កីឡាជាតិ
ជាតិ
ទៀត គឹមហេង រំពឹងបានលទ្ធផលល្អពីឥណ្ឌូណេស៊ីដើម្បីជាទុនទឹកចិត្តសម្រាប់ធ្វើម្ចាស់ផ្ទះ AFC U19
ប្រធានក្រុម U19 កម្ពុជាកីឡាករ ទៀត គឹមហេង និយាយពេលចូលរួមសន្និសីទសារព័ត៌មាននៅប្រទេសឥណ្ឌូណេស៊ី, រូបភាពពី FFC
×![]()
ក្រុមជម្រើសជាតិអាយុក្រោម១៩ឆ្នាំកម្ពុជាជួបប្រកួតមិត្តភាពអន្តរជាតិជាមួយ U19 ឥណ្ឌូណេស៊ីនាវេលាម៉ោង៦:៣០នាទីល្ងាច(ម៉ោងនៅកម្ពុជា)ថ្ងៃទី៤ ខែតុលា នៅកីឡដ្ឋាន Patriot Candrabaga Stadium ប្រទេសឥណ្ឌូណេស៊ី។ ប្រធានក្រុម U19 កម្ពុជាកីឡាករ ទៀត គឹមហេង ប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាពក្នុងការស្វែងរកជ័យជម្នះ ដើម្បីធ្វើជាកាដូលើកទឹកចិត្តមុនថ្ងៃធ្វើជាម្ចាស់ផ្ទះវគ្គជម្រុះ AFC U19 Championship 2018 ក្នុងពូល G នាចុងខែតុលាខាងមុខ។
ខ្សែបម្រើនិងជាប្រធានក្រុម U19 កម្ពុជាកីឡាករ ទៀត គឹមហេង បានចាត់ទុកជំនួបមិត្តភាពអន្តរជាតិជាមួយ U19 ឥណ្ឌូណេស៊ីជាការប្រកួតមួយដ៏សំខាន់ដើម្បីត្រៀមធ្វើជាម្ចាស់ផ្ទះវគ្គជម្រុះ AFC U19 Championship 2018 ប្រចាំពូល G ចន្លោះពីថ្ងៃទី២៤ ដល់ថ្ងៃទី២៨ ខែតុលា នៅពហុកីឡដ្ឋានជាតិខាងមុខនេះ។ ការចាត់ទុកបែបនេះដោយសារ គឹមហេង យល់ថា ជ័យជម្នះជាកាដូលើកទឹកចិត្ត និងជំរុញទឹកចិត្តកីឡាករឲ្យខិតខំប្រឹងប្រែងប្រកួតកាន់តែខ្លាំងថែមទៀត។
ទន្ទឹមនឹងការប្តេជ្ញាខិតខំប្រឹងប្រែងប្រកួតឲ្យអស់ពីសមត្ថភាពខ្សែមប្រើរូបនេះបានអះអាងថា ក្រុម U19 កម្ពុជាបានត្រៀមខ្លួនរួចជាស្រេចសម្រាប់ការតទល់ជាមួយក្រុមឥណ្ឌូណេស៊ីក្នុងជំនួបមិត្តភាពអន្តរជាតិមួយនេះ។ គឹមហេង រំពឹងថា U19 នឹងទទួលបានលទ្ធផលពីជំនួបដែលរូបគេចាត់ទុកជាការប្រកួតដ៏តានតឹង និងស្វិតស្វាញមួយនេះ។
ជាមួយគ្នានេះ លោក Ohara Kazunori គ្រូបង្វឹកក្រុម U19 កម្ពុជាក៏បានបង្ហាញពីការត្រៀមខ្លួនសម្រាប់ជំនួបមិត្តភាពនេះផងដែរ ដោយលោកអះអាងថា ក្រុមរបស់លោកបានត្រៀមយ៉ាងល្អក្នុងការតទល់ជាមួយក្រុម U19 ឥណ្ឌូណេស៊ី។ មិនខុសគ្នាពីកីឡាករ ទៀត គឹមហេង នោះទេ គ្រូបង្វឹកជនជាតិជប៉ុនរូបនេះបានចាត់ទុកជំនួបមិត្តភាពអន្តរជាតិនេះ ជាបទពិសោធមួយដ៏ល្អ ដើម្បីអភិវឌ្ឍន៍សមត្ថភាព U19 កម្ពុជា សម្រាប់ត្រៀមធ្វើជាម្ចាស់ផ្ទះវគ្គជម្រុះ AFC U19 នាពេលដ៏ខ្លីខាងមុខនេះ។
តែយ៉ាងណា លោក Kazunori បានបញ្ជាក់ថា ការប្រកួតមិត្តភាពនេះជាជំនួបមួយដ៏តានតឹងនិងស្វិតស្វាញបំផុតសម្រាប់កម្ពុជា ព្រោះ U19 ឥណ្ឌូណេស៊ីជាក្រុមខ្លាំងដែលមានទម្រង់លេងល្អ។ យ៉ាងណាក្តីលោកប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីធ្វើឲ្យជំនួបនេះក្លាយជាជំនួបមួយដ៏ជក់ចិត្តសម្រាប់អ្នកគាំទ្រ។
កីឡាករ U19 ទាំង២៣រូបរួមមាន៖ អ្នកចាំទី ហ៊ុល គឹមហ៊ុយ, គង់ ពីលត់ និង ជា វ៉ាន់សាក់, ខ្សែការពារ ឈឿង វិស៊ីនុ, ផុន តៃនិញ, លន ថេន, គឹម ឆៃយ៉ា, ផន អញ, ផាច សុជាវីឡា, រ័ត្ន ប៊ុននូ, និង សឿត ណារ៉ា, ខ្សែបម្រើ ទៀត គឹមហេង, ឡុង ម៉េងហាវ, ហេង ទីណា, ទូច គឹមឆាយ, ត្រាយ វិចិត្រ, សាន គឹមហេង, ថា ច័ន្ទឬទ្ធី និង ឃាង ម៉េងហួរ ខ្សែប្រយុទ្ធ សៀង ចន្ធា, សេត ម៉ាន់ស៊ូត, សៀន សុភត្រា, ទេស សម្បត្តិ៕
ខ្សែបម្រើនិងជាប្រធានក្រុម U19 កម្ពុជាកីឡាករ ទៀត គឹមហេង បានចាត់ទុកជំនួបមិត្តភាពអន្តរជាតិជាមួយ U19 ឥណ្ឌូណេស៊ីជាការប្រកួតមួយដ៏សំខាន់ដើម្បីត្រៀមធ្វើជាម្ចាស់ផ្ទះវគ្គជម្រុះ AFC U19 Championship 2018 ប្រចាំពូល G ចន្លោះពីថ្ងៃទី២៤ ដល់ថ្ងៃទី២៨ ខែតុលា នៅពហុកីឡដ្ឋានជាតិខាងមុខនេះ។ ការចាត់ទុកបែបនេះដោយសារ គឹមហេង យល់ថា ជ័យជម្នះជាកាដូលើកទឹកចិត្ត និងជំរុញទឹកចិត្តកីឡាករឲ្យខិតខំប្រឹងប្រែងប្រកួតកាន់តែខ្លាំងថែមទៀត។
ទន្ទឹមនឹងការប្តេជ្ញាខិតខំប្រឹងប្រែងប្រកួតឲ្យអស់ពីសមត្ថភាពខ្សែមប្រើរូបនេះបានអះអាងថា ក្រុម U19 កម្ពុជាបានត្រៀមខ្លួនរួចជាស្រេចសម្រាប់ការតទល់ជាមួយក្រុមឥណ្ឌូណេស៊ីក្នុងជំនួបមិត្តភាពអន្តរជាតិមួយនេះ។ គឹមហេង រំពឹងថា U19 នឹងទទួលបានលទ្ធផលពីជំនួបដែលរូបគេចាត់ទុកជាការប្រកួតដ៏តានតឹង និងស្វិតស្វាញមួយនេះ។
ជាមួយគ្នានេះ លោក Ohara Kazunori គ្រូបង្វឹកក្រុម U19 កម្ពុជាក៏បានបង្ហាញពីការត្រៀមខ្លួនសម្រាប់ជំនួបមិត្តភាពនេះផងដែរ ដោយលោកអះអាងថា ក្រុមរបស់លោកបានត្រៀមយ៉ាងល្អក្នុងការតទល់ជាមួយក្រុម U19 ឥណ្ឌូណេស៊ី។ មិនខុសគ្នាពីកីឡាករ ទៀត គឹមហេង នោះទេ គ្រូបង្វឹកជនជាតិជប៉ុនរូបនេះបានចាត់ទុកជំនួបមិត្តភាពអន្តរជាតិនេះ ជាបទពិសោធមួយដ៏ល្អ ដើម្បីអភិវឌ្ឍន៍សមត្ថភាព U19 កម្ពុជា សម្រាប់ត្រៀមធ្វើជាម្ចាស់ផ្ទះវគ្គជម្រុះ AFC U19 នាពេលដ៏ខ្លីខាងមុខនេះ។
តែយ៉ាងណា លោក Kazunori បានបញ្ជាក់ថា ការប្រកួតមិត្តភាពនេះជាជំនួបមួយដ៏តានតឹងនិងស្វិតស្វាញបំផុតសម្រាប់កម្ពុជា ព្រោះ U19 ឥណ្ឌូណេស៊ីជាក្រុមខ្លាំងដែលមានទម្រង់លេងល្អ។ យ៉ាងណាក្តីលោកប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីធ្វើឲ្យជំនួបនេះក្លាយជាជំនួបមួយដ៏ជក់ចិត្តសម្រាប់អ្នកគាំទ្រ។
កីឡាករ U19 ទាំង២៣រូបរួមមាន៖ អ្នកចាំទី ហ៊ុល គឹមហ៊ុយ, គង់ ពីលត់ និង ជា វ៉ាន់សាក់, ខ្សែការពារ ឈឿង វិស៊ីនុ, ផុន តៃនិញ, លន ថេន, គឹម ឆៃយ៉ា, ផន អញ, ផាច សុជាវីឡា, រ័ត្ន ប៊ុននូ, និង សឿត ណារ៉ា, ខ្សែបម្រើ ទៀត គឹមហេង, ឡុង ម៉េងហាវ, ហេង ទីណា, ទូច គឹមឆាយ, ត្រាយ វិចិត្រ, សាន គឹមហេង, ថា ច័ន្ទឬទ្ធី និង ឃាង ម៉េងហួរ ខ្សែប្រយុទ្ធ សៀង ចន្ធា, សេត ម៉ាន់ស៊ូត, សៀន សុភត្រា, ទេស សម្បត្តិ៕
Tag:
បាល់ទាត់
ទៀត គឹមហេង
Ohara Kazunori
© រក្សាសិទ្ធិដោយ thmeythmey.com
