ជាតិ
សម្តេច ហ៊ុន សែន នឹងទៅចូលរួមខួប៥០ឆ្នាំនៃការឡើងគ្រងរាជរបស់ស្តេចព្រុយណេ
សម្តេច ហ៊ុន សែន និងព្រះចៅស៊ុលតង់ព្រុយណេ ថត Selfie ជាមួយគ្នាកន្លងមក។ រូបថត bruneiroyals
×![]()
ភ្នំពេញ៖ សម្តេចនាយករដ្ឋមន្ត្រី ហ៊ុន សែន នឹងដឹកនាំគណៈប្រតិភូជាន់ខ្ពស់កម្ពុជា ចូលរួមពិធីខួបអនុស្សាវរីយ៍លើកទី៥០នៃការឡើងគ្រងរាជសម្បត្តិរបស់ព្រះចៅស៊ុលតង់ ហាជី ណាសាណាស់ បុលគីយ៉ាស់ របស់ប្រទេសព្រុយណេ ចាប់ពីថ្ងៃទី៥ដល់ថ្ងៃទី៧ ខែតុលា ឆ្នាំ២០១៧។
ដំណើររបស់ថ្នាក់ដឹកនាំកម្ពុជាទៅប្រទេសព្រុយណេ គឺតបតាមការអញ្ជើញរបស់ព្រះចៅ ស៊ុលតង់ ហាជី ហាសាណាស់ បុលគីយ៉ាស់ នាពេលកន្លងមក។ នេះបើតាមសេចក្តីប្រកាសរបស់ក្រសួងការបរទេសកម្ពុជា ដែលបានផ្សព្វផ្សាយនៅថ្ងៃទី២ ខែតុលានេះ។
បើតាមសេចក្តីប្រកាសខាងលើ ដំណើរទស្សនកិច្ចនេះ នឹងបញ្ជាក់ពីការប្តេជ្ញាចិត្តដ៏រឹងមាំរបស់ថ្នាក់ដឹកនាំកំពូលនៃប្រទេសទាំងពីរ ដែលជាការពង្រឹងកិច្ចសហប្រតិបត្តិការទ្វេភាគី និងពហុភាគីរវាងប្រទេសកម្ពុជា និងប្រទេសព្រុយណេ៕
ដំណើររបស់ថ្នាក់ដឹកនាំកម្ពុជាទៅប្រទេសព្រុយណេ គឺតបតាមការអញ្ជើញរបស់ព្រះចៅ ស៊ុលតង់ ហាជី ហាសាណាស់ បុលគីយ៉ាស់ នាពេលកន្លងមក។ នេះបើតាមសេចក្តីប្រកាសរបស់ក្រសួងការបរទេសកម្ពុជា ដែលបានផ្សព្វផ្សាយនៅថ្ងៃទី២ ខែតុលានេះ។
បើតាមសេចក្តីប្រកាសខាងលើ ដំណើរទស្សនកិច្ចនេះ នឹងបញ្ជាក់ពីការប្តេជ្ញាចិត្តដ៏រឹងមាំរបស់ថ្នាក់ដឹកនាំកំពូលនៃប្រទេសទាំងពីរ ដែលជាការពង្រឹងកិច្ចសហប្រតិបត្តិការទ្វេភាគី និងពហុភាគីរវាងប្រទេសកម្ពុជា និងប្រទេសព្រុយណេ៕
Tag:
ហ៊ុន សែន
ប្រ៊ុយណេ
© រក្សាសិទ្ធិដោយ thmeythmey.com
