លោកស្រី មូរ សុខហួរ ចាកចេញពីកម្ពុជា ក្រោយសម្តេច ព្រមានចាប់ខ្លួនបន្ថែមអ្នកពាក់ព័ន្ធករណីឯ.ឧ កឹម សុខា

ជាតិ

លោកស្រី មូរ សុខហួរ ចាកចេញពីកម្ពុជា ក្រោយសម្តេច ព្រមានចាប់ខ្លួនបន្ថែមអ្នកពាក់ព័ន្ធករណីឯ.ឧ កឹម សុខា

03, Oct 2017 , 5:55 pm

រូបភាព

ដោយ: ថ្មីៗ

អនុប្រធានគណបក្សសង្គ្រោះជាតិ លោកស្រី មូរ សុខហួរ បានចាកចេញពីកម្ពុជាហើយ នៅថ្ងៃទី ៣ ខែតុលា នេះ ។ លោកស្រី បានប្រាប់សារព័ត៌មាន Reuters យ៉ាងនេះថា «ស្ថានការណ៍នៅក្នុងប្រទេសកម្ពុជាបច្ចុប្បន្ន គ្រោះថ្នាក់ណាស់សម្រាប់មេដឹកនាំគណបក្សសង្គ្រោះជាតិ»។

កាលពីថ្ងៃទី ២ ខែតុលា សម្ដេចនាយករដ្ឋមន្ត្រី ហ៊ុន សែន បានព្រលយជាសាធារណៈថា ករណីឯកឧត្តម កឹម សុខា មិនមែនបញ្ចប់ត្រឹមការចាប់ខ្លួន ប្រធានគណបក្សសង្គ្រោះជាតិម្នាក់នោះទេ ពោលគឺអាចឈានទៅរកការចាប់ខ្លួនអ្នកពាក់ព័ន្ធមួយចំនួនទៀត។ នៅក្នុងពិធីសម្ពោធសណ្ឋាគារ និងរមណីយដ្ឋានសុខា សៀមរាប សម្ដេច ហ៊ុន សែន បញ្ជាក់ថា ករណីនេះ មានការរៀបចំជាប្រព័ន្ធ ដែលត្រូវតាមដាននឹងចាប់ខ្លួនបន្តទៀត។