ជាតិ
សេដ្ឋកិច្ច
ជប៉ុន ផ្តល់ជំនួយជាង៣៥លានដុល្លារ សង់និងតភ្ជាប់ស្ពានបន្ទាន់ នៅខេត្តព្រៃវែង និងក្រចេះ
×![]()
រដ្ឋាភិបាលជប៉ុន បានផ្ដល់ជំនួយឥតសំណង ចំនួន៣៥លានដុល្លារអាមេរិកទៀតដល់កម្ពុជាដើម្បីជួយជំរុញការអភិវឌ្ឍសង្គម-សេដ្ឋកិច្ចរបស់កម្ពុជា។ ជំនួយឥតសំណងនេះ ដើម្បីអនុវត្តគម្រោង«សាងសង់ស្ពានបន្ទាន់ នៅតំបន់រងគ្រោះដោយសារទឹកជំនន់»។ គម្រោងនេះនឹងសាងសង់ និងតភ្ជាប់ស្ពានសរុបចំនួន៧ ក្នុងនោះស្ពានចំនួន២ ស្ថិតនៅបណ្ដោយផ្លូវជាតិលេខ១១ ក្នុងខេត្តព្រៃវែង និងស្ពាន៥ទៀត ស្ថិតនៅបណ្ដោយផ្លូវជាតិលេខ៧៣ ក្នុងខេត្តក្រចេះ។
គម្រោងនេះ មានបំណងធានាការដឹកជញ្ជូន និងឡូជីស្ទីកប្រកបដោយសុវត្ថិភាព រលូន និងស្ថិរភាពក្នុងតំបន់រងគ្រោះដោយសារទឹកជំនន់ តាមរយៈសាងសង់ស្ពានថ្មី ជំនួសឲ្យស្ពានបណ្ដោះអាសន្ន ដែលអាចចូលរួមចំណែកលុបបំបាត់ភាពងាយរងគ្រោះធម្មជាតិ ក្នុងតំបន់គោលដៅ។ រដ្ឋាភិបាលជប៉ុនរំពឹងថាគម្រោងនេះ នឹងលើកស្ទួយសេដ្ឋកិច្ច និងជីវភាពរបស់ពលរដ្ឋកម្ពុជា និងជួយពង្រឹងបន្ថែមទៀតនូវទំនាក់ទំនង និងកិច្ចសហប្រតិបត្តិការរវាងរដ្ឋាភិបាលកម្ពុជា និងរដ្ឋាភិបាលជប៉ុន។
នៅក្នុងពិធីចុះហត្ថលេខាលើប្តូរលិខិតសារស្តីពីកាផ្ដល់ជំនួយនេះជាមួយរដ្ឋមន្ត្រីក្រសួងការបរទេសកម្ពុជា នៅថ្ងៃទី៣ ខែតុលា លោក ហូរីណូអ៊ុជិ ហ៊ីដេហ៊ីសា ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំកម្ពុជា បានថ្លែងថា កម្ពុជាបានរងគ្រោះដោយសារទឹកជំនន់យ៉ាងធ្ងន់ធ្ងរចំនួន២ដងរួចហើយ គឺនៅឆ្នាំ២០១៣ និងឆ្នាំ២០១៦ ដែលធ្វើឲ្យប៉ះពាល់ដល់ប្រជាជនកម្ពុជាយ៉ាងច្រើនប្រមាណ១លាន ៧សែននាក់ ដែលបានបំផ្លាញហេដ្ឋារចនាសម្ព័ន្ធអស់ជាច្រើន។
បើតាម លោក ហូរីណូអ៊ុជិ ហ៊ីដេហ៊ីសា តាមរយៈគម្រោងនេះ នឹងសង់ និងតភ្ជាប់ស្ពានសរុបចំនួន៧ ក្នុងនោះស្ពាន២ នៅតាមបណ្ដោយផ្លូវជាតិលេខ១១ ក្នុងខេត្តព្រៃវែង និងស្ពានចំនួន៥ នៅតាមបណ្ដោយផ្លូវជាតិលេខ៧៣ ក្នុងខេត្តក្រចេះ ដើម្បីធានាដឹកជញ្ជូន និងឡូជីស្ទីកប្រកបដោយសុវត្ថិភាពរលូន និងស្ថិរភាព ក្នុងតំបន់រងគ្រោះដោយសារទឹកជំនន់។
លោក ប្រាក់ សុខុន បានថ្លែងថា ថវិកាជំនួយថី្មនេះ មិនត្រឹមតែសម្រួលឲ្យប្រជាជនធ្វើដំណើរប្រកបដោយសុវត្ថិភាពប៉ុណ្ណោះទេ តែវានឹងជួយបង្កើនសកម្មភាពសេដ្ឋកិច្ច ក៏ដូចជាជីវភាពរស់នៅរបស់ប្រជាជន ក្នុងតំបន់ងាយរងគ្រោះដោយទឹកជំនន់ផងដែរ។
សូមបញ្ជាក់ថា ចាប់ពីខែមេសា ឆ្នាំ២០១៧មក រដ្ឋាភិបាលជប៉ុន បានផ្តល់ជំនួយអភិវឌ្ឍន៍ ដល់រាជរដ្ឋាភិបាលកម្ពុជា សរុប ២៨ពាន់លានយ៉េន ស្មើនឹងប្រមាណ ២៤៩លានដុល្លារអាមេរិក។ ក្នុងនោះមានជំនួយឥតសំណងប្រមាណ ៤០លានដុល្លារ សម្រាប់អភិវឌ្ឍធនធានមនុស្ស និងអនុវត្តគម្រោងធ្វើឲ្យប្រសើរឡើងវិញប្រព័ន្ធការពារទឹកជំនន់ក្នុងរាជធានីភ្នំពេញ និងឥណទានសម្បទានប្រមាណ២០៩លានដុល្លារ សម្រាប់អភិវឌ្ឍចំណតផែកុងតឺន័រថ្មី នៅកំពង់ផែស្វយ័តក្រុងព្រះសីហនុ៕
គម្រោងនេះ មានបំណងធានាការដឹកជញ្ជូន និងឡូជីស្ទីកប្រកបដោយសុវត្ថិភាព រលូន និងស្ថិរភាពក្នុងតំបន់រងគ្រោះដោយសារទឹកជំនន់ តាមរយៈសាងសង់ស្ពានថ្មី ជំនួសឲ្យស្ពានបណ្ដោះអាសន្ន ដែលអាចចូលរួមចំណែកលុបបំបាត់ភាពងាយរងគ្រោះធម្មជាតិ ក្នុងតំបន់គោលដៅ។ រដ្ឋាភិបាលជប៉ុនរំពឹងថាគម្រោងនេះ នឹងលើកស្ទួយសេដ្ឋកិច្ច និងជីវភាពរបស់ពលរដ្ឋកម្ពុជា និងជួយពង្រឹងបន្ថែមទៀតនូវទំនាក់ទំនង និងកិច្ចសហប្រតិបត្តិការរវាងរដ្ឋាភិបាលកម្ពុជា និងរដ្ឋាភិបាលជប៉ុន។
នៅក្នុងពិធីចុះហត្ថលេខាលើប្តូរលិខិតសារស្តីពីកាផ្ដល់ជំនួយនេះជាមួយរដ្ឋមន្ត្រីក្រសួងការបរទេសកម្ពុជា នៅថ្ងៃទី៣ ខែតុលា លោក ហូរីណូអ៊ុជិ ហ៊ីដេហ៊ីសា ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំកម្ពុជា បានថ្លែងថា កម្ពុជាបានរងគ្រោះដោយសារទឹកជំនន់យ៉ាងធ្ងន់ធ្ងរចំនួន២ដងរួចហើយ គឺនៅឆ្នាំ២០១៣ និងឆ្នាំ២០១៦ ដែលធ្វើឲ្យប៉ះពាល់ដល់ប្រជាជនកម្ពុជាយ៉ាងច្រើនប្រមាណ១លាន ៧សែននាក់ ដែលបានបំផ្លាញហេដ្ឋារចនាសម្ព័ន្ធអស់ជាច្រើន។
បើតាម លោក ហូរីណូអ៊ុជិ ហ៊ីដេហ៊ីសា តាមរយៈគម្រោងនេះ នឹងសង់ និងតភ្ជាប់ស្ពានសរុបចំនួន៧ ក្នុងនោះស្ពាន២ នៅតាមបណ្ដោយផ្លូវជាតិលេខ១១ ក្នុងខេត្តព្រៃវែង និងស្ពានចំនួន៥ នៅតាមបណ្ដោយផ្លូវជាតិលេខ៧៣ ក្នុងខេត្តក្រចេះ ដើម្បីធានាដឹកជញ្ជូន និងឡូជីស្ទីកប្រកបដោយសុវត្ថិភាពរលូន និងស្ថិរភាព ក្នុងតំបន់រងគ្រោះដោយសារទឹកជំនន់។
លោក ប្រាក់ សុខុន បានថ្លែងថា ថវិកាជំនួយថី្មនេះ មិនត្រឹមតែសម្រួលឲ្យប្រជាជនធ្វើដំណើរប្រកបដោយសុវត្ថិភាពប៉ុណ្ណោះទេ តែវានឹងជួយបង្កើនសកម្មភាពសេដ្ឋកិច្ច ក៏ដូចជាជីវភាពរស់នៅរបស់ប្រជាជន ក្នុងតំបន់ងាយរងគ្រោះដោយទឹកជំនន់ផងដែរ។
សូមបញ្ជាក់ថា ចាប់ពីខែមេសា ឆ្នាំ២០១៧មក រដ្ឋាភិបាលជប៉ុន បានផ្តល់ជំនួយអភិវឌ្ឍន៍ ដល់រាជរដ្ឋាភិបាលកម្ពុជា សរុប ២៨ពាន់លានយ៉េន ស្មើនឹងប្រមាណ ២៤៩លានដុល្លារអាមេរិក។ ក្នុងនោះមានជំនួយឥតសំណងប្រមាណ ៤០លានដុល្លារ សម្រាប់អភិវឌ្ឍធនធានមនុស្ស និងអនុវត្តគម្រោងធ្វើឲ្យប្រសើរឡើងវិញប្រព័ន្ធការពារទឹកជំនន់ក្នុងរាជធានីភ្នំពេញ និងឥណទានសម្បទានប្រមាណ២០៩លានដុល្លារ សម្រាប់អភិវឌ្ឍចំណតផែកុងតឺន័រថ្មី នៅកំពង់ផែស្វយ័តក្រុងព្រះសីហនុ៕
Tag:
ជំនួយ
ជប៉ុន-កម្ពុជា
ប្រាក់ សុខុន
ហូរីណូអ៊ុជិ ហ៊ីដេហ៊ីសា
© រក្សាសិទ្ធិដោយ thmeythmey.com
