ជាតិ
កូនសត្វក្រៀល ដែលកំពុងរងគ្រោះជិតផុតពូជចំនួន ៥០ក្បាល បានញាស់ចេញពីសំបុក
×![]()
ដោយ: ថ្មីៗ
ភ្នំពេញ៖ កូនសត្វក្រៀល ដែលជាប្រភេទសត្វងាយរងគ្រោះជាសាកលចំនួន៥០ក្បាល បានញាស់ចេញពីសំបុក នៅក្នុងតំបន់ខ្ពង់រាបភាគខាងជើងប្រទេសកម្ពុជា។ កូនសត្វក្រៀលដែលទើបញាស់ទាំងនេះ គឺបង្ហាញពីក្តីសង្ឃឹមនៃការអភិរក្សប្រភេទសត្វដ៏កម្រ កុំឲ្យបាត់បង់។
លោក សួង ច័ន្ទសុជាតិ អនុប្រធានមន្ទីបរិស្ថានខេត្តព្រះវិហារ បាននិយាយថា តំបន់ខ្ពង់រាបភាគខាងជើង គឺជាជម្រកពងកូនរបស់សត្វក្រៀល ធំជាងគេបំផុតនៅក្នុងប្រទេសកម្ពុជា។ លោក បានបន្ថែមថា ជោគជ័យនៃការការពារសំបុកសត្វក្រៀលសម្រាប់រយៈពេល៥ឆ្នាំចុងក្រោយនៅតំបន់នេះ បានចូលរួមសកម្មភាពយ៉ាងសំខាន់ដល់ការអភិរក្សប្រភេទសត្វដ៏កម្រមួយនេះ នៅក្នុងប្រទេសកម្ពុជា។ លោក សួង ច័ន្ទសុជាតិ បានបញ្ជាក់ដូច្នេះថា៖«ការថែរក្សានិងការការពារតំបន់ខ្ពង់រាបភាគខាងជើងនេះ ពិតជាសំខាន់ខ្លាំងណាស់ដើម្បីធានាដល់ការពងកូន និងការរស់រាននៃហ្វូងសត្វក្រៀលនៅក្នុងប្រទេសកម្ពុជា»។
អ្នកសម្របសម្រួលគម្រោងត្រួតពិនិត្យ និងតាមដានសត្វព្រៃរបស់អង្គការ WCS បាននិយាយថា តាមរយៈការចូលរួម និងគាំទ្រពីសំណាក់អ្នកភូមិ ក្រុមល្បាត និងក្រុមស្រាវជ្រាវ បានរកឃើញសំបុកសត្វក្រៀលចំនួន២៧សំបុក នៅក្នុងតំបន់ខ្ពង់រាបភាគខាងជើងនៅឆ្នាំនេះ ដោយក្នុងនោះសំបុកចំនួន១០នៅក្នុងដែនជម្រកអភិរក្សសត្វព្រៃឆែប និង១៧សំបុកទៀត នៅក្នុងដែនជម្រកសត្វព្រៃគូលែន ព្រហ្មទេព។
ក្រៀល គឺជាសត្វស្លាបមានកម្ពស់ខ្ពស់ជាងគេបង្អស់ រហូតដល់១,៦៥ម៉ែត្រ។ វាស្ថិតនៅក្នុងបញ្ជីក្រហមរបស់អង្គការ ICUN ជាប្រភេទងាយរងគ្រោះ ពីព្រោះចំនួនពួកវានៅលើសាកលលោកនៅតែបន្តធ្លាក់ចុះយ៉ាងខ្លាំង ដោយសារបាត់បង់ និងការថយចុះជម្រកដីសើម ការរំខានរបស់មនុស្ស និងផលប៉ះពាល់ពីការបំពុលផ្សេងៗ។ សត្វក្រៀលមានរស់នៅតែក្នុងប្រទេសអូស្ត្រាលី កម្ពុជា ឥណ្ឌា ឡាវ មីយ៉ាន់ម៉ា ប៉ាគីស្ថាន នេប៉ាល់ និងវៀតណាមប៉ុណ្ណោះ។ ហើយតួលេខនៃចំនួនសត្វក្រៀលនៅលើសាកលលោកមានចំនួន១០០០០ក្បាល ក្នុងនោះចំនួន៥០០ក្បាល មាននៅក្នុងប្រទេសកម្ពុជា។
សម្រាប់រយៈពេលប៉ុន្មានឆ្នាំកន្លងមកនេះ ចំនួនសត្វក្រៀលមានការធ្លាក់ចុះនៅទូទាំងប្រទេសកម្ពុជា។ តំបន់វាលស្មៅលិចទឹកនៅតាមរដូវនៅក្នុងតំបន់ខ្ពង់រាប ដែលជាជម្រកមួយនៃចំនួនជម្រកតិចតួចក្នុងប្រទេសកម្ពុជានោះ សត្វក្រៀលពងកូន កំពុងរងការគំរាមកំហែងដោយសារការផ្លាស់ប្ដូរតំបន់វាលស្មៅនេះ ទៅជាតំបន់វាលស្រូវជាដើម។ ការធ្វើជំរឿនក្នុងឆ្នាំ២០១៦ បានរកឃើញថា ចំនួនសត្វក្រៀលក្នុងប្រទេសកម្ពុជាធ្លាក់ចុះទាបនៅសល់ ៤៣៣ក្បាលប៉ុណ្ណោះ។
តំបន់ខ្ពង់រាបភាគខាងជើងប្រទេសកម្ពុជា មានប្រភេទព្រៃល្បោះ និងវាលស្មៅលិចទឹកតាមរដូវ ដែលផ្ដល់ជាទីជម្រកដ៏សំខាន់សម្រាប់ហ្វូងសត្វក្រៀលធ្វើសំបុក និងពងកូន។ អង្គការ WCS និងក្រសួងបរិស្ថាន ជួលសមាជិកសហគមន៍ឲ្យថែរក្សាសំបុកសត្វក្រៀល ដោយសារសត្វក្រៀលពងផ្ទាល់នឹងដី រងការគំរាមកំហែង និងការប្រមូលយកពងនិងសត្វដទៃស៊ីពងរបស់វាជាដើម៕
លោក សួង ច័ន្ទសុជាតិ អនុប្រធានមន្ទីបរិស្ថានខេត្តព្រះវិហារ បាននិយាយថា តំបន់ខ្ពង់រាបភាគខាងជើង គឺជាជម្រកពងកូនរបស់សត្វក្រៀល ធំជាងគេបំផុតនៅក្នុងប្រទេសកម្ពុជា។ លោក បានបន្ថែមថា ជោគជ័យនៃការការពារសំបុកសត្វក្រៀលសម្រាប់រយៈពេល៥ឆ្នាំចុងក្រោយនៅតំបន់នេះ បានចូលរួមសកម្មភាពយ៉ាងសំខាន់ដល់ការអភិរក្សប្រភេទសត្វដ៏កម្រមួយនេះ នៅក្នុងប្រទេសកម្ពុជា។ លោក សួង ច័ន្ទសុជាតិ បានបញ្ជាក់ដូច្នេះថា៖«ការថែរក្សានិងការការពារតំបន់ខ្ពង់រាបភាគខាងជើងនេះ ពិតជាសំខាន់ខ្លាំងណាស់ដើម្បីធានាដល់ការពងកូន និងការរស់រាននៃហ្វូងសត្វក្រៀលនៅក្នុងប្រទេសកម្ពុជា»។
អ្នកសម្របសម្រួលគម្រោងត្រួតពិនិត្យ និងតាមដានសត្វព្រៃរបស់អង្គការ WCS បាននិយាយថា តាមរយៈការចូលរួម និងគាំទ្រពីសំណាក់អ្នកភូមិ ក្រុមល្បាត និងក្រុមស្រាវជ្រាវ បានរកឃើញសំបុកសត្វក្រៀលចំនួន២៧សំបុក នៅក្នុងតំបន់ខ្ពង់រាបភាគខាងជើងនៅឆ្នាំនេះ ដោយក្នុងនោះសំបុកចំនួន១០នៅក្នុងដែនជម្រកអភិរក្សសត្វព្រៃឆែប និង១៧សំបុកទៀត នៅក្នុងដែនជម្រកសត្វព្រៃគូលែន ព្រហ្មទេព។
ក្រៀល គឺជាសត្វស្លាបមានកម្ពស់ខ្ពស់ជាងគេបង្អស់ រហូតដល់១,៦៥ម៉ែត្រ។ វាស្ថិតនៅក្នុងបញ្ជីក្រហមរបស់អង្គការ ICUN ជាប្រភេទងាយរងគ្រោះ ពីព្រោះចំនួនពួកវានៅលើសាកលលោកនៅតែបន្តធ្លាក់ចុះយ៉ាងខ្លាំង ដោយសារបាត់បង់ និងការថយចុះជម្រកដីសើម ការរំខានរបស់មនុស្ស និងផលប៉ះពាល់ពីការបំពុលផ្សេងៗ។ សត្វក្រៀលមានរស់នៅតែក្នុងប្រទេសអូស្ត្រាលី កម្ពុជា ឥណ្ឌា ឡាវ មីយ៉ាន់ម៉ា ប៉ាគីស្ថាន នេប៉ាល់ និងវៀតណាមប៉ុណ្ណោះ។ ហើយតួលេខនៃចំនួនសត្វក្រៀលនៅលើសាកលលោកមានចំនួន១០០០០ក្បាល ក្នុងនោះចំនួន៥០០ក្បាល មាននៅក្នុងប្រទេសកម្ពុជា។
សម្រាប់រយៈពេលប៉ុន្មានឆ្នាំកន្លងមកនេះ ចំនួនសត្វក្រៀលមានការធ្លាក់ចុះនៅទូទាំងប្រទេសកម្ពុជា។ តំបន់វាលស្មៅលិចទឹកនៅតាមរដូវនៅក្នុងតំបន់ខ្ពង់រាប ដែលជាជម្រកមួយនៃចំនួនជម្រកតិចតួចក្នុងប្រទេសកម្ពុជានោះ សត្វក្រៀលពងកូន កំពុងរងការគំរាមកំហែងដោយសារការផ្លាស់ប្ដូរតំបន់វាលស្មៅនេះ ទៅជាតំបន់វាលស្រូវជាដើម។ ការធ្វើជំរឿនក្នុងឆ្នាំ២០១៦ បានរកឃើញថា ចំនួនសត្វក្រៀលក្នុងប្រទេសកម្ពុជាធ្លាក់ចុះទាបនៅសល់ ៤៣៣ក្បាលប៉ុណ្ណោះ។
តំបន់ខ្ពង់រាបភាគខាងជើងប្រទេសកម្ពុជា មានប្រភេទព្រៃល្បោះ និងវាលស្មៅលិចទឹកតាមរដូវ ដែលផ្ដល់ជាទីជម្រកដ៏សំខាន់សម្រាប់ហ្វូងសត្វក្រៀលធ្វើសំបុក និងពងកូន។ អង្គការ WCS និងក្រសួងបរិស្ថាន ជួលសមាជិកសហគមន៍ឲ្យថែរក្សាសំបុកសត្វក្រៀល ដោយសារសត្វក្រៀលពងផ្ទាល់នឹងដី រងការគំរាមកំហែង និងការប្រមូលយកពងនិងសត្វដទៃស៊ីពងរបស់វាជាដើម៕
Tag:
សត្វក្រៀល
WCS
© រក្សាសិទ្ធិដោយ thmeythmey.com
