ពីនេះ ពីនោះ
ព័ត៍មានសុខភាព
ការសិក្សាបានបញ្ជាក់ថា ហ្សែនអាចធ្វើឲ្យកូឡេស្តេរ៉ុលល្អទៅជាអាក្រក់បាន ![](https://image.thmeythmey.com/pictures/2018/01/04/img_1515025859.jpg)
×![]()
យោងទៅតាមសេចក្តីរាយការណ៍របស់សារព័ត៌មាន BBC News បានឲ្យដឹងថា មនុស្សមួយចំនួនដែលមានកូឡេស្តេរ៉ុលល្អខ្ពស់ក៏ប្រឈមខ្ពស់នឹងជំងឺបេះដូងដែរ។ អ្នកស្រាវជ្រាវបានសម្គាល់ទៅលើហ្សែនមួយឈ្មោះថា P376L ប្រហែលជាធ្វើឲ្យមនុស្សមួយចំនួនដែលមានកូឡេស្តេរ៉ុលល្អខ្ពស់មែន តែប្រហែលជាអាចជាប់ទាក់ទងនឹងការកើតជំងឺបេះដូងទៀត។
អ្នកស្រាវជ្រាវបានតាមដានទៅលើមនុស្សចំនួន ៣២៨នាក់ដែលមានកូឡេស្តេរ៉ុលល្អខ្ពស់ខុសធម្មតា។ កូឡេស្តេរ៉ុលល្អជាធម្មតាគឺដឹកនាំកូឡេស្តេរ៉ុលផ្សេងៗទៀតចេញពីក្នុងឈាម ទើបវាចាត់ទុកវាជាកូឡេស្តេរ៉ុលល្អ។
ហ្សែនជាច្រើនត្រូវបានប្រៀបធឿបជាមួយអ្នកដែលមានកូឡេស្តេរ៉ុលល្អទាប។ សរុបមក អ្នកស្រាវជ្រាវបានរកឃើញថា អ្នកដែលមានកូឡេស្តេរ៉ុលល្អខ្ពស់បំផុត គឺមានភាពខុសប្រក្រតីនៃ P376L របស់ហ្សែន SCARB1 ដែលវាគួរតែអាចបញ្ចេញកូឡេស្តេរ៉ុលល្អចេញពីឈាមទៀត។
អ្នកស្រាវជ្រាវបានបានពង្រឹងដល់ការរកឃើញមួយនេះតាមរយៈការបញ្ចូលទិន្នន័យជាច្រើនពីការសិក្សាអំពីហ្សែនផ្សេងៗទៀត។ ពួកគេបានរកឃើញថា ការប្រែប្រួលនៃ P376L មានជាប់ទាក់ទងនឹងការប្រឈមកាន់តែខ្ពស់នឹងជំងឺបេះដូងរហូតដល់ ៧៩ភាគរយ។
ថ្វីបើរឿងនេះជារឿងគួរឲ្យចាប់អារម្មណ៍ក៏ដោយ តែវាមិនគួរណាមិនខ្វល់អំពីដំបូន្មានក្នុងការចៀសវាងអាហារមានកូឡេស្តេរ៉ុលច្រើនឡើយ។ វានៅតែមិនច្បាស់ថា តើមានមនុស្សប៉ុន្មាននាក់ដែលផ្ទុក P376L ព្រោះអ្នកស្រាវជ្រាវនិយាយថា វាជារឿងកម្រ។ ទោះបីជាយ៉ាងណាក៏ដោយ លទ្ធផលនៃការសិក្សានេះមិនបានបញ្ជាក់អ្វីពាក់ព័ន្ធនឹងមនុស្សភាគច្រើនឡើយ។ បើសិនជាគ្រូពេទ្យមិនបានប្រាបអ្វីដល់អ្នកទេ កូឡេស្តេរ៉ុលល្អនៅតែជារឿងល្អ ហើយអាក្រក់នៅតែជារបស់អាក្រក់ដដែល៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com