បក្សចំនួន២២ ត្រូវបានរំលាយចោល

ជាតិ

បក្សចំនួន២២ ត្រូវបានរំលាយចោល

03, Oct 2017 , 8:39 am

រូបភាព

សម្តេច ស ខេង រដ្ឋមន្ត្រីក្រសួងមហាផ្ទៃ

ដោយ: ថ្មីៗ

ភ្នំពេញ៖ គណបក្សនយោបាយចំនួន២២ ត្រូវបានលុបឈ្មោះចេញពីបញ្ជីនៃក្រសួងមហាផ្ទៃ នៅថ្ងៃទី២ ខែតុលា ឆ្នាំ២0១៧នេះ។ ការលុបនេះ គឺធ្វើឡើងតាមរយៈសេចក្តីសម្រេច ដែលចុះហត្ថលេខាដោយសម្តេច ស ខេង រដ្ឋមន្ត្រីក្រសួងមហាផ្ទៃ។

បើផ្អែកលើសេចក្តីសម្រេចរបស់ក្រសួងមហាផ្ទៃ គណបក្សទាំង២២ ដែលត្រូវបានលុបចោល រួមមាន គណបក្សខ្មែរឯករាជ្យ គណបក្សខ្មែរអព្យាក្រឹត គណបក្សជាតិខ្មែរ គណបក្សប្រជាធិបតេយ្យ គណបក្សប្រជាធិបតេយ្យសេរីនិយមព្រះពុទ្ធសាសនា គណបក្សសេរីភាព គណបក្សសន្តិភាពប្រជាធិបតេយ្យ គណបក្សអភិវឌ្ឍន៍ គណបក្សសាធារណរដ្ឋប្រជាធិបតេយ្យខ្មែរ គណបក្សជំនាន់ថ្មី គណបក្សព្រះសិរអា្យមេត្រីយ៍ស្រីពោធិសត្វ គណបក្សសាធារណរដ្ឋខ្មែរ គណបក្សខ្មែរសាមគ្គី គណបក្សកម្ពុជាសេរីភាព គណបក្សខ្មែរដើម្បីខ្មែរ គណបក្សសំឡេងជាតិខ្មែរ គណបក្សកម្លាំងស្មារតីកុលបុត្រខ្មែរ គណបក្សអភិវឌ្ឍន៍ភូមិឃុំ គណបក្សខេមរៈពន្លឺជាតិ គណបក្សឥន្ទ្រប៉ាក់បូរី និងគណបក្សគ្រួសារខ្មែរ។

ក្រសួងមហាផ្ទៃ បញ្ជាក់ក្នុងសេចក្តីសម្រេចរបស់ខ្លួនថា ការលុបគណបក្សខាងលើចោល គឺធ្វើឡើងស្របតាមច្បាប់ស្តីពីគណបក្សនយោបាយ។

ក្នុងចំណោមគណបក្ស ដែលត្រូវបានរំលាយនោះ មានគណបក្សខ្លះ ធ្លាប់ទទួលបានចេញសេចក្តីជូនដំណឹង ពីក្រសួងមហាផ្ទៃ កាលពីប៉ុន្មានខែមុខ ដែលឲ្យសុំបំពេញកាតព្វកិច្ច ឲ្យបានត្រឹមត្រូវតាមច្បាប់ស្តីពីគណបក្សនយោបាយ។ ហើយក្រសួងមហាផ្ទៃ ក៏បានព្រមានចាត់វិធានការផងដែរ ប្រសិនបើគណបក្សទាំងនោះ មិនធ្វើតាមការស្នើសុំ ហើយនៅតែមានភាពខ្វះចន្លោះផ្លូវច្បាប់៕