អន្តរជាតិ
នៅដើមសតវត្សរ៍ទី២២ សីតុណ្ហភាពនៅអាស៊ីខាងត្បូងនឹងឡើងខ្ពស់រហូតសម្លាប់មនុស្សបាន
×![]()
សីតុណ្ហភាពក្នុងតំបន់អាស៊ីខាងត្បូងនឹងកើនឡើងខ្ពស់រហូតដល់ធ្វើឲ្យមនុស្សបាត់បង់ជីវិតបាននៅដើមសតវត្សរ៍ទី២២ ប្រសិនជាគ្មានចំណាត់ការទប់ស្កាត់ទេនោះ។ ម្យ៉ាងវិញទៀត ប្រជាជន៣០ភាគរយ នៅក្នុងតំបន់នឹងទទួលរងគ្រោះពីសីតុណ្ហភាពដ៏ក្ដៅនេះ បើគិតចាប់ពីពេលបច្ចុប្បន្នទៅ។
នៅថ្ងៃទី២ខែសីហា អ្នកស្រាវជ្រាវបានព្រមានថា នៅដើមសតវត្សរ៍ទី២២ ភាពក្ដៅហើយសើមដែលមានក្នុងសីតុណ្ហភាពតំបន់អាស៊ីខាងត្បូង នឹងកើនឡើងដល់កម្រិតមួយដែលបង្កឲ្យប្រជាជនបាត់បង់ជីវិតបាន ប្រសិនជាគ្មានចំណាត់ការទប់ស្កាត់ទាន់ពេលទេនោះ។
ការស្រាវជ្រាវបានបកស្រាយពីចំណាត់ការពីរដើម្បីទប់ស្កាត់កំណើនសីតុណ្ហភាពផងដែរ។ទី១ គឺការងារប្រចាំថ្ងៃ ដែលសំដៅលើការទប់ស្កាត់បម្រែបម្រួលសីតុណ្ហភាពតាមទិដ្ឋភាពជាក់ស្ដែង។ ឯទី២ គឺការកម្រិតកំណើនសីតុណ្ហភាពពិភពលោកទៅតាមកិច្ចព្រមព្រៀងបម្រែបម្រួលអាកាសធាតុទីក្រុងប៉ារីស ដែលប្រទេសជា១៩០ បានប្ដេជ្ញាចិត្តរួមក្នុងការចាត់វិធានការទប់ស្កាត់ការកើនឡើងកម្ដៅពិភពលោក។
ការសិក្សាផ្សាយក្នុងទស្សនាវដ្ដី Science Advance បានសរសេរដូច្នេះថា៖ «៣០ភាគរយនៃប្រជាជនតំបន់អាស៊ីខាងត្បូងនឹងរងគ្រោះដោយសារកំណើនសីតុណ្ហភាពខ្ពស់នៅដើមសតវត្សរ៍ទី២២»។ ទោះជាយ៉ាងណក្ដី តំបន់កសិកម្មមួយចំនួនក្នុងអាស៊ីខាងត្បូងអាចទ្រាំនឹងសីតុណ្ហភាពដ៏អាក្រក់នេះបាន ព្រោះប្រជាជនក្នុងតំបន់ទាំងនេះស៊ាំនឹងកម្ដៅក្ដៅទៅហើយ។
ក្នុងរបាយការណ៍បានសរសេរបន្ថែមទៀតថា រដូវកាលក្ដៅខ្លាំង នឹងកើតឡើងក្នុងអំឡុងពេលពីរទៅបីសតវត្សរ៍នេះ ហើយវានឹងវាយប្រហារឥណ្ឌា បាគីស្ថាន បង់ក្លាដែស ព្រមទាំងតំបន់ទន្លេ Indus និងទន្លេ Ganges ដែលជាកន្លែងផ្គត់ផ្គង់អាហារក្នុងតំបន់ផងដែរ។ ជាក់ស្ដែងកាលពីឆ្នាំ២០១៥ ប្រជាជនសរុបចំនួន ៣៥០០នាក់បានស្លាប់ដោយសារសីតុណ្ហភាពក្ដៅខ្លាំងនៅឥណ្ឌា និងបង់ក្លាដែស។
ទោះជាយ៉ាងនេះក្ដី ចំណាត់ការទី១និងទី២ខាងលើ គឺជាក្ដីសង្ឃឹមក្នុងការជួយកាត់បន្ថយកម្រិតនៃការរងគ្រោះរបស់ប្រជាជនក្នុងតំបន់។ សាស្ដ្រាចារ្យផ្នែកវិស្វកម្មបរិស្ថាននៃវិទ្យាស្ថានបច្ចេកវិទ្យា Massachusetts លោក Elfatih Eltahirhe បាននិយាយថា ចំណាត់ការទាំងពីរដែលលើកឡើងមានតម្លៃខ្លាំងណាស់ ព្រោះមិនត្រឹមតែអាចកាត់បន្ថយកម្ដៅនោះទេ ថែមទាំងជួយដល់សុខភាពសាធារណៈផង។ ដូច្នេះហើយ លោកសង្ឃឹមថាតំបន់ទាំងមូលនឹងអាចជៀសផុតពីការរងគ្រោះមិនខាន។
យ៉ាងណាមិញ នៅដើមសតវត្សរ៍ទី២២ សីតុណ្ហភាពនៅតែអាចកើនដល់៣១អង្សាសេដែលជាកម្រិតមួយគួរឲ្យព្រួយបារម្ភ ព្រោះជាធម្មតាសីតុណ្ហភាពអតិបរមាដែលអាចឲ្យមនុស្សរស់រានបានគឺ៣៥អង្សាសេប៉ុណ្ណោះ៕
នៅថ្ងៃទី២ខែសីហា អ្នកស្រាវជ្រាវបានព្រមានថា នៅដើមសតវត្សរ៍ទី២២ ភាពក្ដៅហើយសើមដែលមានក្នុងសីតុណ្ហភាពតំបន់អាស៊ីខាងត្បូង នឹងកើនឡើងដល់កម្រិតមួយដែលបង្កឲ្យប្រជាជនបាត់បង់ជីវិតបាន ប្រសិនជាគ្មានចំណាត់ការទប់ស្កាត់ទាន់ពេលទេនោះ។
ការស្រាវជ្រាវបានបកស្រាយពីចំណាត់ការពីរដើម្បីទប់ស្កាត់កំណើនសីតុណ្ហភាពផងដែរ។ទី១ គឺការងារប្រចាំថ្ងៃ ដែលសំដៅលើការទប់ស្កាត់បម្រែបម្រួលសីតុណ្ហភាពតាមទិដ្ឋភាពជាក់ស្ដែង។ ឯទី២ គឺការកម្រិតកំណើនសីតុណ្ហភាពពិភពលោកទៅតាមកិច្ចព្រមព្រៀងបម្រែបម្រួលអាកាសធាតុទីក្រុងប៉ារីស ដែលប្រទេសជា១៩០ បានប្ដេជ្ញាចិត្តរួមក្នុងការចាត់វិធានការទប់ស្កាត់ការកើនឡើងកម្ដៅពិភពលោក។
ការសិក្សាផ្សាយក្នុងទស្សនាវដ្ដី Science Advance បានសរសេរដូច្នេះថា៖ «៣០ភាគរយនៃប្រជាជនតំបន់អាស៊ីខាងត្បូងនឹងរងគ្រោះដោយសារកំណើនសីតុណ្ហភាពខ្ពស់នៅដើមសតវត្សរ៍ទី២២»។ ទោះជាយ៉ាងណក្ដី តំបន់កសិកម្មមួយចំនួនក្នុងអាស៊ីខាងត្បូងអាចទ្រាំនឹងសីតុណ្ហភាពដ៏អាក្រក់នេះបាន ព្រោះប្រជាជនក្នុងតំបន់ទាំងនេះស៊ាំនឹងកម្ដៅក្ដៅទៅហើយ។
ក្នុងរបាយការណ៍បានសរសេរបន្ថែមទៀតថា រដូវកាលក្ដៅខ្លាំង នឹងកើតឡើងក្នុងអំឡុងពេលពីរទៅបីសតវត្សរ៍នេះ ហើយវានឹងវាយប្រហារឥណ្ឌា បាគីស្ថាន បង់ក្លាដែស ព្រមទាំងតំបន់ទន្លេ Indus និងទន្លេ Ganges ដែលជាកន្លែងផ្គត់ផ្គង់អាហារក្នុងតំបន់ផងដែរ។ ជាក់ស្ដែងកាលពីឆ្នាំ២០១៥ ប្រជាជនសរុបចំនួន ៣៥០០នាក់បានស្លាប់ដោយសារសីតុណ្ហភាពក្ដៅខ្លាំងនៅឥណ្ឌា និងបង់ក្លាដែស។
ទោះជាយ៉ាងនេះក្ដី ចំណាត់ការទី១និងទី២ខាងលើ គឺជាក្ដីសង្ឃឹមក្នុងការជួយកាត់បន្ថយកម្រិតនៃការរងគ្រោះរបស់ប្រជាជនក្នុងតំបន់។ សាស្ដ្រាចារ្យផ្នែកវិស្វកម្មបរិស្ថាននៃវិទ្យាស្ថានបច្ចេកវិទ្យា Massachusetts លោក Elfatih Eltahirhe បាននិយាយថា ចំណាត់ការទាំងពីរដែលលើកឡើងមានតម្លៃខ្លាំងណាស់ ព្រោះមិនត្រឹមតែអាចកាត់បន្ថយកម្ដៅនោះទេ ថែមទាំងជួយដល់សុខភាពសាធារណៈផង។ ដូច្នេះហើយ លោកសង្ឃឹមថាតំបន់ទាំងមូលនឹងអាចជៀសផុតពីការរងគ្រោះមិនខាន។
យ៉ាងណាមិញ នៅដើមសតវត្សរ៍ទី២២ សីតុណ្ហភាពនៅតែអាចកើនដល់៣១អង្សាសេដែលជាកម្រិតមួយគួរឲ្យព្រួយបារម្ភ ព្រោះជាធម្មតាសីតុណ្ហភាពអតិបរមាដែលអាចឲ្យមនុស្សរស់រានបានគឺ៣៥អង្សាសេប៉ុណ្ណោះ៕
Tag:
ដើមសតវត្សរ៍ទី២២
សីតុណ្ហភាពក្ដៅ
បាត់បង់ជីវិត
© រក្សាសិទ្ធិដោយ thmeythmey.com
