោក ហូរីណូអ៊ុជិ ហ៊ីដេហ៊ីសា បានថ្លែង ក្នុងពិធីចុះកិច្ចសន្យាផ្តល់ជំនួយនៅរសៀលថ្ងៃទី១៣ ខែកុម្ភៈនេះថា គម្រោងទី១ មានឧបករណ៍បរិក្ខារពេទ្យមួយឈុត រួមមាន ឧបករណ៍សម្រាប់វះកាត់ និងម៉ាស៊ីនធ្វើតេស្តឈាមមួយចំនួនដល់មន្ទីរពេទ្យ បង្អែកចំការលើ ខេត្តកំពង់ចាម។ លោកបានបញ្ជាក់ថា អ្នកជំងឺប្រមាណ ៦៦០នាក់ ក្នុងមួយឆ្នាំនឹងទទួលសេវាវះកាត់នៅមន្ទីរពេទ្យបង្អែកក្នុងគម្រោងទីមួយនេះ។
ដោយឡែកគម្រោងជំនួសទីពីរគឺ សាងសង់អគារផ្នែកសង្គ្រោះបន្ទាន់មួយខ្នង នៅមន្ទីរពេទ្យបង្អែកស្ទោង ខេត្តកំពង់ធំ។ លោកបានបន្តឲ្យដឹងថា អ្នកជម្ងឺប្រមាណ ៦៦០នាក់ និងអ្នកពិគ្រោះជម្ងឺក្រៅជាង ៣ពាន់នាក់ នឹងទទួលសេវាពិនិត្យ និងព្យាបាលជម្ងឺពួកគេក្នុងមួយឆ្នាំៗ ។
រីឯ គម្រោងទីបី គឺការស្តារប្រឡាយរងមួយខ្សែប្រវែង ២,៣១០ម៉ែត្រ រួមទាំងសង់សំណង់ក្បាលប្រឡាយរង ១កន្លែង និងសំណង់លូ៣កន្លែង ក្នុងប្រព័ន្ធធារាសាស្ត្របឹងកន្សែង នៅខេត្តពោធិ៍សាត់។ លោកឯក អគ្គរាជទូតជប៉ុន បានថ្លែងរំពឹងថា ប្រជាកសិករប្រមាណ ៣៣០០នាក់ នឹងទទួលទឹកគ្រប់គ្រាន់ សម្រាប់ ស្រោចស្រពដីស្រែ និងពង្រីកការដាំដុះរបស់ពួកគេតាមរយៈគម្រោងនេះ។
លោក ហូរីណូអ៊ុជិ ហ៊ីដេហ៊ីសា សង្ឃឹមថា អាជ្ញាធរពាក់ព័ន្ធក្នុងខេត្តទាំង៣ នឹងអនុវត្ត និងថែទាំគម្រោងទាំងបីខាងលើប្រកបដោយប្រសិទ្ធភាពយូរអង្វែង ដើម្បីបម្រើផលប្រយោជន៍ប្រជាជនកម្ពុជាកាន់តែច្រើន។ «ខ្ញុំសង្ឃឹមថា គម្រោងទាំងអស់នេះ នឹងជួយពង្រឹងជាបន្តទៀតនូវទំនាក់ទំនងមិត្តភាពដែលមាន ស្រាប់រួចមកហើយរវាងប្រជាជនជប៉ុន និងប្រជាជនកម្ពុជា»។ ឯកអគ្គរាជទូតជប៉ុនប្រចាំកម្ពុជា ថ្លែងបញ្ជាក់ជាភាសាខ្មែរចំពោះមុខអាជ្ញាធរខេត្តទាំងបីជាង ៥០នាក់ ដែលមានវត្តមានក្នុងពិធីចុះហត្ថលេខាទទួលជំនួយនៅរសៀលថ្ងៃទី១៣កុម្ភៈនេះ។
ប្រធានមន្ទីរសុខាភិបាល និងប្រធានមន្ទីរធនធានទឹកមកពីខេត្តទាំងបី បានថ្លែងអំណរគុណរដ្ឋាភិបាល ជប៉ុនដែលតែងផ្តល់ជំនួយសហប្រតិបត្តិការជប៉ុនដល់កម្ពុជា។ ពួកគេសុទ្ធតែបញ្ជាក់ថា ពួកគេនឹងអនុវត្ត និងថែទាំគម្រោងរបស់រដ្ឋាភិបាល និងប្រជាជនជប៉ុនឲ្យមានប្រសិទ្ធភាព និងប្រសិទ្ធផលយូរអង្វែង សម្រាប់ផលប្រយោជន៍ប្រជាជនកម្ពុជា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ហូរី ណូអ៊ុជិ ហ៊ីដេហ៊ីសា
គូសាណូណិ
ជប៉ុន
សុខភាព
ធារាសាស្ត្រ
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សម្ភារៈ, សម្ភារ» មួយណាត្រឹមត្រូវ?
1 សប្តាហ៍
តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) ដែលបានធ្វើរឿងមួយនេះ?
6 ថ្ងៃ
តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?
16 ម៉ោង
តើអ្វីជាសតិ ហើយអ្វីជាសម្បជញ្ញៈ?
7 ថ្ងៃ
ជាអ្នករើសអេតចាយ លោក អ៊ីវ សុខន ជំរុញកូនប្រុសទាំងបីឱ្យខំរត់ដើម្បីអនាគតភ្លឺស្វាង
ជីវព័ត៌មាន
5 ថ្ងៃ
អត្ថបទពេញនិយមបន្ថែម