ជាតិ
×![]()
ភ្នំពេញ៖ ពលរដ្ឋមកពីស្រុកស្វាយជ្រុំ និងស្រុករមាសហែកខេត្តស្វាយរៀង បានដាក់ញត្តិជូនរដ្ឋសភាជាតិ ដើម្បីស្វែងរកដំណោះស្រាយទំនាស់ដីធ្លី ដែលពួកគេអះអាងថា ត្រូវបានឈ្មួញមានអំណាចរំលោភយក។ គណៈកម្មការទី១នៃរដ្ឋសភា បានទទួល និងកំពុងត្រួតពិនិត្យញត្តិតាមនិតិវិធី ប៉ុន្តែមិនទាន់អាចបញ្ជាក់ពីវិធានការដោះស្រាយនោះទេ។
អ្នកស្រី ខៀវ សារ៉ុន អាយុ៣៦ឆ្នាំ ជាតំណាងសហគមន៍សាមគ្គីរមាសហែក បានប្រាប់សារព័ត៌មានថ្មីៗ ថា ទំនាស់ដីធ្លីនេះ ដោយសារក្រុមហ៊ុនឥណ្ឌាមកទន្ទ្រានដីរបស់អ្នកភូមិ ដើម្បីធ្វើវិនិយោគលើដំណាំអំពៅតាំងពីឆ្នាំ២០១០មកម្ល៉េះ។ អ្នកស្រីថា កន្លងមក ប្រជាសហគមន៍បានដាក់ញត្តិទៅមេឃុំ ស្រុក-ខេត្ត ឲ្យជួយដោះស្រាយ។ ប៉ុន្តែ មិនមានដំណោះស្រាយឡើយ។ ផ្ទុយទៅវិញ អាជ្ញាធរបានមកគំរាមប្រជាសហគមន៍ទៀតផង។
អ្នកស្រីបញ្ជាក់យ៉ាងដូច្នេះថា៖«ខ្ញុំសូមឲ្យរដ្ឋសភាចុះមកស្រាវជ្រាវផ្ទាល់ ដើម្បីដឹងថា ពួកខ្ញុំរស់នៅវេទនាប៉ុណ្ណា»។
ទាក់ទនងនឹងញត្តិខាងលើនេះ លោក ឡេង ប៉េងឡុង អ្នកនាំពាក្យរដ្ឋសភាជាតិ បានមានប្រសាសន៍ថា រដ្ឋសភា បានទទួលញត្តិនេះរួចហើយ ហើយកំពុងត្រួតពិនិត្យទៅតាមនិតិវិធីដោយគណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភាព្រឹទ្ធសភា។
លោកបញ្ជាក់យ៉ាងដូច្នេះថា៖ «គណៈកម្មការទី១ បានទទួលញត្តិនេះរួចហើយ នឹងកំពុងត្រួតពិនិត្យតាមនិតិវិធី ប៉ុន្តែ វិធានណាយ៉ាងណានោះ ខ្ញុំមិនហ៊ានលួចដៃចូលកិច្ចការគណៈកម្មការទី១នោះទេ»។
ញត្តិពីរសន្លឹកដែលមានអ្នកផ្តិតមេដៃ៣រូប តំណាងឲ្យពលរដ្ឋ១៧៣៥គ្រួសារមកពីឃុំឈើទាល និងឃុំសំរោង ស្រុកស្វាយជ្រុំ និងឃុំអំពិលទុំ ឃុំអណ្តូងត្របែក ស្រុករមាសហែក បានសរសេរថា៖«ក្នុងពេលបច្ចុប្បន្ន ដីស្រែ ដីលំនៅស្ថានរបស់ពួកយើង កំពុងត្រូវបានទន្ទ្រាន និងរំលោភយកពីសំណាក់ឈ្មួញ និងមន្ត្រីមានអំណាច»។ នេះបើតាមញត្តិរបស់សហគមន៍ដែលបានផ្ញើជូនទៅរដ្ឋសភាជាតិ នៅថ្ងៃទី៧ ខែសីហា។
សហគមន៍ទាំង៣ខាងលើ បានស្នើឲ្យរដ្ឋសភាជួយចុះត្រួតពិនិត្យ និងសិក្សាស្រាវជ្រាវតំបន់ជម្លោះដោយផ្ទាល់ ជួយអន្តរាគមន៍ទៅអាជ្ញាធរឲ្យបញ្ឈប់ការប្តឹងពលរដ្ឋបន្តទៀត និង ជួយជំរុញរដ្ឋាភិបាលឲ្យកាត់ឆ្វៀលដី និងធ្វើប្លង់កម្មសិទ្ធិជូនពលរដ្ឋជាដើម។
ក្រៅពីរដ្ឋសភាជាតិ ប្រជាសហគមន៍ខាងលើ បានដាក់ញត្តិដដែលនេះ ទៅ២ស្ថាប័នទៀត ដែលរួមមាន៖ ទីស្តីការគណៈរដ្ឋមន្ត្រី និងក្រសួងរៀបចំដែនដី នគរូបនីយកម្ម និងសំណង់៕
អ្នកស្រី ខៀវ សារ៉ុន អាយុ៣៦ឆ្នាំ ជាតំណាងសហគមន៍សាមគ្គីរមាសហែក បានប្រាប់សារព័ត៌មានថ្មីៗ ថា ទំនាស់ដីធ្លីនេះ ដោយសារក្រុមហ៊ុនឥណ្ឌាមកទន្ទ្រានដីរបស់អ្នកភូមិ ដើម្បីធ្វើវិនិយោគលើដំណាំអំពៅតាំងពីឆ្នាំ២០១០មកម្ល៉េះ។ អ្នកស្រីថា កន្លងមក ប្រជាសហគមន៍បានដាក់ញត្តិទៅមេឃុំ ស្រុក-ខេត្ត ឲ្យជួយដោះស្រាយ។ ប៉ុន្តែ មិនមានដំណោះស្រាយឡើយ។ ផ្ទុយទៅវិញ អាជ្ញាធរបានមកគំរាមប្រជាសហគមន៍ទៀតផង។
អ្នកស្រីបញ្ជាក់យ៉ាងដូច្នេះថា៖«ខ្ញុំសូមឲ្យរដ្ឋសភាចុះមកស្រាវជ្រាវផ្ទាល់ ដើម្បីដឹងថា ពួកខ្ញុំរស់នៅវេទនាប៉ុណ្ណា»។
ទាក់ទនងនឹងញត្តិខាងលើនេះ លោក ឡេង ប៉េងឡុង អ្នកនាំពាក្យរដ្ឋសភាជាតិ បានមានប្រសាសន៍ថា រដ្ឋសភា បានទទួលញត្តិនេះរួចហើយ ហើយកំពុងត្រួតពិនិត្យទៅតាមនិតិវិធីដោយគណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភាព្រឹទ្ធសភា។
លោកបញ្ជាក់យ៉ាងដូច្នេះថា៖ «គណៈកម្មការទី១ បានទទួលញត្តិនេះរួចហើយ នឹងកំពុងត្រួតពិនិត្យតាមនិតិវិធី ប៉ុន្តែ វិធានណាយ៉ាងណានោះ ខ្ញុំមិនហ៊ានលួចដៃចូលកិច្ចការគណៈកម្មការទី១នោះទេ»។
ញត្តិពីរសន្លឹកដែលមានអ្នកផ្តិតមេដៃ៣រូប តំណាងឲ្យពលរដ្ឋ១៧៣៥គ្រួសារមកពីឃុំឈើទាល និងឃុំសំរោង ស្រុកស្វាយជ្រុំ និងឃុំអំពិលទុំ ឃុំអណ្តូងត្របែក ស្រុករមាសហែក បានសរសេរថា៖«ក្នុងពេលបច្ចុប្បន្ន ដីស្រែ ដីលំនៅស្ថានរបស់ពួកយើង កំពុងត្រូវបានទន្ទ្រាន និងរំលោភយកពីសំណាក់ឈ្មួញ និងមន្ត្រីមានអំណាច»។ នេះបើតាមញត្តិរបស់សហគមន៍ដែលបានផ្ញើជូនទៅរដ្ឋសភាជាតិ នៅថ្ងៃទី៧ ខែសីហា។
សហគមន៍ទាំង៣ខាងលើ បានស្នើឲ្យរដ្ឋសភាជួយចុះត្រួតពិនិត្យ និងសិក្សាស្រាវជ្រាវតំបន់ជម្លោះដោយផ្ទាល់ ជួយអន្តរាគមន៍ទៅអាជ្ញាធរឲ្យបញ្ឈប់ការប្តឹងពលរដ្ឋបន្តទៀត និង ជួយជំរុញរដ្ឋាភិបាលឲ្យកាត់ឆ្វៀលដី និងធ្វើប្លង់កម្មសិទ្ធិជូនពលរដ្ឋជាដើម។
ក្រៅពីរដ្ឋសភាជាតិ ប្រជាសហគមន៍ខាងលើ បានដាក់ញត្តិដដែលនេះ ទៅ២ស្ថាប័នទៀត ដែលរួមមាន៖ ទីស្តីការគណៈរដ្ឋមន្ត្រី និងក្រសួងរៀបចំដែនដី នគរូបនីយកម្ម និងសំណង់៕
Tag:
ដីធ្លី
ឡេង ប៉េងឡុង
© រក្សាសិទ្ធិដោយ thmeythmey.com
