ជាតិ
សេដ្ឋកិច្ច
ក្រសួងសាធារណការ ពិន័យរថយន្តដឹកលើសទម្ងន់ បានជាង៣៨៤លានរៀលក្នុងខែឧសភា ![រូបភាពពីហ្វេសប៊ុកក្រសួងសាធារណការ និងដឹកជញ្ជូន](https://image.thmeythmey.com/pictures/2017/06/10/ff.jpg)
រូបភាពពីហ្វេសប៊ុកក្រសួងសាធារណការ និងដឹកជញ្ជូន
×![]()
ក្រសួងសាធារណការ និងដឹកជញ្ជូន ចាប់បានរថយន្តដឹកទំនិញលើសទម្ងន់ចំនួន ១៤៧គ្រឿង និងពិន័យបានប្រាក់ជាង៣៨៤លានរៀល ស្មើនឹងជាង៩ម៉ឺន ៦ពាន់ដុល្លារ នៅក្នុងខែឧសភាកន្លងទៅ។
លេខាធិការដ្ឋាន របស់គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់ ចាប់បានរថយន្តដឹកទំនិញលើសទម្ងន់កម្រិតកំណត់ ចំនួន ១៤៩គ្រឿង នៅក្នុងខែឧសភាកន្លងទៅ។ នេះបើតាមហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូន ដែលបញ្ជាក់ទៀតថា លេខាធិការដ្ឋានទទួលបានប្រាក់ពិន័យពីរថយន្តល្មើសច្បាប់ទាំងនោះចំនួន ៣៨៤,៤៩០,០០០រៀល ស្មើនឹងប្រមាណ៩ម៉ឺន ៦ពាន់ដុល្លារ អាមេរិក។
បើតាមប្រភពដដែល ចំនួនរថយន្តដែលល្មើស និងចាប់បាននៅក្នុងខែឧសភា កើនឡើងចំនួន ៦៥ គ្រឿង ធៀបនឹងខែមេសា ឆ្នាំ២០១៧ ដែលចាប់បានតែ៨៤ គ្រឿង ។ ក្នុងចំណោមរថយន្តដែលចាប់បាននោះ ផ្ទុកលើសទម្ងន់ចាប់ពី ៤តោន រហូតដល់ ២៩តោន៕
Tag:
ពិន័យ
លើសទម្ងន់
ច្បាប់
© រក្សាសិទ្ធិដោយ thmeythmey.com