ពីនេះ ពីនោះ
ខ្លះមានខ្លាំង លោភខ្លាំង! ![](https://image.thmeythmey.com/pictures/2017/06/26/26620171802capture.jpg)
×![]()
កំណាព្យបទ បន្ទោលកាក
-ព្រួយមានលំដាប់ ថាតាមគេប្រាប់កុំខឹង
ស្មេរថាតាមដឹង ព្រោះថារឿងហ្នឹងមិនថ្មី។
-មិនមែនព្រួយខ្វះ ទ្រព្យសល់ច្រើនណាស់ផ្ទះដី
វីឡាឡានថ្មី ជាជនល្បី វីអាយភី។
-ក្រុមនេះច្រើនព្រួយ មានផ្ទះឡានមួយចង់ពីរ
ខំប្រឹងវក់វី ខ្លះហ៊ានរកស៊ីទុច្ចរិត។
-ខ្លះទៀតងប់ងុល ដល់ថ្នាក់ធ្វើជ្រុលខូចចិត្ត
ខ្លះគួរអាណិត ព្រោះនៅក្នុងចិត្តមិនស្ងប់។
-មិនព្រួយខ្វះទ្រព្យ លុយហូរចូលជាប់គ្រប់សព្វ
ក្រុមហ៊ុនបួនដប់ តែនៅមិនស្កប់ស្គាល់គ្រប់។
-ខ្លះមានហ៊ានខ្លាំង ធ្វើរឿងបិទបាំងភាំងងប់
ប្រើល្បិចល្បីគ្រប់ លោភលន់លើសលុបលួចជាតិ។
-ធ្វើចឹងបានអី មានហើយឈ្មោះល្បីនៅឆ្លៀត
គួរតែខ្មីឃ្មាត ចែកទ្រព្យជួយជាតិខ្លះទៅ?
© រក្សាសិទ្ធិដោយ thmeythmey.com