ជាតិ
នគរបាលបានផាកពិន័យបទល្មើសចរាចរណ៍ជិត១លានដុល្លារ ក្នុងឆ្នាំ២០១៧ ![](https://image.thmeythmey.com/pictures/2018/01/03/road_accident.jpg)
×![]()
ភ្នំពេញ៖ នគរបាលចរាចរណ៍ផ្លូវគោក នៃក្រសួងមហាផ្ទៃ បានអនុវត្តការងារច្បាប់ចរាចរណ៍ទូទាំងប្រទេស ដោយបានផាកពិន័យបទល្មើសចរាចរណ៍ ក្នុងទំហំទឹកប្រាកជិត១លានដុល្លារ ក្នុងឆ្នាំ២០១៧នេះ។
មន្ត្រីនគរបាលចរាចរណ៍ផ្លូវគោក បានចុះត្រួតពិនិត្យយានយន្តសរុបចំនួន ២.៤៦៩.៧៥១គ្រឿង ក្នុងនោះម៉ូតូចំនួន ៦០ភាគរយ ហើយបានរកឃើញយានយន្តល្មើសចំនួន ២៧៥.៤០៤គ្រឿង ស្មើ ១១ភាគរយ និងធ្វើការអប់រំចំនួន ៨៨.៨៥៩គ្រឿង ស្មើ៣២ភាគរយ ។ ជាមួយគ្នានេះនគរបាលបានផាកពិន័យយានយន្តចំនួន ១៨៦.៥៤៥គ្រឿង ស្មើ៦៨ភាគរយ។
ក្នុងការផាកពិន័យទាំងនោះ មានការអនុវត្តបង់ប្រាក់ពិន័យតាមស្នាក់ការនគរបាលចរាចរណ៍ផ្លូវគោក ដែលមានទឹកប្រាក់ ៣.៨២០.០៧៥.០០០រៀល(ជិត ១លានដុល្លារ)។ នេះបើតាមរបាយការណ៍បូកសរុបលទ្ធផលប្រចាំឆ្នាំ២០១៧ នៃអគ្គស្នងការដ្ឋានគរបាលជាតិ៕
Tag:
ចរាចរណ៍
ពិន័យជាប្រាក់
© រក្សាសិទ្ធិដោយ thmeythmey.com