ជាតិ
លោក Shinzo Abe រៀបចំខួបកំណើតជូនសម្តេច ហ៊ុន សែន។ រូបថត ហ្វេសប៊ុកសម្តេច ហ៊ុន សែន
×![]()
ដោយ: ថ្មីៗ
អំឡុងពេលនៃពិធីលៀងសាយភោជន៍នៅរសៀលថ្ងៃទី៧ ខែសីហា ក្នុងដំណើរទស្សនកិច្ចផ្លូវការលើកទី២១របស់សម្តេចនាយករដ្ឋមន្ត្រី ហ៊ុន សែន នៅប្រទេសជប៉ុន សមភាគីរបស់សម្តេច គឺលោក Shinzo Abe បានធ្វើរឿងមួយដ៏គួរឲ្យភ្ញាក់ផ្អើលសម្រាប់សម្តេច។ 
យោងតាមសំណេរនៅលើហ្វេសប៊ុករបស់សម្តេច ហ៊ុន សែន លោក Shinzo Abe បានរៀបចំការអបអរខួបកំណើតឈានចូលអាយុ៦៧ឆ្នាំ ជូនសម្តេច។ ក្រោយពីបុរសម្នាក់កាន់ខួបកំណើតដាក់លើតុរបស់សម្តេច លោក Abe បានដឹកនាំការច្រៀង «Happy Birthday to You» ជាមួយកាយវិការអមដោយបទចម្រៀងជូនពរ។
ក្រោយពីភ្លេងចប់ លោក Abe បានមានប្រសាសន៍ថា៖ «ជូនពរថ្ងៃខួបកំណើត សម្តេចតេជោ»។ សម្តេចក៏បានផ្លុំពន្លត់ភ្លើងទៀនក្រោមស្នូរទះដៃអបអរសាទរយ៉ាងកងរំពង ប្រកបដោយ បរិយាកាសស្និទ្ឋស្នាល និងរីករាយបំផុត។ នេះបើតាមការផ្សាយពីហ្វេសប៊ុករបស់សម្តេច ហ៊ុន សែន។
សម្តេចនាយករដ្ឋមន្ត្រី ហ៊ុន សែន បានឈានចូលអាយុ៦៧ឆ្នាំ កាលពីថ្ងៃទី៥ ខែសីហា។ ក្រៅពីនំខួបកំណើត លោក Abe ក៏បានជូនកាដូសម្រាប់វាយកូនគោល១ឈុតដល់ប្រមុខរដ្ឋាភិបាលកម្ពុជាផងដែរ។ សម្រាប់សម្តេច ហ៊ុន សែន នេះជាអនុស្សាវរីយ៍ដែលមិនអាចបំភ្លេចបាន៕
យោងតាមសំណេរនៅលើហ្វេសប៊ុករបស់សម្តេច ហ៊ុន សែន លោក Shinzo Abe បានរៀបចំការអបអរខួបកំណើតឈានចូលអាយុ៦៧ឆ្នាំ ជូនសម្តេច។ ក្រោយពីបុរសម្នាក់កាន់ខួបកំណើតដាក់លើតុរបស់សម្តេច លោក Abe បានដឹកនាំការច្រៀង «Happy Birthday to You» ជាមួយកាយវិការអមដោយបទចម្រៀងជូនពរ។
ក្រោយពីភ្លេងចប់ លោក Abe បានមានប្រសាសន៍ថា៖ «ជូនពរថ្ងៃខួបកំណើត សម្តេចតេជោ»។ សម្តេចក៏បានផ្លុំពន្លត់ភ្លើងទៀនក្រោមស្នូរទះដៃអបអរសាទរយ៉ាងកងរំពង ប្រកបដោយ បរិយាកាសស្និទ្ឋស្នាល និងរីករាយបំផុត។ នេះបើតាមការផ្សាយពីហ្វេសប៊ុករបស់សម្តេច ហ៊ុន សែន។
សម្តេចនាយករដ្ឋមន្ត្រី ហ៊ុន សែន បានឈានចូលអាយុ៦៧ឆ្នាំ កាលពីថ្ងៃទី៥ ខែសីហា។ ក្រៅពីនំខួបកំណើត លោក Abe ក៏បានជូនកាដូសម្រាប់វាយកូនគោល១ឈុតដល់ប្រមុខរដ្ឋាភិបាលកម្ពុជាផងដែរ។ សម្រាប់សម្តេច ហ៊ុន សែន នេះជាអនុស្សាវរីយ៍ដែលមិនអាចបំភ្លេចបាន៕
Tag:
សម្តេច ហ៊ុន សែន
Shinzo Abe
© រក្សាសិទ្ធិដោយ thmeythmey.com
