ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
តើគួរទទួលស្នេហាតាមរយៈការបង្អាប់ឬទេ?
30, Dec 2017 ,
2:59 pm
រូបភាព
×
ដោយ:
បច្ចុប្បន្នមានយុវវ័យមួយចំនួនបានផ្តើមស្នេហាតាមរយៈមិត្តភក្តិបង្អាប់។ ការបង្អាប់លេងសើចនេះ អាចធ្វើឲ្យពួកគេស្រឡាញ់គ្នារហូតបានរៀបការរស់នៅជាមួយគ្នា ជាប្តីប្រពន្ធ ប៉ុន្តែការស្រឡាញ់គ្នាដោយការបង្អាប់ ក៏អាចរលាយបាត់ទៅវិញដែរ ព្រោះវាមិនមែនកើតចេញពីការយល់ចិត្តគ្នាទៅវិញទៅមក។ មួយវិញទៀត ការបង្អាប់ផ្គូផ្គូងជាមួយនឹងមនុស្សដែលពួកគេមិនស្រឡាញ់ ធ្វើឲ្យប៉ះពាល់អារម្មណ៍ និងធ្វើឲ្យពួកគេបាត់បង់មិត្តភាព ហើយអាចឈានទៅរកការស្អប់គ្នា។
កញ្ញា ម៉ៅ សុធារ៉ា និស្សិតឆ្នាំទី២ នៃសាកលវិទ្យាល័យបៀលប្រាយ យល់ថាការបង្អាប់ វាផ្តល់ផលទាំង វិជ្ជមាន និងអវិជ្ជមាន។ សុធារ៉ាដែលធ្លាប់គេបង្អាប់ដែរនោះ បន្តថា ផលវិជ្ជមាន គឺអាចធ្វើឲ្យមនុស្សមិនទាន់មានស្នេហាចាប់ផ្តើមស្វែងយល់ពីគ្នាទៅវិញ នឹងក្លាយទៅជាសង្សារនឹងគ្នា បើពួកគេស្រឡាញ់គ្នាមែន ហើយអាចរហូតឈានទៅដល់រៀបអាពាហ៍ពិពាហ៍ទៀតក៏មាន។ ទោះបីជាយ៉ាងនេះក្តី កញ្ញា ម៉ៅ សុធារ៉ា ក៏មើលឃើញថា ការបង្អាប់នេះក៏ផ្តល់ផលអវិជ្ជមានដែរ ប្រសិនបើគេបង្អាប់ប៉ះមនុស្សដែលមិនស្រឡាញ់គ្នា ឬស្រឡាញ់តែម្ខាង។កញ្ញា ម៉ៅ សុធារ៉ា ថ្លែងថា៖«ជាក់ស្តែង អ្វីដែលខ្ញុំជួបប្រទះបទពិសោធន៍ផ្ទាល់ខ្លួន បង្អាប់ចុះ បង្អាប់ឡើង វាឈានទៅដល់ការស្អប់គ្នា ហើយឈប់និយាយរកគ្នាអ៊ីចឹងទៅ។ ហើយមួយវិញទៀត ធ្វើឲ្យពួកយើងខឹងទាំងអ្នកបង្អាប់ទៀត ប្រសិន បើស្រឡាញ់មែន មិនអីទេ ប៉ុន្តែគេមិនស្រឡាញ់ផង ក៏ធ្វើឲ្យបែកបាក់មិត្តភាពអ៊ីចឹងទៅ»។
កញ្ញា ភ័ស្ដ វង្សវិផា និស្សិតឆ្នាំទី៣ជំនាញគ្រប់គ្រងទេសចរណ៍ និងបដិសណ្ឋារកិច្ចនៃសាកលវិទ្យាល័យបញ្ញាសាស្ត្រយល់ថា ស្នេហាដោយការបង្អាប់នេះ វាគ្រាន់តែជាអារម្មណ៍មួយកើតឡើងដោយមិនបានព្រៀងទុកប៉ុណ្ណោះ។ សម្រាប់កញ្ញា វង្សវិផា យុវជនគួរកុំទទួលយកវាអី ព្រោះថាវាមិនមែនជាអារម្មណ៍ពិតពីដើមដែលយើងស្រឡាញ់គ្នានោះទេ។កញ្ញា ភ័ស្ត រង្សវិផា បញ្ជាក់ថា៖«យើងគួរចេះហាមអារម្មណ៍ខ្លួនឯង កុំឲ្យពាក្យបង្អាប់របស់អ្នកដទៃ មានឥទ្ធិពលមកលើយើង ហើយអាចផ្លាស់ប្ដូរការគិតរបស់យើងបាន។ ការបង្អាប់ផ្គូផ្គូងនេះ វាគ្រាន់តែជាលេងសើចរបស់មិត្តភក្តិ ឬអាចជាការពិតរបស់ភាគីម្ខាង លួចស្រឡាញ់ម្ខាងទៀត»។
ទាក់ទងនឹងការបង្អាប់នេះ អ្នកស្រី គាន ដានី ប្រធានសមាគមមិត្តយល់ចិត្ត បានណែនាំថា គួរទទួលស្នេហាតាមរយៈការបង្អាប់ ឬមិនគួរទទួល យើងជាសាមីខ្លួនត្រូវសម្រេចចិត្តដោយខ្លួនឯង។ ម្យ៉ាងទៀត មុននឹងបង្អាប់ គូណាមួយ ក៏គួរមើលពីភាពស័ក្តិសមរវាងមនុស្សពីរនាក់នោះដែរ ទើបគេសប្បាយចិត្ត។ លោកស្រីថ្លែងបន្តដូច្នេះថា៖«បើអាចទៅរួច គួរសាកល្បងស្វែងយល់ពីគ្នាទៅវិញទៅមក ប៉ុន្តែបើមិនអាចទេ យើងគួរបញ្ចាក់ប្រាប់ពីទំនាក់ទំនងឲ្យច្បាស់ ពីព្រំដែនដែលយើងអាចរាប់អានគ្នាបាន»។
ជារួមការបង្អាប់នេះ មានឥទ្ធិពលយ៉ាងខ្លាំងចំពោះស្នេហាយុវវ័យបច្ចុប្បន្ន ហើយពួកគេទទួលយក ឬមិនទទួលនោះ គឺអាស្រ័យលើខ្លួនឯង។ ពួកគេគួរទទួល ប្រសិនបើភាគីទាំងពីរបានស្វែងយល់គ្នា ហើយគិតថាស័ក្តិសម ដែលអាចទទួលយកបានទាំងសងខាង។ ប៉ុន្តែគេមិនគួរទទួលគេ ប្រសិនបើការស្រឡាញ់នេះ ផ្តើមចេញពីការបង្អាប់ ដែលមិនមែនជាការស្រឡាញ់ពិតប្រាកដ។ ហើយសម្រាប់អ្នកបង្គាប់ក៏ដូចគ្នា មុននឹងបង្អាប់នរណាម្នាក់ ក៏គួរមើលដែរថាភាគីទាំងពីរស័ក្តិសម ឬស្រឡាញ់គ្នាដែរឬទេ? កុំបង្អាប់ដើម្បីលេងសើច ដែលធ្វើឲ្យគាគីទាំងពីរបាត់បង់មិត្តភាព ខូចចិត្ត និងស្អប់គ្នា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ស្នេហា
បង្អាប់
© រក្សាសិទ្ធិដោយ thmeythmey.com
អត្ថបទពេញនិយម
នៅពេលព្រះរាជា នរោត្តម សីហនុ សព្វព្រះរាជហឫទ័យលើកញ្ញា ម៉ូនិក …
13 ម៉ោង
«លំបាក»,«ពិបាក» និង«វិបាក» ប្រើក្នុងន័យខុសគ្នាដូចម្តេច?
5 ថ្ងៃ
តើពាក្យ «និង» , «នឹង» និង «ហ្នឹង» មានអត្ថន័យ និងប្រើខុសគ្នាដូចម្តេច?
3 ថ្ងៃ
«ពរពេញ, ពោលពេញ ឬពោរពេញ» មួយណាត្រឹមត្រូវ?
2 ថ្ងៃ
«ពិសារ, ពីសារ, ពីសា និងពិសា» តើពាក្យមួយណាប្រើហើយមិនខុស?
4 ថ្ងៃ
អត្ថបទពេញនិយមបន្ថែម