ជាតិ
ក្រសួងបរិស្ថាន នឹងរៀបចំការប្រកួតជ្រើសរើសយុវជនឆ្នើមថ្នាក់ជាតិ ជជែកពិភាក្សាអំពីបញ្ហាបរិស្ថានឆ្នាំ២០១៧
រូបភាពពីក្រសួងបរិស្ថាន ស្ដីពីការប្រកួតយុវជនឆ្នើម ឆ្នាំ២០១៦
×![]()
ភ្នំពេញ៖ ក្រសួងបរិស្ថាន នឹងរៀបចំការប្រកួតជ្រើសរើសយុវជនឆ្នើមថ្នាក់ជាតិ ជជែកពិភាក្សាអំពីបញ្ហាបរិស្ថានឆ្នាំ២០១៧។ ការប្រកួតជជែកពិភាក្សានេះ នឹងចាប់ផ្ដើមពីខែកក្កដា ដល់ខែតុលា ឆ្នាំ២០១៧។ នេះបើយោងតាមទំព័រហ្វេសប៊ុកផ្លូវការក្រសួងបរិស្ថាន។
ក្រសួងបរិស្ថាន តាមរយៈអគ្គនាយកដ្ឋានចំណេះដឹង និងព័ត៌មាន នឹងរៀបចំការប្រកួតជ្រើសរើសយុវជនឆ្នើមថ្នាក់ជាតិ ជជែកពិភាក្សាអំពីបញ្ហាបរិស្ថាន ឆ្នាំ២០១៧។ ការប្រកួតនេះ ក្រសួងបរិស្ថាន បានផ្ដល់ឱកាសដល់បណ្ដាសាកលវិទ្យាល័យរដ្ឋ និងឯកជន ទាំងអស់ ឲ្យចូលរួមក្នុងការប្រកួតជជែកពិភាក្សានេះ។
ការប្រកួតពិភាក្សានេះ រៀបចំឡើងដើម្បីពង្រឹងសមត្ថភាពរបស់យុវជនក្នុងការសិក្សាស្រាវជ្រាវអំណេះអំណាង តាមបែបវិទ្យាសាស្ត្រសំដៅរួមចំណែកដល់កិច្ចគាំពារបរិស្ថាន អភិរក្សធនធានធម្មជាតិ និងជីវៈចម្រុះ និងការអភិវឌ្ឍដោយចីរភាព។ ជាពិសេស ចែករំលែកព័ត៌មាន និងលទ្ធផលនៃការស្រាវជ្រាវរបស់និស្សិត ទៅជាសកម្មភាព និងប្រែក្លាយបញ្ហានានា អំពីបរិស្ថាន ឲ្យទៅជាការលានុវត្តភាពសម្រាប់អនុវត្តនយោបាយ ប្រកបដោយប្រសិទ្ធភាព។
សម្រាប់សាកលវិទ្យាល័យណា ដែលចាប់អារម្មណ៍ អាចចាត់បញ្ជូនតំណាងនិស្សិតដែលកំពុងសិក្សាកម្រិតបរិញ្ញាបត្ររង និងបរិញ្ញាបត្រ ចំនួន ៤រូប រួមទាំងសាស្ត្រាចារ្យ ១រូប ដើម្បីចូលរួមប្រកួតពិភាក្សាថ្នាក់ជាតិនេះ។ បេក្ខជនចូលរួមការប្រកួតនេះ ត្រូវភ្ជាប់ជាមួយលិខិតឧទ្ទេសនាម និងអត្ថបទស្រាវជ្រាវពីបញ្ហាបរិស្ថានក្នុងសហគមន៍របស់អ្នក ជាភាសាខ្មែរ ចំនួន ១ ឬ២ទំព័រ។ ដោយឡែក កាលបរិច្ឆេទដាក់ពាក្យ នឹងផុតកំណត់នៅថ្ងៃទី ១៤ ខែកក្កដា។
គួរបញ្ជាក់ថា ការប្រកួតនេះ នឹងចាប់ផ្ដើមពីខែកក្កដា រហូតដល់ខែតុលា ឆ្នាំ២០១៧ ដោយបែងចែកជា ០៤ ដំណាក់លកាល គឺវគ្គចម្រាញ់ វគ្គប្រកួតដំបូង វគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។ ជាមួយគ្នានេះ គណៈកម្មាការបច្ចេកទេស នឹងវាយតម្លៃអត្ថបទស្រាវជ្រាវដែលបានដាក់ពាក្យ ដើម្បីចម្រាញ់យកសាកលវិទ្យាល័យចំនួន ១៦ ចូលរួមប្រកួត៕
ក្រសួងបរិស្ថាន តាមរយៈអគ្គនាយកដ្ឋានចំណេះដឹង និងព័ត៌មាន នឹងរៀបចំការប្រកួតជ្រើសរើសយុវជនឆ្នើមថ្នាក់ជាតិ ជជែកពិភាក្សាអំពីបញ្ហាបរិស្ថាន ឆ្នាំ២០១៧។ ការប្រកួតនេះ ក្រសួងបរិស្ថាន បានផ្ដល់ឱកាសដល់បណ្ដាសាកលវិទ្យាល័យរដ្ឋ និងឯកជន ទាំងអស់ ឲ្យចូលរួមក្នុងការប្រកួតជជែកពិភាក្សានេះ។
ការប្រកួតពិភាក្សានេះ រៀបចំឡើងដើម្បីពង្រឹងសមត្ថភាពរបស់យុវជនក្នុងការសិក្សាស្រាវជ្រាវអំណេះអំណាង តាមបែបវិទ្យាសាស្ត្រសំដៅរួមចំណែកដល់កិច្ចគាំពារបរិស្ថាន អភិរក្សធនធានធម្មជាតិ និងជីវៈចម្រុះ និងការអភិវឌ្ឍដោយចីរភាព។ ជាពិសេស ចែករំលែកព័ត៌មាន និងលទ្ធផលនៃការស្រាវជ្រាវរបស់និស្សិត ទៅជាសកម្មភាព និងប្រែក្លាយបញ្ហានានា អំពីបរិស្ថាន ឲ្យទៅជាការលានុវត្តភាពសម្រាប់អនុវត្តនយោបាយ ប្រកបដោយប្រសិទ្ធភាព។
សម្រាប់សាកលវិទ្យាល័យណា ដែលចាប់អារម្មណ៍ អាចចាត់បញ្ជូនតំណាងនិស្សិតដែលកំពុងសិក្សាកម្រិតបរិញ្ញាបត្ររង និងបរិញ្ញាបត្រ ចំនួន ៤រូប រួមទាំងសាស្ត្រាចារ្យ ១រូប ដើម្បីចូលរួមប្រកួតពិភាក្សាថ្នាក់ជាតិនេះ។ បេក្ខជនចូលរួមការប្រកួតនេះ ត្រូវភ្ជាប់ជាមួយលិខិតឧទ្ទេសនាម និងអត្ថបទស្រាវជ្រាវពីបញ្ហាបរិស្ថានក្នុងសហគមន៍របស់អ្នក ជាភាសាខ្មែរ ចំនួន ១ ឬ២ទំព័រ។ ដោយឡែក កាលបរិច្ឆេទដាក់ពាក្យ នឹងផុតកំណត់នៅថ្ងៃទី ១៤ ខែកក្កដា។
គួរបញ្ជាក់ថា ការប្រកួតនេះ នឹងចាប់ផ្ដើមពីខែកក្កដា រហូតដល់ខែតុលា ឆ្នាំ២០១៧ ដោយបែងចែកជា ០៤ ដំណាក់លកាល គឺវគ្គចម្រាញ់ វគ្គប្រកួតដំបូង វគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។ ជាមួយគ្នានេះ គណៈកម្មាការបច្ចេកទេស នឹងវាយតម្លៃអត្ថបទស្រាវជ្រាវដែលបានដាក់ពាក្យ ដើម្បីចម្រាញ់យកសាកលវិទ្យាល័យចំនួន ១៦ ចូលរួមប្រកួត៕
Tag:
ក្រសួងបរិស្ថាន
ជជែកពិភាក្សាអំពីបញ្ហាបរិស្ថាន
© រក្សាសិទ្ធិដោយ thmeythmey.com
