ស្ត្រីខ្មែរ១៦នាក់ ត្រូវបានសង្គ្រោះ និងបញ្ជូនពីម៉ាឡេស៊ី មកកម្ពុជាវិញ

ជាតិ

ស្ត្រីខ្មែរ១៦នាក់ ត្រូវបានសង្គ្រោះ និងបញ្ជូនពីម៉ាឡេស៊ី មកកម្ពុជាវិញ

03, Oct 2017 , 9:59 pm

រូបភាព

ដោយ:

ស្ថានឯកអគ្គរាជទូតកម្ពុជានៅប្រទេសម៉ាឡេស៊ី បានអន្តរាគមន៍ និងជួយសង្គ្រោះពលការិនីខ្មែរចំនួន១៦នាក់ និងបានរៀបចំធ្វើមាតុភូមិនិវត្ដន៍មកកម្ពុជាវិញ កាលពីថ្ងៃទី៣០ ខែកញ្ញា ឆ្នាំ២០១៧។

លោក ជុំ សុន្ទរី អ្នកនាំពាក្យក្រសួងការបរទេសកម្ពជា បានបញ្ជាក់តាមរយៈសេចក្តីជូនព័ត៌មានរបស់ក្រសួងនៅថ្ងៃទី៣ ខែតុលាថា ស្ត្រីខ្មែរទាំង១៦នាក់ដែលធ្វើការនៅប្រទេសម៉ាឡេស៊ី បានមកកម្ពុជាហើយ ដោយមានការពីការិយាល័យអន្តោប្រវេសន៍ម៉ាឡេស៊ី។

ក្នុងចំណោមនោះ មានស្ត្រី១២នាក់ ទៅម៉ាឡេស៊ី ដោយឆ្លងកាត់តាមប្រទេសថៃ ធ្វើការក្នុងរោងចក្រប្លាស្ទិក នៅរដ្ឋជូហូ ប្រទេសម៉ាឡេស៊ី តាមរយៈមេខ្យល់។ រីឯពលការិនី៣នាក់ ទៀតជាអ្នកបោសសំអាត ទៅតាមរយៈក្រុមហ៊ុន ហើយម្នាក់ទៀត ធ្វើការនៅតាមផ្ទះ ទៅតាមរយៈក្រុមហ៊ុន៕