ចម្លាក់នៅជញ្ជាំងប្រាសាទបាយ័នបានបង្ហាញពីវត្តមានក្រពើជិតពូជក្នុងធម្មជាតិ

ពីនេះ ពីនោះ

ចម្លាក់នៅជញ្ជាំងប្រាសាទបាយ័នបានបង្ហាញពីវត្តមានក្រពើជិតពូជក្នុងធម្មជាតិ

29, Nov 2017 , 3:22 pm

រូបភាព

ដោយ: ថ្មីៗ

ចម្លាក់បុរាណសិ្ថតនៅថែវខាងលិច នៃប្រាសាទបាយ័ន សាងសង់ឡើងក្នុងរជ្ជកាលនៃព្រះរាជាដ៏ល្បីល្បាញ គឺព្រះបាទជ័យវរ្ម័នទី៧ នាចុងសតវត្យរ៍ទី១២ និងដើមសតវត្យរ៍ទី១៣ បានបង្ហាញពីវត្តមានក្រពើទឹកសាប Siamese crocodile (Crocodylus siamensis) ក្នុងបឹងទន្លេសាប។

ក្រពើទឹកសាបប្រភេទនេះ មានរស់នៅក្នុងប្រទេសឥណ្ឌូនេស៊ី ប្រុយណេ ម៉ាឡេស៊ីខាងកើត កម្ពុជា ឡាវ ភូមា ថៃ និង វៀតណាមផងដែរ។ កាលពីឆ្នាំ១៩៩២ អ្នកវិទ្យាសាស្ត្ររកឃើញថា វាស្ទើរតែជិតផុតពូជអស់ទៅហើយនៅក្នុងធម្មជាតិ ពោលគឺគេអាចឃើញមានតែនៅក្នុងកសិដ្ឋានចិញ្ចឹមក្រពើប៉ុណ្ណោះ។ ក្រោមមក ក្នុងឆ្នាំ ១៩៩៦ វាត្រូវបានគេកត់ត្រាចូលក្នុងបញ្ជីរក្រហម (IUCN Red List status of ‘Critically Endangered) ជាប្រភេទសត្វក្រពើដែលប្រឈមធ្ងន់ធ្ងរ និងឈានទៅរកការផុតពូជពីធម្មជាតិ។ យោងតាមការសិក្សាជាច្រើនកាលពីឆ្នាំ២០០០ បានបង្ហាញថា ស្ថានភាពប្រឈមរបស់ក្រពើនៅក្នុងធម្មជាតិគឺនៅរក្សាដដែល។ ការបរបាញ់ដើម្បីយកស្បែក យកសាច់លក់ ការចាប់កូនក្រពើដែលទើបនឹងញ៉ាស់យកទៅចិញ្ចឹមក្នុងកសិដ្ឋាន ការប្រម៉ាញ់ស៊ុតតាមកន្លែងដែលក្រពើពងក្នុងធម្មជាតិ ការបាត់ទីជម្រក និងបញ្ហាការផ្លាស់ប្តូរអាកាសធាតុ សុទ្ធតែជាបញ្ហាដែលនាំឲ្យមានការធ្លាក់ចុះនូវចំនួនក្រពើក្នុងធម្មជាតិនេះ។