ចាប់ខ្លួនជនជាតិចិន៥០នាក់ ពាក់ព័ន្ធនឹងការចាប់ជំរិតតាមប្រព័ន្ធអ៊ីនធឺណិត

ជាតិ

ចាប់ខ្លួនជនជាតិចិន៥០នាក់ ពាក់ព័ន្ធនឹងការចាប់ជំរិតតាមប្រព័ន្ធអ៊ីនធឺណិត

16, Sep 2017 , 4:39 pm

រូបភាព

រូបភាពពីអគ្គស្នងដ្ឋាននគរបាលជាតិ

ដោយ:

ភ្នំពេញ៖ កម្លាំងសមត្ថកិច្ចចម្រុះកម្ពុជា បានចាប់ខ្លួនជនជាតិចិន៥០នាក់ ពាក់ព័ន្ធនឹងការរស់នៅប្រទេសកម្ពុជាគ្មានលិខិតឆ្លងដែន និងប្រព្រឹត្តទង្វើចាប់ជំរិតតាមប្រព័ន្ធអ៊ីនធឺណិត។

កម្លាំងការិយាល័យគ្រប់គ្រងជនបរទេស នៃស្នងការដ្ឋាននគរបាលរាជធានីភ្នំពេញ ដែលសហការ ជាមួយអគ្គនាយកដ្ឋានអន្តោប្រវេសន៍ បានចាប់ខ្លួនជនជាតិចិនចំនួន៥០នាក់ ពាក់ព័ន្ធនឹងការលួចស្នាក់នៅដោយគ្មានលិខិតឆ្លងដែនក្នុងទឹកដីកម្ពុជា និងបានប្រព្រឹត្តទង្វើចាប់ជំរិតតាមប្រព័ន្ធអ៊ីនធឺណិត។ នេះបើគេហទំព័រអគ្គស្នងដ្ឋាននគរបាលជាតិ ចេញផ្សាយនៅថ្ងៃទី១៦ ខែកញ្ញា។

ការចាប់ខ្លួនជនជាតិចិនទាំងនេះ គឺបន្ទាប់ពីកម្លាំងនគរបាលកម្ពុជា ចុះត្រួតពិនិត្យជនបរទេសនៅទីតាំងចំនួន៣ផ្សេងៗគ្នា ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ បើតាមគេហទំព័រខាងលើ ជនជាតិចិន៥០នាក់ ក្នុងមាន ស្រី៥នាក់ ត្រូវបានបញ្ជូនទៅអគ្គនាយកដ្ឋានអន្តោប្រវេសន៍ ដើម្បីបន្តនីតិវិធី៕