អន្តរជាតិ
សមាជិកសភាតៃវ៉ាន់វាយគ្នាពេញអង្គប្រជុំ ដោយយកកៅអីនិងប៉េងប៉ោងដាក់ទឹកជាអាវុធ
×![]()
ដោយ: តន ចាន់រិទ្ធារ៉ា
សមាជិកសភាតៃវ៉ាន់ នៅថ្ងៃទី១៤ ខែកក្កដា បានប្រតាយប្រតប់គ្នាក្នុងកិច្ចប្រជុំពិភាក្សាលើគម្រោងសាងសង់ហេដ្ឋារចនាសម្ព័ន្ធក្នុងប្រទេស។ សមាជិកសភាមកពីបក្សកាន់អំណាចប្រជាធិបតេយ្យជឿនលឿន (DPP) បានប៉ះទង្គិចជាមួយបក្សប្រឆាំងគួមីងតាំង (KMT) និងបក្សប្រជាជនទីមួយ (PFP) ម្ដងរួចហើយនៅថ្ងៃទី១៣ ខែកក្កដា។ យ៉ាងណា នេះក៏មិនមែនជាលើកទីមួយឡើយ ដែលសភាតៃវ៉ាន់ក្លាយជាកន្លែងសង្វៀនវាយគ្នានោះ។
កៅអី និងប៉េងប៉ោងដាក់ទឹក បានក្លាយជាអាវុធរបស់សមាជិកសភាតៃវ៉ាន់ ដែលខ្វែងគំនិតគ្នាលើគម្រោងសាងសង់ហេដ្ឋារចនាសម្ព័ន្ធក្នុងស្រុក ដែលលើកឡើងដោយរដ្ឋាភិបាលប្រធានាធិបតី Tsai Ing-wen ។ ការពិភាក្សាលើគម្រោងនេះ ធ្វើឡើងដោយតានតឹងបំផុត ហើយក៏ឈានដល់ការប្រើប្រាស់អំពើហិង្សាចំនួនពីរថ្ងៃជាប់គ្នា រវាងសមាជិកសភាបក្សកាន់អំណាចប្រជាធិបតេយ្យជឿនលឿន និងបក្សប្រឆាំងចំនួនពីរទៀត។
ដើមហេតុដំបូង គឺសមាជិកសភាបក្ស DPP លោកស្រី Chiu Yi-ing បានប៉ះទង្គិចជាមួយសមាជិកសភាបក្ស KMT Hsu Shu-hua ក្នុងកិច្ចប្រជុំនៅថ្ងៃទី១៣ ខែកក្កដា ខណៈនាយករដ្ឋមន្ត្រី Lin Chuan កំពុងការពារគម្រោងរដ្ឋាភិបាល។ ការប្រតាយប្រតប់រវាងសមាជិកសភាទាំងពីរ ក៏បានបង្អាក់កិច្ចប្រជុំសភា។ មកដល់ថ្ងៃទី១៤ ខែកក្កដា នាយករដ្ឋមន្ត្រី Lin Chuan ក៏បានថ្លែងការពារគម្រោងរដ្ឋាភិបាលម្ដងទៀត តែអ្វីកើតឡើងលើកនេះ គឺការប្រតាយប្រតប់រវាងសមាជិកសភាទាំងអស់តែម្ដង។
សមាជិកសភាបក្ស KMT ដែលប្រឆាំងគម្រោងរដ្ឋាភិបាល បានលើកកៅអីដាក់លើក្បាលរបស់ពួកគេ ខណៈខ្លះទៀតឈរព័ទ្ធជុំវិញវេទិកានាយករដ្ឋមន្ត្រី ដើម្បីរារាំងនាយករដ្ឋមន្ត្រី Lin Chuan ពីការថ្លែងទៅកាន់សភា។ ជាមួយគ្នានោះ ប៉េងប៉ោងដាក់ទឹក ត្រូវបានគប់សំដៅលោក Lin និងបានបង្ខំឲ្យចាកចេញពីសភា ហើយកិច្ចប្រជុំសភាក៏ត្រូវផ្អាកម្ដងទៀត។ ចំណែកឯសមាជិកសភារបស់បក្សកាន់អំណាច និងបក្សប្រឆាំង ក៏បានបន្តការប្រទូស្តរាយទៀត។
បើតាមសារព័ត៌មាន CNN បក្សប្រឆាំង KMT ជំទាស់ផែនការរបស់លោកស្រី Tsai Ing-wen ព្រោះគម្រោងសាងសង់ហេដ្ឋរចនាសម្ព័ន្ធនេះផ្ដោតលើតំបន់ដែលគាំទ្របក្សកាន់អំណាច។ បក្សប្រឆាំងចោទបក្សកាន់អំណាចថាប្រើប្រាស់គម្រោងនេះដើម្បីទាក់ទាញការគាំទ្រសម្រាប់ការបោះឆ្នោតថ្នាក់តំបន់នៅឆ្នាំក្រោយ។ ក្រុមអ្នករិះគន់ ក៏បានចោទជាសំណួរពាក់ព័ន្ធនឹងការចំណាយដល់ទៅ១០ពាន់លានអឺរ៉ូសម្រាប់គម្រោងសាងសង់ផ្លូវរថភ្លើងធុនស្រាល និងរោងចក្រថាមពលបៃតងជាដើម។
ការប្រតាយប្រតប់ក្នុងកិច្ចប្រជុំសភា សឹងក្លាយជារឿងសាមញ្ញទៅហើយនៅតៃវ៉ាន់ ជាញឹកញយគេឃើញសមាជិកសភាបង្កហិង្សាដាក់គ្នាទៅវិញទៅមក ពេលមានការខ្វែងគំនិតគ្នាលើគម្រោងអ្វីមួយនោះ។ ជាជាងការជជែកដេញដោលរកហេតុផល ការប្រទូស្តរាយក៏ផ្ទុះឡើង ហើយក៏បានបង្កជារបួសស្នាម និងបង្អាក់ដំណើរការសភាទៀតផង៕
កៅអី និងប៉េងប៉ោងដាក់ទឹក បានក្លាយជាអាវុធរបស់សមាជិកសភាតៃវ៉ាន់ ដែលខ្វែងគំនិតគ្នាលើគម្រោងសាងសង់ហេដ្ឋារចនាសម្ព័ន្ធក្នុងស្រុក ដែលលើកឡើងដោយរដ្ឋាភិបាលប្រធានាធិបតី Tsai Ing-wen ។ ការពិភាក្សាលើគម្រោងនេះ ធ្វើឡើងដោយតានតឹងបំផុត ហើយក៏ឈានដល់ការប្រើប្រាស់អំពើហិង្សាចំនួនពីរថ្ងៃជាប់គ្នា រវាងសមាជិកសភាបក្សកាន់អំណាចប្រជាធិបតេយ្យជឿនលឿន និងបក្សប្រឆាំងចំនួនពីរទៀត។
ដើមហេតុដំបូង គឺសមាជិកសភាបក្ស DPP លោកស្រី Chiu Yi-ing បានប៉ះទង្គិចជាមួយសមាជិកសភាបក្ស KMT Hsu Shu-hua ក្នុងកិច្ចប្រជុំនៅថ្ងៃទី១៣ ខែកក្កដា ខណៈនាយករដ្ឋមន្ត្រី Lin Chuan កំពុងការពារគម្រោងរដ្ឋាភិបាល។ ការប្រតាយប្រតប់រវាងសមាជិកសភាទាំងពីរ ក៏បានបង្អាក់កិច្ចប្រជុំសភា។ មកដល់ថ្ងៃទី១៤ ខែកក្កដា នាយករដ្ឋមន្ត្រី Lin Chuan ក៏បានថ្លែងការពារគម្រោងរដ្ឋាភិបាលម្ដងទៀត តែអ្វីកើតឡើងលើកនេះ គឺការប្រតាយប្រតប់រវាងសមាជិកសភាទាំងអស់តែម្ដង។
សមាជិកសភាបក្ស KMT ដែលប្រឆាំងគម្រោងរដ្ឋាភិបាល បានលើកកៅអីដាក់លើក្បាលរបស់ពួកគេ ខណៈខ្លះទៀតឈរព័ទ្ធជុំវិញវេទិកានាយករដ្ឋមន្ត្រី ដើម្បីរារាំងនាយករដ្ឋមន្ត្រី Lin Chuan ពីការថ្លែងទៅកាន់សភា។ ជាមួយគ្នានោះ ប៉េងប៉ោងដាក់ទឹក ត្រូវបានគប់សំដៅលោក Lin និងបានបង្ខំឲ្យចាកចេញពីសភា ហើយកិច្ចប្រជុំសភាក៏ត្រូវផ្អាកម្ដងទៀត។ ចំណែកឯសមាជិកសភារបស់បក្សកាន់អំណាច និងបក្សប្រឆាំង ក៏បានបន្តការប្រទូស្តរាយទៀត។
បើតាមសារព័ត៌មាន CNN បក្សប្រឆាំង KMT ជំទាស់ផែនការរបស់លោកស្រី Tsai Ing-wen ព្រោះគម្រោងសាងសង់ហេដ្ឋរចនាសម្ព័ន្ធនេះផ្ដោតលើតំបន់ដែលគាំទ្របក្សកាន់អំណាច។ បក្សប្រឆាំងចោទបក្សកាន់អំណាចថាប្រើប្រាស់គម្រោងនេះដើម្បីទាក់ទាញការគាំទ្រសម្រាប់ការបោះឆ្នោតថ្នាក់តំបន់នៅឆ្នាំក្រោយ។ ក្រុមអ្នករិះគន់ ក៏បានចោទជាសំណួរពាក់ព័ន្ធនឹងការចំណាយដល់ទៅ១០ពាន់លានអឺរ៉ូសម្រាប់គម្រោងសាងសង់ផ្លូវរថភ្លើងធុនស្រាល និងរោងចក្រថាមពលបៃតងជាដើម។
ការប្រតាយប្រតប់ក្នុងកិច្ចប្រជុំសភា សឹងក្លាយជារឿងសាមញ្ញទៅហើយនៅតៃវ៉ាន់ ជាញឹកញយគេឃើញសមាជិកសភាបង្កហិង្សាដាក់គ្នាទៅវិញទៅមក ពេលមានការខ្វែងគំនិតគ្នាលើគម្រោងអ្វីមួយនោះ។ ជាជាងការជជែកដេញដោលរកហេតុផល ការប្រទូស្តរាយក៏ផ្ទុះឡើង ហើយក៏បានបង្កជារបួសស្នាម និងបង្អាក់ដំណើរការសភាទៀតផង៕
Tag:
តៃវ៉ាន់
© រក្សាសិទ្ធិដោយ thmeythmey.com
