កីឡាជាតិ
ជាតិ
អត្តពលិកចំបាប់បោះជំរំហ្វឹកហាត់នៅកូរ៉េដើម្បីពង្រឹងសមត្ថភាពត្រៀមកីឡាអាស៊ីនិងស៊ីហ្គេម
×![]()
ក្រុមអត្តពលិកកីឡាចំបាប់កម្ពុជាចំនួន៩រូបបាននិងកំពុងបោះជំរំហ្វឹកហាត់នៅក្នុងមជ្ឈមណ្ឌលកីឡានៃសាធារណៈរដ្ឋកូរ៉េ ដើម្បីពង្រឹងសមត្ថភាពឆ្ពោះទៅកាន់ការប្រកួតកីឡាអាស៊ី និងការប្រកួតស៊ីហ្គេមឆ្នាំ២០២៣។ ការបោះជំរំហ្វឹកហាត់រយៈពេល១២ថ្ងៃនេះ ក្រោមការដឹកនាំរបស់លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា និងគ្រូបង្វឹកកូរ៉េ Kim Soogil។
កីឡាករ អេង ផានិត, ឆាំ ពិស៊ិន, ហេង វុទ្ធី, សឿន សុភាស់, ជុន ធួន កីឡាការិនី ឌន ស្រស់, អេង សេលាង, ឌិត សំណាង និងកីឡាការិនី ជា កញ្ញា បាននិងកំពងុបោះជំរំហ្វឹកហាត់នៅប្រទេសកូរ៉េខាងត្បូង ដើម្បីពង្រឹងបច្ចេកទេស សមត្ថភាព សម្រាប់ត្រៀមចូលរួមប្រកួតជើងឯកអាស៊ីនៅឥណ្ឌូណេស៊ីឆ្នាំ២០១៨ និងការប្រកួតកីឡាស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
«ការទៅបោះជំរុំហ្វឹកហាត់នៅកូរ៉េ វាចំណេញច្រើនទៅដល់ការពង្រឹងគុណភាពអត្តពលិកវ័យក្មេងរបស់យើង ព្រោះក្នុងការបោះជំរុំ១២ថ្ងៃនេះយើងហ្វឹកហាត់ជាមួយគេផង និងប្រកួតធ្វើតេស្តដកស្រង់បទពិសោធជាមួយគេផង»។ នេះជាការលើកឡើងរបស់លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា និងប្រធានប្រតិភូដឹកនាំ ហើយលោកបានបន្ថែមថា៖«នេះជាការទៅបោះជំរំរយៈពេលខ្លីទេ ប៉ុន្តែបន្ទាប់ពីការបោះជំរំនេះយើងនឹងសុំភាគីកូរ៉េ ដើម្បីឲ្យអត្តពលិកយើងហ្វឹកហាត់រយៈពេលវែងនៅទីនោះ ដើម្បីត្រៀមការប្រកួតកីឡាអាស៊ីឆ្នាំ២០១៨ និងការប្រកួតស៊ីហ្គេមឆ្នាំ២០២៣»។
សម្រាប់ការបោះជំរំហ្វឹកហាត់រយៈពេល១២ថ្ងៃនេះ ភាគីកូរ៉េទទួលរ៉ាប់រងថ្លៃស្នាក់នៅ ហូបចុក និងធ្វើដំណើរ។ អនុប្រធានសហព័ន្ធកីឡាចំបាប់កម្ពុជាលោក Casey Barnett ជាអ្នកបង់ថ្លៃទិដ្ឋាការចំនួន៧០០ដុល្លារ និងផ្តល់ជូនអ្នកទៅបោះជំរំម្នាក់១០០ដុល្លារ៕
កីឡាករ អេង ផានិត, ឆាំ ពិស៊ិន, ហេង វុទ្ធី, សឿន សុភាស់, ជុន ធួន កីឡាការិនី ឌន ស្រស់, អេង សេលាង, ឌិត សំណាង និងកីឡាការិនី ជា កញ្ញា បាននិងកំពងុបោះជំរំហ្វឹកហាត់នៅប្រទេសកូរ៉េខាងត្បូង ដើម្បីពង្រឹងបច្ចេកទេស សមត្ថភាព សម្រាប់ត្រៀមចូលរួមប្រកួតជើងឯកអាស៊ីនៅឥណ្ឌូណេស៊ីឆ្នាំ២០១៨ និងការប្រកួតកីឡាស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
«ការទៅបោះជំរុំហ្វឹកហាត់នៅកូរ៉េ វាចំណេញច្រើនទៅដល់ការពង្រឹងគុណភាពអត្តពលិកវ័យក្មេងរបស់យើង ព្រោះក្នុងការបោះជំរុំ១២ថ្ងៃនេះយើងហ្វឹកហាត់ជាមួយគេផង និងប្រកួតធ្វើតេស្តដកស្រង់បទពិសោធជាមួយគេផង»។ នេះជាការលើកឡើងរបស់លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា និងប្រធានប្រតិភូដឹកនាំ ហើយលោកបានបន្ថែមថា៖«នេះជាការទៅបោះជំរំរយៈពេលខ្លីទេ ប៉ុន្តែបន្ទាប់ពីការបោះជំរំនេះយើងនឹងសុំភាគីកូរ៉េ ដើម្បីឲ្យអត្តពលិកយើងហ្វឹកហាត់រយៈពេលវែងនៅទីនោះ ដើម្បីត្រៀមការប្រកួតកីឡាអាស៊ីឆ្នាំ២០១៨ និងការប្រកួតស៊ីហ្គេមឆ្នាំ២០២៣»។
សម្រាប់ការបោះជំរំហ្វឹកហាត់រយៈពេល១២ថ្ងៃនេះ ភាគីកូរ៉េទទួលរ៉ាប់រងថ្លៃស្នាក់នៅ ហូបចុក និងធ្វើដំណើរ។ អនុប្រធានសហព័ន្ធកីឡាចំបាប់កម្ពុជាលោក Casey Barnett ជាអ្នកបង់ថ្លៃទិដ្ឋាការចំនួន៧០០ដុល្លារ និងផ្តល់ជូនអ្នកទៅបោះជំរំម្នាក់១០០ដុល្លារ៕
Tag:
ចំបាប់
កូរ៉េ
ធិន វិចិត្រ
Kim Soogil
© រក្សាសិទ្ធិដោយ thmeythmey.com
