ពីនេះ ពីនោះ
ព័ត៍មានសុខភាព
ក្មេងដែលកើតនៅចុងសប្តាហ៍ប្រឈមនឹងការស្លាប់ខ្ពស់បន្តិច
× យោងទៅតាមសេចក្តីរាយការណ៍របស់សារព័ត៌មាន Daily Mail បានឲ្យដឹងថា ក្មេងដែលសម្រាលនៅថ្ងៃចុងសប្តាហ៍ទំនងជាងាយនឹងស្លាប់ ឬមានរបួសធ្ងន់ធ្ងរគួរឲ្យកត់សម្គាល់។ ទោះបីជាយ៉ាងណាក៏ដោយ ខណៈពេលដែលការប្រឈមកាន់តែខ្ពស់នេះគឺជារឿងសំខាន់ និងមានមូលហេតុជាក់ស្តែក តែវាគួរតែត្រូវបានកត់សម្គាល់ថា វាគ្រាន់តែជាការកើនឡើងតិចតួចបំផុតប៉ុណ្ណោះ។
អ្នកស្រាវជ្រាវបានពិនិត្យទៅលើលទ្ធផលនៃការសម្រាលកូនប្រមាណ ១៣៤៩៥៩៩នាក់ រយៈពេលពីឆ្នាំ ហើយបានរកឃើញថា ០.៧៣ភាគរយនៃទារកទាំងអស់កើតមកនៅថ្ងៃចុងសប្តាហ៍បានស្លាប់ ខណៈពេលដែលក្មេងដែលកើតនៅថ្ងៃធម្មតាមានអត្រាស្លាប់តែ ០.៦៤ភាគរយទេ។ រឿងនេះប្រហែលជាការស្លាប់បន្ថែមមួយក្នុងចំណោមទារកដែលកើតមក ១០០០នាក់។ ដូច្នេះភាពខុសគ្នាបែបនេះគឺតិចតួចណាស់ តែវានៅតែជាការស្លាប់មួយក្នុងចំណោមច្រើនដែរ។
ក្នុងការសិក្សានេះ ស្ត្រីភាគច្រើនសម្រាលកូនដោយមានគម្រោងសម្រាលដោយវះកាត់។ ទារកដែលកើតដោយវិធីនេះមានការប្រឈំមុខតិចតួច ហើយក៏អាចធ្វើឲ្យការសម្រាលនៅពេលថ្ងៃធម្មតាមានសុវត្ថិភាពជាងដែរ។
ការសិក្សានេះបានសង្ខេបថា ការប្រឈមមុខទាំងអស់នៃទារកដែលស្លាប់គឺតិចតួចបំផុត។ យ៉ាងណាមិញ ភាពខុសគ្នាតិចតួចចំពោះការប្រឈមមុខរវាងកូនដែលកើតនៅថ្ងៃចុងសប្តាហ៍ និងថ្ងៃធម្មតាក៏មិនអាចមិនខ្វល់បានដែរ៕
© រក្សាសិទ្ធិដោយ thmeythmey.com