បទយកការណ៍ / បទសម្ភាសន៍
ប្រធានសមាគមនិស្សិតCAM_ASEANវ័យ១៨ឆ្នាំ កំពុងវិនិយោគខ្លួនឯងឲ្យក្លាយជាមេដឹកនាំល្អ ![](https://image.thmeythmey.com/pictures/2017/08/06/6820171718front.jpg)
×![]()
លោក ជា សុដ្ឋារិទ្ធិ គឺជាយុវជនវ័យក្មេងមួយរូប ដែលបានក្លាយជាប្រធានសមាគមនិស្សិតនៃវិទ្យាស្ថានអន្តរជាតិកម្ពុជា (CAM_ASEAN) តាមរយៈការបោះឆ្នោតកាលពីខែមេសាកន្លងទៅ។ មានអាយុ១៨ឆ្នាំ ផង ជា សុដ្ឋារិទ្ធិ ក៏កំពុងរៀននៅថ្នាក់ទី១១ដែរ។ យុវជនរូបនេះ បញ្ជាក់ប្រាប់សារព័ត៌មានថ្មីៗថា គេសម្រេចឈរឈ្មោះឲ្យគេបោះឆ្នោតឲ្យ ព្រោះគេចង់វិនិយោគទាំងចំណេះដឹង និងភាពជាអ្នកដឹកនាំ នៅពេលខ្លួននៅក្មេង។ ការវិនិយោគនេះ នឹងក្លាយជាទុនដ៏រឹងមាំសម្រាប់គេទៅអនាគត ដែលចង់ក្លាយជាអ្នកជំនួញជោគជ័យមួយរូបនោះ។
ដ្បិតតែសុដ្ឋារិទ្ធិ បានអះអាងថាអាយុគ្រាន់តែជាតួលេខ ដែលមិនអាចយកមកកំណត់ពីចំណេះរបស់ខ្លួនក៏ដោយ ប៉ុន្តែរូបគេកំពុងប្រឈមនឹងបញ្ហាវ័យក្មេង ដែលបទពិសោធន៍នៅខ្ចីនេះឯង ខណៈនៅមានមនុស្សមួយចំនួននៅមិនទាន់ឲ្យតម្លៃលើសមត្ថភាពរបស់គេនោះ។ សុដ្ឋារិទ្ធិ បញ្ជាក់ដូច្នេះ៖«នេះគឺបញ្ហាមួយដែលធំជាងគេ ដែលខ្ញុំកំពុងជួបប្រទះសព្វថ្ងៃដោយសារតែមានមនុស្សមួយចំនួនតូច មិនទាន់ឲ្យតម្លៃទៅសមត្ថភាពអ្នកដែលមានអាយុតិចជាងខ្លួន។ អីចឹងគាត់តែងតែគិតថា យើងធ្វើអ្វីក៏ដោយ គំនិតយើងគឺនៅខ្ចីជានិច្ច។ គាត់មិនទាន់ជឿជាក់លើសមត្ថភាពរបស់យើង»។
ប៉ុន្តែបើទោះពិបាក ប៉ុន្តែ សុដ្ឋារិទ្ធិ ក៏នៅមានការតាំងចិត្តជំនះបញ្ហាទាំងអស់ និងអះអាងបន្ថែមទៀតថា តំណែងរបស់ខ្លួនបច្ចុប្បន្ន គឺកំពុងបង្រៀនគេឲ្យមានលំនឹងក្នុងជីវិត និងក្លាយជាអ្នកនាំល្អមួយរូបនៅថ្ងៃអនាគត ទោះក្នុងក្របខណ្ឌអ្វីក៏ដោយ។
ដើម្បីលម្អិត សូមអញ្ជើញស្តាប់បទសម្ភាសរវាង កញ្ញា ខន ចំប៉ា អ្នកកាសែតនៃសារព័ត៌មានថ្មីៗ និងយុវជន ជា សុដ្ឋារិទ្ធិ ដូតទៅ៖
Tag:
ជា សុដ្ឋារិទ្ធិ
CAM_ASEAN
© រក្សាសិទ្ធិដោយ thmeythmey.com