កីឡាជាតិ
ជាតិ
ក្រុមជម្រើសជាតិ និង U19 កម្ពុជាត្រូវតទល់ជាមួយឥណ្ឌូណេស៊ីរៀងៗខ្លួនល្ងាចនេះ
លោក Kazunori និយាយក្នុងសន្និសីទសារព័ន្ធមានមុនការប្រកួតនៅឥណ្ឌូណេស៊ី, រូបភាពពីហ្វេសប៊ុក FFC
×![]()
ក្រុមជម្រើសជាតិឈុតធំ និងអាយុក្រោម១៩ឆ្នាំកម្ពុជាជួបប្រកួតមិត្តភាពអន្តរជាតិជាមួយក្រុមឥណ្ឌូណេស៊ីនាល្ងាចថ្ងៃទី៤ តុលានេះ នៅកីឡដ្ឋាន Patriot Candrabaga Stadium។ ការប្រកួតនេះធ្វើឡើងដើម្បីត្រៀមជួបម្ចាស់ផ្ទះវៀតណាមក្នុងវគ្គជម្រុះ AFC Asian Cup 2019 នៅថ្ងៃទី១០ ខែតុលា សម្រាប់ក្រុមជម្រើសជាតិ និងដើម្បីត្រៀមធ្វើជាម្ចាស់ផ្ទះវគ្គជម្រុះពូល G នៃព្រឹត្តិការណ៍ AFC U19 Championship 2018 សម្រាប់ក្រុម U19 កម្ពុជានាចុងខែតុលានេះ។
ក្រុមជម្រើសជាតិកម្ពុជាដែលដឹកនាំដោយលោក Leonardo Vitorino ត្រូវជួបប្រកួតមិត្តភាពអន្តរជាតិជាមួយក្រុមជម្រើសជាតិឥណ្ឌូណេស៊ីនាវេលាម៉ោង៩:៣០នាទីយប់(ម៉ោងកម្ពុជា)ថ្ងៃទី៤ ខែតុលានេះ នៅកីឡដ្ឋាន Patriot Candrabaga Stadium។ ការប្រកួតនេះធ្វើឡើងដើម្បីដកស្រង់បច្ចេកទេសសម្រាប់ក្រុមជម្រើសជាតិកម្ពុជាត្រៀមប្រកួតផ្លូវការក្នុងវគ្គជម្រុះ AFC Asian Cup 2019 ជាមួយវៀតណាមនៅថ្ងៃទី១០ ខែតុលា នៅកីឡដ្ឋាន My Dinh Stadium ទីក្រុងហូជីមិញ ប្រទេសវៀតណាម។
សម្រាប់ការប្រកួតមិត្តភាពអន្តរជាតិនៅពហុកីឡដ្ឋានជាតិកាលពីថ្ងៃទី៨ ខែមិថុនា ឆ្នាំ២០១៧ កន្លងទៅ ក្រុមជម្រើសជាតិកម្ពុជាបានប្រកួតចាញ់ក្រុមឥណ្ឌូណេស៊ីក្នុងលទ្ធផល ២-០។ បើពីប្រវត្តិតាំងពីឆ្នាំ១៩៩៥ ដល់ឆ្នាំ២០១៤ ក្រុមទាំងពីរធ្លាប់ជួបគ្នា១៤ដង ក្នុងនោះកម្ពុជាមិនដែលយកឈ្នះឥណ្ឌូណេស៊ីនោះទេ ពោលគឺបានត្រឹមតែស្មើ១ដងប៉ុណ្ណោះ។
នាការប្រកួតកីឡាស៊ីហ្គេមឆ្នាំ១៩៩៥ កម្ពុជាបានចាញ់ឥណ្ឌូណេស៊ីក្នុងលទ្ធផល ១០-០ មុនបន្តចាញ់ ៣-០ ក្នុងវគ្គជម្រុះ AFF Championship នៅឆ្នាំ១៩៩៦។ នៅឆ្នាំ១៩៩៧ ក្នុងវគ្គជម្រុះ FIFA World Cup កម្ពុជាបានចាញ់ឥណ្ឌូណេស៊ី ៨-០ ក្នុងជើងទី១ មុនស្មើ ១-១ ក្នុងជើងទី២។ នៅថ្ងៃទី៣១ ខែកក្កដា ឆ្នាំ១៩៩៩ កម្ពុជាបានចាញ់ឥណ្ឌូណេស៊ី ១-០ ក្នុងព្រឹត្តិការណ៍កីឡាស៊ីហ្គេម។ នាការប្រកួតវគ្គជម្រុះ AFC Asian Cup ឆ្នាំ១៩៩៩ កម្ពុជាបានចាញ់ឥណ្ឌូណេស៊ីក្នុងលទ្ធផល ៥-១ និង ៩-២។
ក្នុងវគ្គជម្រុះ FIFA World Cup 2001 ឥណ្ឌូណេស៊ីបានយកឈ្នះកម្ពុជា ៦-០ ក្នុងជើងទី១ និង ២-០ ក្នុងជើងទី២។ នៅឆ្នាំ២០០២ កម្ពុជាបានចាញ់ឥណ្ឌូណេស៊ី ៤-២ ក្នុងព្រឹត្តិការណ៍ AFF Championship ហើយបន្តចាញ់ ៨-០ នាប្រកួត AFF Championship 200៤។ នៅឆ្នាំ២០០៨ កម្ពុជាចាញ់ឥណ្ឌូណេស៊ី ៧-០ នាជំនួបមិត្តភាពអន្តរជាតិ មុនបន្តចាញ់ ៤-០ ក្នុងព្រឹត្តិការណ៍ AFF Championship ក្នុងឆ្នាំដដែល។ នៅថ្ងៃទី២៥ ខែកញ្ញា ឆ្នាំ២០១៤ កម្ពុជាបានចាញ់ឥណ្ឌូណេស៊ីក្នុងលទ្ធផល ១-០ ក្នុងជំនួបមិត្តភាពអន្តរជាតិ។
មុនជំនួបរវាងក្រុមជម្រើសជាតិឈុតធំទាំងពីរខាងលើ ក្រុម U19 កម្ពុជាត្រូវជួបប្រកួតមិត្តភាពអន្តរជាតិជាមួយក្រុម U19 ឥណ្ឌូណេស៊ីនាវេលាម៉ោង៦:៣០នាទីល្ងាច(ម៉ោងនៅកម្ពុជា)នៅកីឡដ្ឋាន Patriot Candrabaga Stadium នេះផងដែរ។ បើតាមប្រវត្តិជួបគ្នាក្នុងព្រឹត្តិការណ៍ AFF U19 Championship 2016 កម្ពុជាបានចាញ់ U19 ឥណ្ឌូណេស៊ីក្នុងលទ្ធផល ៤-៣។
នៅចុងខែតុលា ឆ្នាំ២០១៧ ខាងមុខ ក្រុមជម្រើសជាតិអាយុក្រោម១៩ឆ្នាំកម្ពុជានឹងធ្វើជាម្ចាស់ផ្ទះវគ្គជម្រុះពូលG នៃព្រឹត្តិការណ៍ AFC U19 Championship 2018។ ក្នុងនោះ U19 កម្ពុជាត្រូវទទួលក្រុមភ្ញៀវ U19 ចិន ក្នុងជំនួបបើកឆាកនាថ្ងៃទី២៤ ខែតុលា មុនស្វាគមន៍មីយ៉ាន់ម៉ា និងហ្វីលីពីនជាបន្តបន្ទាប់នៅថ្ងៃទី២៦ និងទី២៨ ខែតុលា ឆ្នាំ២០១៧ នៅពហុកីឡដ្ឋានជាតិ៕
ក្រុមជម្រើសជាតិកម្ពុជាដែលដឹកនាំដោយលោក Leonardo Vitorino ត្រូវជួបប្រកួតមិត្តភាពអន្តរជាតិជាមួយក្រុមជម្រើសជាតិឥណ្ឌូណេស៊ីនាវេលាម៉ោង៩:៣០នាទីយប់(ម៉ោងកម្ពុជា)ថ្ងៃទី៤ ខែតុលានេះ នៅកីឡដ្ឋាន Patriot Candrabaga Stadium។ ការប្រកួតនេះធ្វើឡើងដើម្បីដកស្រង់បច្ចេកទេសសម្រាប់ក្រុមជម្រើសជាតិកម្ពុជាត្រៀមប្រកួតផ្លូវការក្នុងវគ្គជម្រុះ AFC Asian Cup 2019 ជាមួយវៀតណាមនៅថ្ងៃទី១០ ខែតុលា នៅកីឡដ្ឋាន My Dinh Stadium ទីក្រុងហូជីមិញ ប្រទេសវៀតណាម។
សម្រាប់ការប្រកួតមិត្តភាពអន្តរជាតិនៅពហុកីឡដ្ឋានជាតិកាលពីថ្ងៃទី៨ ខែមិថុនា ឆ្នាំ២០១៧ កន្លងទៅ ក្រុមជម្រើសជាតិកម្ពុជាបានប្រកួតចាញ់ក្រុមឥណ្ឌូណេស៊ីក្នុងលទ្ធផល ២-០។ បើពីប្រវត្តិតាំងពីឆ្នាំ១៩៩៥ ដល់ឆ្នាំ២០១៤ ក្រុមទាំងពីរធ្លាប់ជួបគ្នា១៤ដង ក្នុងនោះកម្ពុជាមិនដែលយកឈ្នះឥណ្ឌូណេស៊ីនោះទេ ពោលគឺបានត្រឹមតែស្មើ១ដងប៉ុណ្ណោះ។
នាការប្រកួតកីឡាស៊ីហ្គេមឆ្នាំ១៩៩៥ កម្ពុជាបានចាញ់ឥណ្ឌូណេស៊ីក្នុងលទ្ធផល ១០-០ មុនបន្តចាញ់ ៣-០ ក្នុងវគ្គជម្រុះ AFF Championship នៅឆ្នាំ១៩៩៦។ នៅឆ្នាំ១៩៩៧ ក្នុងវគ្គជម្រុះ FIFA World Cup កម្ពុជាបានចាញ់ឥណ្ឌូណេស៊ី ៨-០ ក្នុងជើងទី១ មុនស្មើ ១-១ ក្នុងជើងទី២។ នៅថ្ងៃទី៣១ ខែកក្កដា ឆ្នាំ១៩៩៩ កម្ពុជាបានចាញ់ឥណ្ឌូណេស៊ី ១-០ ក្នុងព្រឹត្តិការណ៍កីឡាស៊ីហ្គេម។ នាការប្រកួតវគ្គជម្រុះ AFC Asian Cup ឆ្នាំ១៩៩៩ កម្ពុជាបានចាញ់ឥណ្ឌូណេស៊ីក្នុងលទ្ធផល ៥-១ និង ៩-២។
ក្នុងវគ្គជម្រុះ FIFA World Cup 2001 ឥណ្ឌូណេស៊ីបានយកឈ្នះកម្ពុជា ៦-០ ក្នុងជើងទី១ និង ២-០ ក្នុងជើងទី២។ នៅឆ្នាំ២០០២ កម្ពុជាបានចាញ់ឥណ្ឌូណេស៊ី ៤-២ ក្នុងព្រឹត្តិការណ៍ AFF Championship ហើយបន្តចាញ់ ៨-០ នាប្រកួត AFF Championship 200៤។ នៅឆ្នាំ២០០៨ កម្ពុជាចាញ់ឥណ្ឌូណេស៊ី ៧-០ នាជំនួបមិត្តភាពអន្តរជាតិ មុនបន្តចាញ់ ៤-០ ក្នុងព្រឹត្តិការណ៍ AFF Championship ក្នុងឆ្នាំដដែល។ នៅថ្ងៃទី២៥ ខែកញ្ញា ឆ្នាំ២០១៤ កម្ពុជាបានចាញ់ឥណ្ឌូណេស៊ីក្នុងលទ្ធផល ១-០ ក្នុងជំនួបមិត្តភាពអន្តរជាតិ។
មុនជំនួបរវាងក្រុមជម្រើសជាតិឈុតធំទាំងពីរខាងលើ ក្រុម U19 កម្ពុជាត្រូវជួបប្រកួតមិត្តភាពអន្តរជាតិជាមួយក្រុម U19 ឥណ្ឌូណេស៊ីនាវេលាម៉ោង៦:៣០នាទីល្ងាច(ម៉ោងនៅកម្ពុជា)នៅកីឡដ្ឋាន Patriot Candrabaga Stadium នេះផងដែរ។ បើតាមប្រវត្តិជួបគ្នាក្នុងព្រឹត្តិការណ៍ AFF U19 Championship 2016 កម្ពុជាបានចាញ់ U19 ឥណ្ឌូណេស៊ីក្នុងលទ្ធផល ៤-៣។
នៅចុងខែតុលា ឆ្នាំ២០១៧ ខាងមុខ ក្រុមជម្រើសជាតិអាយុក្រោម១៩ឆ្នាំកម្ពុជានឹងធ្វើជាម្ចាស់ផ្ទះវគ្គជម្រុះពូលG នៃព្រឹត្តិការណ៍ AFC U19 Championship 2018។ ក្នុងនោះ U19 កម្ពុជាត្រូវទទួលក្រុមភ្ញៀវ U19 ចិន ក្នុងជំនួបបើកឆាកនាថ្ងៃទី២៤ ខែតុលា មុនស្វាគមន៍មីយ៉ាន់ម៉ា និងហ្វីលីពីនជាបន្តបន្ទាប់នៅថ្ងៃទី២៦ និងទី២៨ ខែតុលា ឆ្នាំ២០១៧ នៅពហុកីឡដ្ឋានជាតិ៕
Tag:
បាល់ទាត់
U19 កម្ពុជា
ក្រុមជម្រើសជាតិ
© រក្សាសិទ្ធិដោយ thmeythmey.com
