កីឡាជាតិ
ជាតិ
មនុស្សប្រមាណ២ពាន់នាក់ចូលរួមរត់ប្រណាំងដើម្បីបរិស្ថាននៅពហុកីឡដ្ឋានជាតិ ![](https://image.thmeythmey.com/pictures/2017/09/02/run.jpg)
×![]()
មន្ត្រីរាជការ សិស្សនិស្សិត និងមហាជនមកពីបណ្តាស្ថាប័នរដ្ឋ និងឯកជនប្រមាណជា២ពាន់នាក់បានចូលរួមរត់ប្រណាំងដើម្បីបរិស្ថាននៅពហុកីឡដ្ឋានជាតិនាព្រឹកថ្ងៃទី៣ ខែកញ្ញា។ ទិវានេះរៀបចំឡើងដោយក្រសួងបរិស្ថាន សហការជាមួយក្រសួងអប់រំយុវជន និងកីឡា និងមជ្ឈមណ្ឌលអូស្ត្រាលីសម្រាប់ការបណ្តុះបណ្តាល ACE។
យោងតាមសេចក្តីជូនដំណឹងរបស់ក្រសួងបរិស្ថាន«ទិវារត់ប្រណាំងដើម្បីបរិស្ថានប្រចាំឆ្នាំលើកទី២» ធ្វើឡើងក្នុងគោលបំណងដើម្បីលើកកំពស់ចំណេះផ្នែកបរិស្ថានឲ្យកាន់តែមានភាពល្អប្រសើរ។ ហើយថវិកាដែលបានមកពីការលក់សំបុត្រចូលរួមនឹងយកទៅទិញធុងសំរាម ដើម្បីចែកទៅតាមសាលាក្នុងរាជធានីភ្នំពេញ និងបណ្តាខេត្ត។
ទិវារត់ប្រណាំងដើម្បីបរិស្ថានឆ្នាំនេះ ទទួលបានអ្នកចូលរួមរត់ប្រមាណជា២ពាន់នាក់ ដោយម្នាក់ៗត្រូវបង់សិទ្ធចូលរួមចំនួន២ម៉ឺនរៀល។ ការរត់នឹងចាប់ផ្តើមពីម៉ោង៦:៣០នាទីព្រឹកថ្ងៃទី៣ ខែកញ្ញា នៅពហុកីឡដ្ឋានជាតិ៕
Tag:
ក្រសួងបរិស្ថាន
រត់ប្រណាំង
© រក្សាសិទ្ធិដោយ thmeythmey.com