រញ្ជួយដីកម្រិត៥.៤រិចទ័រវាយប្រហារភាគអាគ្នេយ៍នៃប្រទេសកូរ៉េខាងត្បូង

អន្តរជាតិ

រញ្ជួយដីកម្រិត៥.៤រិចទ័រវាយប្រហារភាគអាគ្នេយ៍នៃប្រទេសកូរ៉េខាងត្បូង

15, Nov 2017 , 5:20 pm

រូបភាព

សិស្សសាលានៅក្រុង Daegu បាននាំគ្នាចេញពីអាគារសិក្សាក្រោយមានការប្រកាសពីការរញ្ជួយដី ៥.៤រិចទ័រនៅភាគអាគ្នេយ៍។ រូបថត AFP

ដោយ: ធីតា

គ្រោះរញ្ជួយដីកម្រិត ៥.៤រិចទ័រ បានវាយប្រហារក្រុងឧស្សហកម្ម Pohang ដែលស្ថិតនៅភាគអាគ្នេយ៍ ប្រទេសកូរ៉េខាងត្បូង។ បើតាមការផ្សាយរបស់ AFP គ្រោះធម្មជាតិបានកើតឡើងកាលពីវេលាម៉ោង ២និង៣០នាទីរសៀល ថ្ងៃពុធ ទី១៥ ខែវិច្ឆិកានេះ។

របាយការណ៍បឋមរបស់រដ្ឋបាលឧតុនិយមកូរ៉េខាងត្បូង បានបង្ហាញថា មនុស្សយ៉ាងហោចណាស់៧នាក់បានរងរបួស។ លោកប្រធានាធិបតី Moon Jae-In បានបញ្ជាមន្ត្រីជំនាញរៀបចំកិច្ចប្រជុំជាបន្ទាន់ដើម្បីដោះស្រាយបញ្ហានៅតំបន់ដែលកំពុងជួបគ្រោះថ្នាក់។

កម្លាំងរញ្ជួយក៏បានយាយីដល់ផ្នែកខ្លះនៃក្រុងសេអ៊ូលផងដែរ ដែលធ្វើឲ្យអាជីវកម្មមួយចំនួនបើកទ្វារយឺត ហើយជើងយន្តហោះភាគច្រើន បានពន្យាពេល៣០នាទី៕